بالنسبه للبلوتوث انا ماستخدمتوش غير مره واحده وبتسمع المكالمه من سماعات العربيه عادى لكن مجربتش موضوع الرد على المكالمات
عرض للطباعة
بالنسبه للبلوتوث .. بيرد علي المكالمات و بتعمل منه مكالمات و كمان بيظهر علي شاشه الكاسيت الفون لوج و الكونتاكت . كمان ممكن تشغل ملفات الاوديو بالبلوتوث من علي الموبايل علي العربيه ... بصراحه يا جماعه عربيه محترمه جدا . انا فوجئت بالمساحه الداخليه للعربيه . مش هتصدق انك لو رجعت الكرسي الامامي للسائق لورا علي الاخر بيفضل مساحه محترمه للراكب اللي وراك و رجليه ما بتلزقش في الكرسي الامامي .. ثانيا العربيه فعلا عفشتها محترمه جدا و ارتفاعها عن الارض محترم يعني لو اربعه كبار في العربيه تلاقيها الحمد لله مابتحكش في المطبات .. استهلاكها في البنزين ممتاز انا مشيت بيها 200 كيلو لغايه دلوقتي و نزل من التنك ربعه مع العلم ان التانك تفويلته الفعليه حوالي 37 لتر.. فعلا صوت الكاسيت مش كواليتي عاليه ... ربنا يبارك في العربيه .. هيا فعلا اختيار موفق للفئه السعريه ده و انا رائي الشخصي انها افضل من البيكانتو او اي عربيه في الفئه ده
ربنا يبارك فيك و يباركلك في عربيتك و يعطيك خيرها و يكفيك شرها
بص يا سيدي - لو تقصد طفايه حريق لا مابيجيش معاها طفايا ولا مثلث و لا شنطه اسعافات و ده حاجات كده كده ما بتجيش مع العربيات
اما لو قصدك طفايه سجاير اه بتيجي معاها و الولاعه و الاريال و راجعهم لانهم بيتسلموا مع العربيه
انا اخت معاها دواسات هيونداي سابوهالي في العربيه مع انهم كانوا ناوين ياخدوها في الاول و طلبت كمان منهم شماسه هديه بس نسيت اخدها بصراحه
لو عايز تراجع العربيه هقولك انا عملت ايه :
من جوه بصيت علي الزراير كلها و راجعتها و راجعت الكاسيت و الفلاشه و البلوتوث علي الموبايل و المساحات ادام و ورا ( انت معندكش مساحات ورا لانك سيدان ) - حركه الدريكسيون و دراع تحرك الدريكسيون فوق و تحت
راجع علي التكيف سخن و ساقع وعلي بكر التكيف ( انا و انا براجع علي بكر التكيف لقيت خدشتين صغيرين في النيكل بتاع واحده منهم و لما قولتهم عليها خيروني اني اطنشها او استني الدفعه الجديده علي شهر مارس انا بصراحه طنشتهم )
راجع علي الابواب من حيث ان فيهم تزيقه مع الفتح ولا لا
راجع حركه الازاز الكهربا لو الزراير بتاعتهم بتعلق او ساقطين ولا حاجه
راجع اي زرار جوه العربيه لاحسن يكون ساقط ولا حاجه ( ده حصل معايا في السيراتو لما اكتشفت بعدين ان زرار نور الصالون و زرار السنتر لوك سايب بس هيا كانت خليجي فلبست الزرار ده)
افتح الشنطه وراجع العجله الاستبن و العده اللي هتلاقي معاهم الاريال
الطفايا المتحركه و الولاعه بتسلمهم
من بره مرر ايدك و عينك علي العربيه علشان تتاكد ان مافيش اي نقره في اي حته من الصاج و راجع الكاشافات للتاكد من عدم وجود اي خدش
ده اللي انا فاكره دلوقتي
بردوه اتاكد ان العربيه مش عامله كيلومترات انا استلمتها و هي عامله 16 كيلو اما لو اكتر من كده يعني مثلا 60 يبقي العربيه ده اتنقلت مش علي كاساحات
لو انت هتستلم من التوكيل ده اضمن اكتر من استلامها من معرض - انا و انا ببص علي العربيه في اباظه لاقيتهم بيلمعوا رفرف عربيه بيجو 5008 صراحه قلقت منهم و ماحولتش اشتري من عندهم و جبتها من غبور اللي في عمارات العبور
و في الاول ولا الاخر هيا نصيب يعني ممكن الواحد يكتشف اي حاجه فيها بعدين بس احنا بنحاول نعمل اللي علينا :pirate14:
الكلام ده اعتقد مش مظبوط صح؟؟ انا بعت ليهم على الصفحة كان دة ردهم:
''هلا بك Mohsen Rashed
شكرا لتواصلك مع هيونداي مصر
من فضلك قم بالاتصال أو زيارة أقرب فرع من حضرتك.
