اروح مدينة السادات المنوفية ازاى من القاهرة
بس بالتفصيل الممل لانى اول مرة اروحها انا اخرى قويسنا
اروح مدينة السادات المنوفية ازاى من القاهرة
بس بالتفصيل الممل لانى اول مرة اروحها انا اخرى قويسنا
بص يا ريس عشان تروحها من الزراعى حتبقا لفه عليك و بلاد تشيلك و تحطك و هتكره نفسك خصوصا انك من القاهره
افضلك تروحها من الصحراوى ده اسهل و مفيهاش وصف ... انت حتاخد الصحراوى لحد ما تلاقى سجن على يمينك (وادى النطرون تقريبا)
مش مهم اسم السجن بس هو ف الكيلو 86 من القاهره ... حتلاقى دخلة السادات بعد السجن على طول لاذقه فيه
و حتلاقى عربيات سرفيس واقفه بتوصل السادات ... توصل بالسلامه ان شاء الله
هتروحها مواصلات ولا بعربيتك ؟ ؟ ؟
لو مواصلات ... في وسيلتين
الميكروباص و دا الموقف بتاعه موجود تحت المحور .. هتركب أي حاجة لاكتوبر او زايد و تنزل سلم الصحراوي هتلاقي الموقف
الاتوبيس و دا موجود جنب كلية هندسة شبرا - قريب من محطة مترو روض الفرج
----
لو بعربيتك
هتاخد الصحراوي و بعد ما تعدي البوابات هتفضل ماشي لحد ما تلاقي السجن و جنبه بنزينة امارات مصر ( على يمينك ) المدخل ما بين السجن و البنزينة علا طول
عايز تروح فين في السادات .. انا ساكن هناك
من مكان ما هتدخل يمين بعد سور السجن
هتاخد الطريق طوالي ( حوالي 3 كم ) و في نهايته تاخد شمال لنهايته ( حوالي 3 كم كمان )
و في النهاية هتلاقي صورة الرئيس السادات في وشك
عندها ادخل يمين هتلاقي الطريق متفرع يمين و شمال
خد الدخلة الشمال هتلاقي جامعة السادات على يمينك