مشكله تسريب من كل خراطيم دوره التبريد

احبائي اعضاء وزوار المنتدي
زميل لي بالعمل اشتري لانوس 2006 وعمل لها سيرفس كامل وقام بتغيير دوره التبريد من مياه حنفيه الي مياه موبيل خضرا الله يسامح صاحب العربيه الاصلي
المهم من اسبوع كان عند الميكانيكي يبص له علي زيت الفتيس
المهم الميكانيكي قاله غير المياه الخضرا دي علشان داعكه الدنيا من تحت
خرطومين السخن اللي في صدر الموتور وخرطوم كبير طالع من طرمبه المياه
وشويه خراطيم صغيره عليهم اثار مياه خضرا ورشح بسيط
يعمل ايه يركب كوليهات جديده علي الخراطيم ويكمل بمياه خضرا
ولا يرجع لمياه حنفيه مقطره بعد ما الميكانيكي خوفه وقاله ربنا يستر يا بيه علي البلوك بتاع الموتور من جوا ..........شاركوني تعليقاتكم

غسيل دوره التبريد بيبين اى تسريب لانه بيزيل الاملاح الموجوده مكان التسريب
والافضل يجبس دوره التبريد لمعرفه اماكن التسريب وعدم الرجوع لمياه الحنافيه واذا كان عيوب كوليهات تتغير