الموضوع: رينو فلوانس 2015 ولا سكودا رابيد 2015 ولا شارك 2015

مساء الخير علىك ويارب تكون بصحة جيدة
كنت محتار بين شارك 2015 و فلوانس 2015؟
وفعلا الفلوانس سحبها بطئ؟ واقصى سرعة ليها كام؟
مع العلم انا مش هجيبها ليا لوحدي كشاب بل لاسرة
و ايه الاحسن من حيث الشكل و الفخامة و ارتفاعها عن الارض و وسعها من الداخل بالذات الكنبة الخلفية لان لدي اخين ؟؟

بص يا باشا....الفلوانس أفضلهم من حيث الكماليات والشكل وإجمالا ك-ركوبة هي أفضل سيارة بين الثلاثة ولكن يعيبها إرتفاع أسعار قطع غيارها وسعر إعادة البيع بس خليك واثق إنك حتستمتع بيها طول ما انت راكبها بس حتزعل وانت نازل منها عشان حتخسر فيها من 30 الف الى 40 الف على حسب حالتها وقتها....الشارك تتفوق في تكييفها وسرعة سحبها وتسارعها وسعر إعادة البيع ورخص أسعار قطع غيارها مقارنة بالفلوانس والرابيد ولكن شكلا هي أقلهم شكلا من حيث الفخامة والشياكة وفي نفس الوقت مفيهاش أوبشنز كتير مقارنة بالفلوانس والرابيد....الرابيد بقى تتفوق في قوة موتورها وثباتها على الطريق وعفشتها ولكن حتزعل جامد اوي وانت بتعملها صيانة وحتزعل برضه في قطع غيارها بس انسى القطعة اللي بتركب سنين قدام بس حتدفع كتير عشان هي نفس معاملة الألماني وما أدراك ما الألماني في قطع الغيار لكن هي ركوبة جميلة جدا مع انها تخسر كتير برضه عند إعادة البيع....أتمنى يكون شرح وافي ومفيش عربية مفيهاش عيوب لكن الفكرة انت تقدر تستحمل ايه من العيوب دي وايه اللي مش حتقدر تستحمله وربنا يكرم اللي بيشتري عموما. :)

المشاركة الأصلية كتبت بواسطة m.radwan

لو نزلت معرض وركبت في الـ 3 عربيات دول هتختار الفلوانس وانت مغمض

هي الفليونس حلوه بس يعيبها سعر اعادة البيع وكمان الثبات بتاعها مش حلو علي السرعات العاليه وفي الملفات

المشاركة الأصلية كتبت بواسطة egy_fan

سيتى ثم شارك


اليابانى اعلى اعتماديه

الهوندا انعم واجمل عربيه في السوق ومتعة قيادة الهوندا لا تضاهيها متعه