السلام عليكم
اليوم موعدنا مع مغامرة جديدة مع الماروتي
ماشي في امان الله لابيا ولا عليا في شارع المحافظة وابص الاقي العربية بطلت مرة واحده ووقفت ادور مش عايزة تدور
نزلت فتحت الكبوت ابص علي الموبينة لاقيتها ناطرة زيت برة علي الاسلاك قولتلها صباح فل بالصلاة علي النبي اديها اجازة من الشغل
وزقتها ركنتها في شارع جانبي اجمل حاجه في العربية فعلا انك تقدر تزقها لوحدك ماشاء الله
وفتحت الكبوت وجبت الفوطة وبليتها ماية وحطيتها علي الموبينة عشان تبرد بردت الموبينة ادور مش راضيه تدور قولتلها عيب يا موبينة ورحت مقفل العربية وخدت تاكسي طلعت علي الميكانيكي الواحد من غير عربية بيبقي عامل زي المذلول ربنا يديمها نعمه علينا
تعالي يا ميكانيكي خدني ورحنا جبنا موبينة قولتله هاتها اليكتروني قالي الاليكتروني هتبوظلك الابلاتين بسرعه انا هجيبلك موينه جافة فاخرة جدا قولتله علي ضمانتك قالي عيب يا استاذ خشينا علي المحل انضف موبينة جافة يا مسيطرر طلعلي واحد بيقولي دي انضف حاجه ياباني بكام ياعمو ب85 طيب ماينفعش80 قالي لا انا هنا زي الصيدليه مينفعش تفاصل معايا قولتله ماشي واديته ال85 وخدنا تاكسي وطلعنا علي العربية والمفاجاة ان فيه خرطوم اللي واصل بين الموبينة والاسبراتير اللي فيه الابلاتين الميكانيكي لاقاة مقطوع وطاير بعيد عن الموبينة قالي هو ده السبب وراح مشبط الموبينة الجديدة وقالي اطلع علي الورشة اغيرهولك وركبلي واحد من عنده وقولتله اظبطلي الهواء والبنزين عشان بلعب فيهم قالي ماشي وظبطهم والحمد لله العربية رجعت تمام وربنا يسترها علينا والحمد لله انها عطلت جوة البلد مش علي الطريق كان زمانة يوم
كل ده عشان ولاد الكلب مركبين خراطيم كتيانه شبههم في العربيات الجديده العربية مكملتش7000كيلو ومغيرلها خرطوم فايظ بنزين كان فيه نفس العمله دي والخرطوم ده والابلاتين والموبين اللي ضربت دي
يالله منهم لله اللي مش بيراعوا ضميرهم
لو حد عنده اي تفسير للي بيحصلي ده وهل الموبينه الجافه دي نضيفه ولا اي كلام
منتظر ارائكم واقتراحاتكم
والي اللقاء في مغامرة اخري من مغامراتي ويومياتي مع الماروتي :36_2_49[1]: