ساعدوني.. إيه أحسن عربية أتوماتيك مستعملة في حدود 40 ل،، 45 ألف
السلام عليكم ورحمة الله وبركاته
ياريت تساعدوني.. عايزة أشتري عربية أتوماتيك مستعملة في حدود من 40 ألف إلى 45 كحد أقصى
تكون حالتها كويسة متحتاجش مصاريف وصيانتها سهلة وقطع غيراها متوفرة وسعرها معقول ويكون استهلاك البنزين كويس وتكون كاملة ويمكن إعادة بيعها بعد فترة بدون خسارة كبيرة
ياريت تفيدوني لأني لا أفهم في نوع العربيات وجودتها وهتبقى استخدام لسيدة لسه هتعلم السواقة فمش عايزة أتبهدل بيها وأهم حاجة أتوماتيك
ومعلش ياريت بردو لو تعرفوني أشتري منين وأكشف على العربية إزاي وفين؟
وشكرا لكم