الموضوع: العلاج من المس و الجن

على ذكر الجن و العفاريت و الخزعبلات المرتبطة بالمصطلحات دي
أحب اوضح حاجة بشوفها بعيني كل يوم

أنا بشتغل في مركز خاص بذوي الإحتياجات الخاصة و فيه قسم لحالات الصرع
بشوف المصابين بالصرع بيعملوا كل التصرفات اللي بيفسرها العامة على إنها حالات تلبس

فيه اللي بيصرخ و يشتم ويضرب نفسه أو غيره و فيه اللي بيشم روائح غريبة وفيه اللي بيشوف حجات مش موجودة وفيه اللي بيشوفنا إحنا على هيئة مضخمة و فيه اللي بيسمع أصوات مش موجودة
وفيه اللي بيسمع أصواتنا بشكل مضخم و لو أثناء النوبة وهو في وعيه بشكل كلي أو جزئي بيترعب لما حد يتكلم جنبه وبيجري يستخبى أو يسد ودانه ويسرخ

وفيه اللي جسمه وعنيه وقت النوبة بيتحرك بطرق غريبة ومش مألوفة

لو القائمين على الحالة قدروا يحطوه على الجهاز " خاص برصد كهربة الدماغ" أثناء النوبة بيقدر يشوف السبب و مكان المشكلة وحجم الكهربة وأماكن إنتشارها
وعلى حسب الفص و المكان بيقدر حتى يتنبأ باللي هيحصل

كل الحالات بلا إستثناء بيتم رصد الكهربة وقت النوبة وكلهم بيتعرف السبب والتفسير العلمي للي بيحصلهم

وفيه فرق جامد بين الصرع و بين التشجنج على تشابهم بعض الأحيان في شكل الحالة

الأهم انهم مش بيكونوا حاسين بألم ومفيش أي تصرف ممكن تعمله ممكن يفيدهم أو يخفف من حدة النوبة
كل اللي عليك تصوره فيديو "التصوير من اهم مايكون" وتحاول تبعده عن أي خطر وتسيبه متكلموش خالص لحد ماتروح النوبة تحاول تهديه وتطمنه لو النوبة كلية وتسببت بإرهاقه

لكن لو جزئية هو نفسه مش هياخد باله منها

الأطفال اللي عندنا بيتعبوا جدا من اهاليهم بيجيبولهم ناس تقرى عليهم و بيضربوهم احيانا لإنهم مش قادرين يستوعبوا ان دي حالة بتتعالج بالأدوية والمتابعة مع المختصين مش جن هيطلع بالضرب "وممكن ملهاش علاج"
مهما تكلموا معاهم مفيش فايدة بييجي الطفل جسمه معلم فيه الضرب من الشخص اللي بيطلع منه العفريت

بدل مايفوق يلاقي حد بيحضنه و يهديه يفوق على ضرب وشحط بيجري وراه على أساس بيطلع العفريت المستخبي جوا

المهم

البنات اللي جابتهم ريهام سعيد تمثيلهم فاشل جدا وكنت مصدومة من التعليقات والناس اللي مرعوبة من الحلقة
دول لا صرع ولا أي وحده فيهم عندها أي مشكلة حقيقية
كانت مسرحية فاشلة
واستغربت بصراحة إن ريهام ممكن تكدب بالشكل المفضوح دا بس اللي "أذهلني" ردود الناس على الحلقة فيه كتير صدقوا الهبل دا

الجهل يعمل أكتر واللي ضميره ميت بيستغل سذاجة المتلقي

الله يفتح عليك انا مع كلام حضرتك تماما و بتفصيل اكثر الفص الامامى بالمخ frontal lobe هو المسؤل عن تفسير كل هذه الشواهد و اصبح شئ معروف فى طب الاعصاب و ارتباطه بسلوك المريض اى الطب النفسى و اصبح هناك انواع من المسح المتقدم للدماغ يرصد هذه التغيرات لكن....... و آه من لكن فى الدول التى يغلب فيها التخلف و يتضائل دور العلم ....الاعشاب من على الرصيف تطرد الادوية و العقاقير و الدجال و المشعوذ يعلاج بدل الطبيب و التفسير السهل "عفريت لبسه" و الحقيقة احنا فعلا لبسنا عفريت اسمه الجهل ابن متخلفوش

(حديث مرفوع) حَدَّثَنَا عَبْدُ اللَّهِ , عن ابْنُ نَاجِيَةَ , عن مُحَمَّدُ بْنُ عمير الْمُحَارِبِيُّ , عن عَمْرُ بْنُ حَمَّادِ بْنِ أَبِي حَنِيفَةَ , عَنْ أَبِيهِ , عَنْ أَبِي حَنِيفَةَ وَأَيُّوبَ بْنِ عَائِذٍ الطَّائِيّ ، عَنْ قَيْسِ بْنِ مُسْلِمٍ , عَنْ طَارِقِ بْنِ شِهَابٍ , عَنِ ابْنِ مَسْعُودٍ , قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : "تَدَاوَوْا عِبَادَ اللَّهِ فَإِنَّ اللَّهَ عَزَّ وَجَلَّ لَمْ يُنْزِلْ دَاءً إِلا أَنْزَلَ مَعَهُ شِفَاءً إِلا السَّامَ وَالْهَرَمِ, يتبع صدق رسول الله

