فانتازيا 2011
لمبة مانع الانزلاق نورت وانا ماشي وفضلت منوره
وحسيت العربية مخنوقه وهيا ماشيه
ركنت العربيه وبطلتها واللمبة فصلت والعربية رجعت تمااام
دي تاني مره والمرتين ورا بعض على طول
ممكن اعرف ايه سبب المشكلة دي
عرض للطباعة
فانتازيا 2011
لمبة مانع الانزلاق نورت وانا ماشي وفضلت منوره
وحسيت العربية مخنوقه وهيا ماشيه
ركنت العربيه وبطلتها واللمبة فصلت والعربية رجعت تمااام
دي تاني مره والمرتين ورا بعض على طول
ممكن اعرف ايه سبب المشكلة دي
صباح الخير:
1-فحص العربية بالكمبيوتر.
2-فحص أسلاك البوجيهات والموبينة.
صباح النور
الف شكر لردك
محتاجة يتعملها سكان
بشرط تكون اللمبة منورة علشان تحدد مشكلتك منين
يعنى لو سيادتك اللمبة نورت معاك
هتحاول تروح مركز و هى العربية دايرة و متبطلش يركب كابل الكمبيوتر و يعمل سكان كدة هتقفش العيب منين
بالظبط
ربك المستعان
متشكر جداااا ليك يا باشمهندس احمد
هيا نورت في ملف ولا كنت ماشي عادي ؟
المسكله مش انها نورت ازاي
المشكلة انها مش بتطفي بعد ما بتنور
فيه زرار اسفل الكاسيت مكتوب عليه asr هل بيكون منور وجرب كده لو نورت فى الطابلوه حاول تضغط على الزرار وشوف هتطفى ولا لا
لا يا أ طارق لما اللمبة نورت الزرار ده مطفهاش للاسف مطفتش عير لما بطلت العربيه ودورتها تاني
بيحصل الموضوع ده ساعات لو حد رفع العربيه بكوريك مثلا للحام كاوتش او شغل فى اى عجله وهو بينزل العربيه رزعها
ممكن اللمبه دى تنور وممكن لمبه حساس الكاوتش تنور
بعدها هتدخل العربيه على الكمبيوتر ويشوف الخطأ منين ويمسحه حصلت معايا قبل كده بس لمبه الكاوتش هى اللى زرجنت ورحت عند ابو جمره فى المحله وهو دخلها كمبيوتر ومسح الخطأ
الموبينه او اسلاك البوجيهات و حتى لو قفلت كومبيوتر العربيه سجل الخظأ و لو عملت سكان هيبان
استاذي الفاضل
العيب ده عندي
واللى حصل كالآتي بعد استشاره الاخوه في المنتدى
توجهت للميكانيكي في الحي العاشر وهو ميكانيكي سكودا فقط
وعاد على البوجيهات وثبتها كويس فقط وقالى كده هتتظبط معاك
ولو اتكررت تاني هتحتاج موبينه بوجيهات
وسألت عليها احد محلات قطع الغيار وقالى انها بتعمل 425 جنيه
طلعت موبينة يا جماعة
الف شكر يا شباب
اللمبه دي لما تنور بيكون السبب البوحيهات او الموبيتا او اسلاك البوحيهات وانا كان عندي المشكله دي وكان السبب فبها توكيل القطاميه كانوا هيبوظوا العربيه بس الحمدلله صلحتها في توكيل غمره
موبينة
جابتها بكام و منين و عاملتها عند مين
و ان شاء الله خير
حصلت معايا نفس المشكله بالظبط.
غيرت موبينا و اسلاك البوجيهات. و الحمد لله تمام
الحمد لله انها ظبطت....... والاجمل انك كملت الموضوع للاخر ورديت بان الحل موبينه
وده بيكون مفيد جدا لاى حد هتقابله المشكله دى لان هنا كثيرا جدا يطلب استفسار عن عطل والاخوه يجتهدوا معه وبعدين .... بخ... ولا حس ولا خبر ولا حتى بنعرف هو عمل ايه
انا عندي نفس المشكله اروح احط العربيه ع الجهاز ولا فيه حل ممكن اعمله مانيوال اللمبه عندي مش عايزه تطفي بس نورت بعد ما كلت مطب
شكراً علي المعلومة