عرض للطباعة
بعد السلام و التحية :
تنتيش في اول النقلات
لانوس 2006 75000كلم
بنزين 80 + تعديل فيشة الاوكتان
الميكانيكي قاللي شرارة من سلوك البوجيهات يستحسن نغيرهم بدل ما يبوظوا الموبينة
اسبوع عدي كويس جدا ثم امبارح في الحر ظهرت نفس الاعراض
الميكانيكي قال موبينة !!!
هل هناك اي حتمال اخر ؟؟؟ ارجو الافادة و شكرا
امشى على التالت وبسرعه 40 واضغط على دواسه البنزين مره واحدها وهاتها للاخر لو العربيه قطعت يبقى عيب الموبينه
هاجرب و ارد شكرا
جربت ومش بتبطل
بس بتنتش جامد
يا جمااعة حد يرد عليا انا خايف علي العربية و مش عايز البخ عند عند ما بيفهمش
فى الغالب بوبينة او سلك بوجيهات او البوجيهات نفسها والله اعلم
غيرت السلوك و البوجيهات و رجعت بعد اسبوع بنفس العيباقتباس:
المشاركة الأصلية كتبت بواسطة mohfud
؟؟؟؟
هو الموضوع عويص اوي للدرجه دي وللا ماعادش حد مهتم بالمنتدي وللا ايه
انا اسف اني سألت و اعتمدت علي خبراء المنتدي
الموضوع عويص الموضوع محتاج تجربة
انا رأيي تختبر الموبينة عند ميكانيكي تانى الاول
ثم تركب موبينة تجربة وتعمل اختبارااتك
و اخيرا انت لما غيرت البوجيهات هل كان فية حاجة منهم عليها زيت؟؟؟؟؟؟؟؟
%100 موبينه
انا لسه مغيرها عندى وعملت كل اللى انت بتقول عليه من تغير بوجيهات والسلوك البوجيهات وفى الاخر غيرت البوبينه وطلع العيب منها
شوف الميكانيكى لو عنده واحده وجربها
موبينه يا رياسه .. لسه مغيرها امبارح ..
فيه نوع بـ 160 جنيه
ونوع تاني بـ 260 ..
انا جبت أبو 260 جنيه .. والدنيا ظبطت ..
وعشان تتأكد انها موبينه فيه اختبار كده الصنايعيه بيعملوه ..
1 - دور العربيه
2 - تعالي عن سلوك البوجيهات من ناحيه الموبينه واخلعهم واحد ورا واحد
3 - قرب سلك البوجيه من مكانه في الموبينه وشوف شرز الكهربا عالي ولا لأ
4 - لما تجرب سلك ورا سلك هتعرف بنفسك انهي مخرج من الموبينه اللي كهربته ضعيفه
بسيطة ان شاء الله
عامة هى من مجموعة الكهرباء (سلوك بوجيهات-بوجيهات-موبينة)
اختبر واحدة واحدة وان شاء الله كلوا حيبقى تمام
طيب في ميكانيكي تاني قاللي هات ننضف الحساسات و البوابة و هاتظبط
هل اروحله الاول وللا اكيد موبينة ؟؟؟
بص فيه احتمال تكون طلمبة البنزين لو كل اللى فات طلع سليم
يا جماعة انا اسف علي تعبكم معايا
بس التاني قاللي ان البنزين ال80 هو السبب ف هاننظف الحساسات و الموضوع هايتحل
هل التنظيف ده هايفيد و للا هارجع برضه اشتري موبينة ؟؟؟؟؟
نظفهم مش هتخصر حاجة بالعكس فائدة للعربية
up.........
نظف الحساسات مش هتخسر حاجة اوقات الحساسات هي اللي بتعمل كل المشاكل دي
واكشف علي الموبينة قبل ماتغيرها علشان ماتصرفش وبس لان دي حاجة لوحدها بتحرق الدم لما تجيب حاجة مكان حاجة سليمة وفي الاخر المشكلة مش هتتحل
بس حوار بنزين 80 دة انا مش مقتنع بيه لاني ماشي الحمد لله علي 80 علطول وكل الناس اللي اعرفهم وماشيين علي بنزين 80 متعندهمش المشكلة دي
ربنا يوفقك
بنزين 80 انا شغال بية دة غالبا بوبينة وعملت كدة معى مرتين وفى المرتين غيرت البوبينة ولما تحديت الميكانيكى اول مرة جربها بدون تركيب علشان يثبت لى صحة كلامة وفى المرة التانية حط واحدة استعمال من عندة للتاكيد
شوف لو الميكانيكى عندة استعمال فى الورشة خلية يجرب لك
يا باشا فك صوابع الموبية صباع صباع لو فيه صباع او اكتر مبيديش شرارته يبقي عندك مشكلة في الموبينة
طب لو العربية بتقطع وهي باردة وعندما ازود بنزين تستقر واحيانا وهي ماشية تقطع وبعدين تزبط علما بأن السحب احيانا يزبط واحيانا يضعف ... هل السبب موبينة ؟ من فضلكم افيدوني
up ..........