المشاركة الأصلية كتبت بواسطة ali ashraf

الله يفتح عليك انا مع كلام حضرتك تماما و بتفصيل اكثر الفص الامامى بالمخ frontal lobe هو المسؤل عن تفسير كل هذه الشواهد و اصبح شئ معروف فى طب الاعصاب و ارتباطه بسلوك المريض اى الطب النفسى و اصبح هناك انواع من المسح المتقدم للدماغ يرصد هذه التغيرات لكن....... و آه من لكن فى الدول التى يغلب فيها التخلف و يتضائل دور العلم ....الاعشاب من على الرصيف تطرد الادوية و العقاقير و الدجال و المشعوذ يعلاج بدل الطبيب و التفسير السهل "عفريت لبسه" و الحقيقة احنا فعلا لبسنا عفريت اسمه الجهل ابن متخلفوش

(حديث مرفوع) حَدَّثَنَا عَبْدُ اللَّهِ , عن ابْنُ نَاجِيَةَ , عن مُحَمَّدُ بْنُ عمير الْمُحَارِبِيُّ , عن عَمْرُ بْنُ حَمَّادِ بْنِ أَبِي حَنِيفَةَ , عَنْ أَبِيهِ , عَنْ أَبِي حَنِيفَةَ وَأَيُّوبَ بْنِ عَائِذٍ الطَّائِيّ ، عَنْ قَيْسِ بْنِ مُسْلِمٍ , عَنْ طَارِقِ بْنِ شِهَابٍ , عَنِ ابْنِ مَسْعُودٍ , قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : "تَدَاوَوْا عِبَادَ اللَّهِ فَإِنَّ اللَّهَ عَزَّ وَجَلَّ لَمْ يُنْزِلْ دَاءً إِلا أَنْزَلَ مَعَهُ شِفَاءً إِلا السَّامَ وَالْهَرَمِ, يتبع صدق رسول الله

كلام حضرتك مظبوط يمكن حالات كتير بتكون الكهربة في الفص دا , بس المرض مش مقتصر على الفص الجبهي بس بيحصل في أي جزء في الدماغ وممكن يحصل في الدماغ كله مرة وحدة أو أجزاء متفرقة منه ودا بيتم رصده برضو

حتى من غير جهاز من الملاحظة المباشرة بيحصل إنه بيسمع ويشم ويشوف ويحس ودي كلها وظائف خاضعة لمناطق خارج الفص الجبهي


وعشان كدا التصوير مهم لإن الدكتور غالبا في تشخيصه لأماكن الكهربة بيحتاج يشوف اللي بيحصل الوصف وحده مش كفاية
لإن الكهربة مابتكونش موجودة إلا وقت النوبة فمش كل مريض بيتوفرله جهاز متوصل بيه لحد مايتيجي النوبة فالتصوير بيسهل التشخيص وتحديد المنطقة للأسباب دي

المشاركة الأصلية كتبت بواسطة secret-man

اقروا الكلام ده فعلا وجود الجن خزعبلات ما شاء الله على العلم

الدرر السنية - الموسوعة العقدية - الفصل الأول: إنكار الملائكة والجن

����� ��� - ���� ������

صدقني أنا مش حابة أدخل في جدل يخص الموضوع دا لإني مش شايفة إنه يستحق الجدل اساسا !
ولكن أحب أوضح ودا مش من باب الجدل بقدر ماهو من باب توضيح الأمر ليس إلا
فحبيت أقولك
إن أكبر عالم بيحترم نفسه ميقدرش ينفي أو ينكر موضوع الجن على إطلاقه كدا
ولا عمري سمعت إن فيه جهة علمية رسمية ممكن تتجرأ وتتكلم كلام مطلق بدون أدلة
دا مش أسلوب علمي اساسا , العلم بيتكلم عن ظاهرة محددة ينفيها أو يثبتها

و فين حد فينا نفى أو أنكر هنا ؟

كل اللي بنقوله إن على مر الزمن موضوع الجن دائما مرتبط بظواهر الإنسان مكنش بيعرف لها تفسير منطقي فبيقول عفريت , أرواح , شياطين
لكن كل ماتقدم العلم بتقل الظواهر اللي بيعجز الإنسان عن تقديم تفسيرات منطقية ليها
فبتالي بيتم نفي فرضية الكائن الخفي اللي تسبب في الحكاية دي "بالتحديد" وكل تباعتها
هل دا يعني إن الإنسان دا بينكر أو ينفي وجود الكائن الخفي دا "على الإطلاق "؟
محدش يقدر يقول كدا , بس على الأقل الظواهر اللي تم تفسيرها علميا وثبت سببها
بيتقال ببساطة ياجماعة دا مش جن ودا سبب اللي بيحصل للحالات دي و دا علاجهم , وبس

موضوع الإيمان بوجود جن لأسباب عقدية ودينية ... دي حاجة إيمانية العلم ملوش فيها
ولكن
مش مسموح أبدا حد يستغل الإيمان بوجود الجن بإرهاب الناس عمال على بطال وخداعهم بقصص وأفلام هندي كل شوية
ويعيشوا المجتمع في حالة من الجهل و إشغالهم وإستنزاف عقولهم و أموالهم وأوقاتهم بحجة العفاريت والجن
وكمان مش مسموح لحد يرهب الناس اللي بتوعي الناس بتكفيرهم أو تصنيفهم
واساسا فيه شيوخ كبار وعلى إيمان شديد وعلى إطلاع بالدين نفوا تأثير الجن بالشكل دا على الإنسان

و بصراحة أنا مش فاهمة بجد إيه الحماس الشديد دا في موضوع الجن و أي حد يتكلم نص كلمة يطلع اللي يهدده ويتهمه بإنه كافر !
ياريت نبطل الممارسات الغريبة دي وكل شوية تدوروا على أي ثغرة تكفروا بيها الناس فبتالي لما تكفره يبقى حلال فيه أي حاجة
وعشان أيه !
وكأن يعني الجن دا بنتعشى معاه كل يوم ولا له أي تأثير على حياتنا عشان نعمله كل الأهمية والمساحة دي