و لمعرفه الفروع الخاصة بنا برجاء زياره موقعنا هيونداى مصر
ولمزيد من المعلومات فضلا اتصل بـ16661 و سوف يقوم أحد مندوبينا بمساعدتك
يسعدنا خدمتك ''
http://nileup.com/up/uploads/nilemotors_14194218911.png
اولا يا باشا من حيث انها تستاهل تمنها فبالنسبه لاسعار السوق المصري فهي تستاهل تمنها -
اما من حيث انك تزود و تجيب حاجه اعلي فده نقطه مهمه لازم تحسبها كويس لانك لو فكرت بالمنطق ده هتلاقي انك كل ما تستقر علي عربيه دماغك هتلعب فانك تزود شويه و تجيب حاجه اعلي و خصوصا ان انواع و فئات العربيات كتير جداا - هيونداي لوحدها عندها اكتر من عشرين فئه في الانواع المختلفه - فافضل طريقه للتفكير انك تبقي محدد احتياجك و استعمالك للعربيه هيكون فين و ازاي -- مينفعش تقارن عربيه 1250ccب 87 حصان بعربيه تانيه 1600cc ب 125 حصان - لو معاك الفرق و هتحتاج العربيه في السفر كتير او مشاوير كتير يوميا و مش ناوي تغير كمان 5 او 6 سنين علي الاقل يبقي هات 1600 cc - الاكسنت كعربيه مقدرش افيدك فيها من حيث مميزاتها و عيوبها لاني ماجربتهاش - بس حط في اعتبارك ان فيه 5000 جنيه زياده علي اي عربيه هتشتريها هتدفعهم للتامين اللي بعتبر حاجه اساسيه جدا للسواقه في البلد ده
ربنا يبارك لصاحب الموضوع في السيارة
عربية أعتقد إنها ممتازة أنا معايا آي تن القديمة وممتازة ووسع الصالون جميل وثباتها جميل لحد 120 والتسارع حلو أوي بس مش عارف لو قارناها بالسوزوكي سويفت ايهما افضل
تقرير محترم جزاك الله خيرا بس ناقص الصور يا باشا يبقى تمام التمام
- السويفت تكسب من ناحية عوامل الأمان اللى مش موجودة لا في الـ i10 ولا في البيكانتو ... فرامل abs, ebd, ba الجيل الثاني ... وإثنين إيرباجز
- السويفت تكسب في جودة التقفيل ... لما قعدت في الإثنين حسيت إن تقفيل السويفت أفضل ... مع أفضلية لنور الصالون الأزرق في الآي تن (بصراحة أحلى حاجة اتعملت في الآي تن هي نور الصالون الأزرق بتاعها :) )
- الآي تن تكسب فقط من ناحية الوسع الداخلي شوية
- من ناحية السعر برضه السويفت تكسب لأنها بكل الأوبشنز سعرها 101900 من التوكيل
الآي تن الفول إوبشنز بـ 104 ... ومافيهاش اللى في السويفت
النقطة المهمة بقى ... المشكلة كلها تتلخص في فترة الانتظار الكبيرة بتاعة السويفت اللى بتوصل لست شهور تقريبا عشان تاخدها بسعرها من التوكيل
وطبعا الأوفر برايس بيوصل دلوقتي لأكتر من 10 و 15 ألف جنيه ... وحرام السعر ده يدفع أوفر برايس ويدخل في جيب تاجر جشع ونصاب فقط لا غير
وللسبب ده اللى مش هايقدر يستنى فترة الانتظار بتاعة السويفت يبقى الأفضل له البيكانتو أو الآي تن برغم السعر العالي ليهم عن السويفت
البيكانتو بتتميز إن فيها فتحة سقف بس سعرها 105 أزيد كمان ألف عن الآي تن
الآي تن بتتميز بالوسع الأكثر عن البيكانتو (ونور الصالون الأزرق :) )