يااهل الخير سيارتي تويوتا كورولا 2015 والسيارة كويسه بس هناك عيب خطير وهو انها واطية على الارض وبتحك في المطبات جربت كل حاجة لم يفيد سواءً اخذت المطب على الطول او العرض فهل هناك حل
عرض للطباعة
يااهل الخير سيارتي تويوتا كورولا 2015 والسيارة كويسه بس هناك عيب خطير وهو انها واطية على الارض وبتحك في المطبات جربت كل حاجة لم يفيد سواءً اخذت المطب على الطول او العرض فهل هناك حل
2015 خليجى ولا مصرى
مواصفات مصرية مصنعه في اندونيسيا
اظبط الكاوتش نيتروجين ع ٣١ وهتدعيلنا ان شاء الله ؛)
الخليجى تقريبا 15 سم
والمصرى 14.5 سم
يكاد يكون الاتنين زى بعض
بس ضغط الكاوتش اكيد له عامل برضة
الضغط بيتظبط زى ما مكتوب ع القايم الشمال للسياره
وهو موصى ب 33 للعجل الامامى والخلفى
وان شاء الله مش تحك معاك
وهذا ليس عيبا ف العربية ولكن عيب ف شوارعنا ومطابتنا .. وان كان عيب ف السياره يبقى المرسيدس والبى ام بهم عيوب ف الارتفاع عن الارض ايضا
ضبط ضغط الاطارات زى ما قولتلك وان شاء الله الدنيا هتظبط مع حضرتك
هى اسعار الخليجى كام ؟؟ عشان انا بفكر فى المصرى الفئة الثانية ب 190 بس كنت عاوز اعرف الخليجى عاملة كام ؟؟
بارك الله فيكم جميعا وسوف اجرب ماقلتموه وشكرا لحضراتكم
الخليجى ع حسب المعرض وهى ف حدود 180 الى 184 الفئة الاولى
ياسادة يامحترمين يااهل الكورولا جربت كل اللي قولتولي عليه ولا فايدة السيارة بتحك برضة في المطبات والله انا من سكان القاهرة الجديدة التجمع الخامس والشوارع زي الفل نفخت العجل على مقاس 33 نيتروجين ومرة نفخت العجل على مقاس الهواء العادي 31 مفيش فايدة الظاهر العيب فيه انا فالحمد لله قررت ابيع الكورولا 2015 وربنا يعوض علينا في الخسارة اللي رايح نخسرها
عيوب التويوتا كورولا ايه ده هي الكورولا فيها عيوب ؟لا متقلش كده يا راجل
عموماً راجع التوكيل وسجل اسمك عشان تاخد دور في التعليه مجانا
ضاحنا شعب مبيعجبهوش العجب ولا الصيام في رجب،،عربية عالية يقولوا ثباتها ضايع عربية واطية يقولوا بتحك في المطبات،، هات لادا او بيجو 504 او اي عربية جيب و هي مش هتحك في اي مطب،،، متنساش تقولنا حضرتك ناوي علي انهي عربية اللي مش بتحك في المطبات عشان نجيبها
لو حضرتك مش من هواة السرعات العالية فوق ال150 تقدر تركب علايات كاوتش و انا عن نفسي جربت الموضوع ده قبل كدة،، بس يعيبه انه بيقلل من ثبات العربية عن الطبيعي، التوكيل مبدأيا مش بيركب علايات فلو هتركبها هتركبها عند عفشجي او ميكانيكي.
للأسف الشوارع داخل القاهرة الجديدة فيها حفر ومطبات كتير لكن الكورولا مصفحة من تحت تصفيح حديد مش فيبر وكل الحكات دى بتيجى فى المصفحة متخافش على العربية منها
لو قررت فعلا تغير ممكن ارشح لك الرينو الفلوانس عالية و بروح بيها كتير هناك عمرها ما حكت منى
معقولة ان الكورولا لسه بتحك حتي بعد التعلية في التوكيل؟