المشكلة والحل في سخونة عربيتنا a4

لعربية كانت بتسخن a4اوكتافيا بوابة كهرباء والمؤشر كان بيوصل للعلامة الحمرا....
انا فكرت في حاجتين طلمبة المياة....او الثرموثتات..
اممممم طيب انا لسه مغير طلمبة المية عشان السخونية برضه والعربية كانت اتظبتت وبقت تمام...
تبقى الثرموثتات..امممممممم طيب ما انا لسه مغيرها اصلي بالشجرة كاملة اصلي ب 750 جنية....امال فيه ايه...ما بدهاش رحت النهاردة عند الميكانيكي...
قالي حاجة من الاتنين يا طلمبة مياه يا ثرموثتات......
وشغلنا العربية ولاحظنا انا الموتور مولع....والرادتير بارد قالي كدة خلاص..الثرموثتات معلق على وضع القفل....بعت جاب واحد بيقول عليه تركي لكن شكلة صيني ب 280 ركبنا وجربنا تمام والمؤشر عند 90 ما بيعلاش...الثرموثتات القديم طالع فيه كسور....وطبعا عليه تكلسات ملح من مية الحنفية....
وده شكل الثرموثتات
http://i144.photobucket.com/albums/r...ps1d0048d0.jpg
ودي شكل الشجرة كاملة بالثرموثتات
http://i144.photobucket.com/albums/r...psa615e2af.jpg

الي بيبوظها ميه الحنفية عشان الاملاح بتتراكم عليها وبتاكلها واحمد ربنا انك اخدت بالك وانت في طريق داخلي لان حصل عايا الموضوع ده وانا في طريق سريع ولحقتش المكنة الطلمبة بتاعت المية ساحت من السخونة والمكنة الله يرحمها ماتت خلاص
وجبت مكنة جديدة وشيلت ترموستات الكوعه نهائي عشان المقلب الي اتعمل معايا من السخونة ده
بس فيه فكرة كده اني اشيل السوستة بتاعت الترموستات واخلي العربية بيها عشان المراوح تفصل ومتفضلش شغالة علي طول

الحمد لله
انى سيادتك قدرت تحل مشكلتك قبل فوات الاوان
لانى هتكون الاضرار مش كويسة كا وش سليندر و جوان و قصة وربنا لا يوريك
حاول كل فترة تيبقى تشيك
و دى سهله انى سيادتك تجس خراطيم المياة بأيدك قبل دخول الموتور و بعد خروج الموتور لازم تكون المياه درجة سخوناتها قريبة منة بعض و تحس انى فى سريان مياة ماشى داخخل الخرطوم
ربك المستعان