نفس المشكلة مع تغيير موبينة و سلوك و فلتر بنزين
اليوم تم تغيير الموبينة بواحدة استيراد = 300 جنيه
الفصال كان في مدة الضمان وصلته ل3 ايام بالعافية
المفاجأه :
التنتيش زي ماهو :( في اول النقلات
الميكانيكي قاللي الموبينة محتاجة تطبع و تمشي شويه علشان التنتيش يختفي
بس انا مش مقتنع :(
و حاسس اني اتضحك عليا من الميكانيكي :(
و للاسف هنا في المنتدي اللي كان كل الخبراء فيه بيردوا علي السؤال اول لما يتسأل
بجد انا حزين :(
الميكانيكي دة كفتة يا باشا لو الكويل كان ضبط العربية علي طول لا فيها تطبيع و لا بتنجاناقتباس:
المشاركة الأصلية كتبت بواسطة amoro
باشا ممكن اعرف اعرف لو انك غيره الرشاشات قريب و لا لا و اية نوع الرشاشات عربيت الرفيعة و لا التخينة
ما غيرتش رشاشات
up.....................
الراجل و هو بيركب الموبينة عمل التجربة ديه و كل الصوابع شرارتها عالية لكن مع نفس العيب بعد تجربة 3 ايام :I_angr1[1]:اقتباس:
المشاركة الأصلية كتبت بواسطة ekotta
يا باشا مشكلتك رشاشات خللي الميكانيكي يجرب طقم رشاشات تاني من عندة انا كان عندي نفس المشكلة و بعد ما غيرنا كل حاجة قولنا مجرب برشاشات ثانية و المشكلة اتحلت
Up.........
الرعشة و خنقة العربية في اول النقلات زااادت :(
تم تنظيف حساس موقع الاكسراتير و فيشة و حساس الtps اللي جنبه
ثم اخيرا الحساس وفيشته اللي في صدر العربية
النتيجة .... لاتغيير :(
نفس الخنقة و التنتيش في اول النقلات
اغيثوووونييييي
ارجو الرد من ا/ محمد ممدوح
يا أستاذ Amoro جرب تغسل تنك البنزين و تحط 92 و تغير فلتر بنزين. عربيتك موديل كام؟ تلاقي التنك في بلاوي! و بالمرة غير فلتر هوى لو محتاج يتغير... و بلغنا و إن شاء الله خير.
العربية ٢٠٠٦ كاملة ٧٥٠٠٠ كلماقتباس:
المشاركة الأصلية كتبت بواسطة egyptiandiver
تم تغيير البنزين ل٩٢ مع تعديل فيشة الاوكتان الي٩٥
تم تغيير فلتر البنزين بعد حدوث هذا العطل
ثم بوجيهات ngk وسلوكها ولم تستجب
تم تغيير موبينة ايضا و نفس العطل
تم تنظيف فيش الحساسات و موقع الاكسيراتير كما ذكرت و مافيش فايدة
بقالي شهرين عامل البوست و مافيش فايدة
:36_1_31:
العربية ٢٠٠٦ كاملة ٧٥٠٠٠ كلماقتباس:
المشاركة الأصلية كتبت بواسطة egyptiandiver
تم تغيير البنزين ل٩٢ مع تعديل فيشة الاوكتان الي٩٥
تم تغيير فلتر البنزين بعد حدوث هذا العطل
ثم بوجيهات ngk وسلوكها ولم تستجب
تم تغيير موبينة ايضا و نفس العطل
تم تنظيف فيش الحساسات و موقع الاكسيراتير كما ذكرت و مافيش فايدة:018a1d~146:
بقالي شهرين عامل البوست و مافيش فايدة
:36_1_31:
Up.........
منتظر ردود اساتذة و مشرفين المنتدي
بقالي شهرين بألبخ
حراااام انا معتمد علي المنتدي