بعمل صيانة الألف ف توكيل ابو رواش لو حد عايز يسأل ع حاجه انا تحت إمرة
عرض للطباعة
بعمل صيانة الألف ف توكيل ابو رواش لو حد عايز يسأل ع حاجه انا تحت إمرة
يا باشا بيعملوا ايه في اول صيانه
* تشيك شامل ع العربية
*تفعيل الضمان واخذ كود ضمان للعربية ع الكومبيوتر الشركه
* تشحيم المفصلات الابواب والشنطه والكبوت
* مراجعه ع الانوار والكلاكس
* مراجعه ع ضغط الاطارات
* مراجعه ع الزيوت و السوائل
* مراجعه ع التيل والطنابير
* تربيط العفشة
صيانه الالف مجانيه
زي م ابو فندي قال بالظبط بس انا غيرت الزيت و حطيت زيت 10 آلاف بس مكنتش مبسوط من الصيانه بتاعتهم
ممكن تقول انت كنت مش مبسوط من ايه بالظبط.....؟
يعني مثلا العربيه طالعه مش متنضفه كويس حتى الماتور مش متنفض بالهوا و غسيل العربيه اللي واخدين عليه فلوس مش كويس خالص و العربيه مخدتش وقت خالص و حسيت أنهم مرفعوهاش يعني حسيتهم مقصرين
صيانه الالف مفهاش تغير زيت
ممكن تكون انت الى اصريت ع تغير الزيت
وصيانه الالف بتبقى سريعه مش بتاخد وقت
لكن ف صيانه 5000 هى دى الى بتم تغير فيها زيت وغسيل العربية والماتور بالفوم
لو مش راضى عن الصيانه ممكن تروح المرة الجاية ان شاء الله فرع تانى وارشح ليك التجمع فرع كويس وهتتبسط من الخدمه ان شاء الله
شكرا يا دكتور فندي أنا فعلا اللي اصريت اغير الزيت علشان انا شايف انه أفضل مع أنه كان مازال نضيف جدا كنت مشيك عليه قبل ما اروح