تقريركامل عن هيونداى جراند i 10 هاتشباك 2015

**dr_sha2awa** · 23-12-2014 02:02 AM

المشاركة الأصلية كتبت بواسطة mohssenrashed

ممكن الافادة بخصوص ال bluetooth و هل بيرد على المكالمات و بسمع من سماعات العربية و لا اية ؟؟

بالنسبه للبلوتوث انا ماستخدمتوش غير مره واحده وبتسمع المكالمه من سماعات العربيه عادى لكن مجربتش موضوع الرد على المكالمات

**Beyanky** · 23-12-2014 11:24 PM

بالنسبه للبلوتوث .. بيرد علي المكالمات و بتعمل منه مكالمات و كمان بيظهر علي شاشه الكاسيت الفون لوج و الكونتاكت . كمان ممكن تشغل ملفات الاوديو بالبلوتوث من علي الموبايل علي العربيه ... بصراحه يا جماعه عربيه محترمه جدا . انا فوجئت بالمساحه الداخليه للعربيه . مش هتصدق انك لو رجعت الكرسي الامامي للسائق لورا علي الاخر بيفضل مساحه محترمه للراكب اللي وراك و رجليه ما بتلزقش في الكرسي الامامي .. ثانيا العربيه فعلا عفشتها محترمه جدا و ارتفاعها عن الارض محترم يعني لو اربعه كبار في العربيه تلاقيها الحمد لله مابتحكش في المطبات .. استهلاكها في البنزين ممتاز انا مشيت بيها 200 كيلو لغايه دلوقتي و نزل من التنك ربعه مع العلم ان التانك تفويلته الفعليه حوالي 37 لتر.. فعلا صوت الكاسيت مش كواليتي عاليه ... ربنا يبارك في العربيه .. هيا فعلا اختيار موفق للفئه السعريه ده و انا رائي الشخصي انها افضل من البيكانتو او اي عربيه في الفئه ده

**memo_p910** · 24-12-2014 02:42 AM

المشاركة الأصلية كتبت بواسطة beyanky

بالنسبه للبلوتوث .. بيرد علي المكالمات و بتعمل منه مكالمات و كمان بيظهر علي شاشه الكاسيت الفون لوج و الكونتاكت . كمان ممكن تشغل ملفات الاوديو بالبلوتوث من علي الموبايل علي العربيه ... بصراحه يا جماعه عربيه محترمه جدا . انا فوجئت بالمساحه الداخليه للعربيه . مش هتصدق انك لو رجعت الكرسي الامامي للسائق لورا علي الاخر بيفضل مساحه محترمه للراكب اللي وراك و رجليه ما بتلزقش في الكرسي الامامي .. ثانيا العربيه فعلا عفشتها محترمه جدا و ارتفاعها عن الارض محترم يعني لو اربعه كبار في العربيه تلاقيها الحمد لله مابتحكش في المطبات .. استهلاكها في البنزين ممتاز انا مشيت بيها 200 كيلو لغايه دلوقتي و نزل من التنك ربعه مع العلم ان التانك تفويلته الفعليه حوالي 37 لتر.. فعلا صوت الكاسيت مش كواليتي عاليه ... ربنا يبارك في العربيه .. هيا فعلا اختيار موفق للفئه السعريه ده و انا رائي الشخصي انها افضل من البيكانتو او اي عربيه في الفئه ده

ربنا يبارك لك فيها انا حجزت السيدان لون فيراني ابص على ايه وانا بستلم وبيجي معاها طفايه ولا لأ

**Beyanky** · 24-12-2014 12:42 PM

ربنا يبارك فيك و يباركلك في عربيتك و يعطيك خيرها و يكفيك شرها
بص يا سيدي - لو تقصد طفايه حريق لا مابيجيش معاها طفايا ولا مثلث و لا شنطه اسعافات و ده حاجات كده كده ما بتجيش مع العربيات
اما لو قصدك طفايه سجاير اه بتيجي معاها و الولاعه و الاريال و راجعهم لانهم بيتسلموا مع العربيه
انا اخت معاها دواسات هيونداي سابوهالي في العربيه مع انهم كانوا ناوين ياخدوها في الاول و طلبت كمان منهم شماسه هديه بس نسيت اخدها بصراحه
لو عايز تراجع العربيه هقولك انا عملت ايه :
من جوه بصيت علي الزراير كلها و راجعتها و راجعت الكاسيت و الفلاشه و البلوتوث علي الموبايل و المساحات ادام و ورا ( انت معندكش مساحات ورا لانك سيدان ) - حركه الدريكسيون و دراع تحرك الدريكسيون فوق و تحت
راجع علي التكيف سخن و ساقع وعلي بكر التكيف ( انا و انا براجع علي بكر التكيف لقيت خدشتين صغيرين في النيكل بتاع واحده منهم و لما قولتهم عليها خيروني اني اطنشها او استني الدفعه الجديده علي شهر مارس انا بصراحه طنشتهم )
راجع علي الابواب من حيث ان فيهم تزيقه مع الفتح ولا لا
راجع حركه الازاز الكهربا لو الزراير بتاعتهم بتعلق او ساقطين ولا حاجه
راجع اي زرار جوه العربيه لاحسن يكون ساقط ولا حاجه ( ده حصل معايا في السيراتو لما اكتشفت بعدين ان زرار نور الصالون و زرار السنتر لوك سايب بس هيا كانت خليجي فلبست الزرار ده)
افتح الشنطه وراجع العجله الاستبن و العده اللي هتلاقي معاهم الاريال
الطفايا المتحركه و الولاعه بتسلمهم
من بره مرر ايدك و عينك علي العربيه علشان تتاكد ان مافيش اي نقره في اي حته من الصاج و راجع الكاشافات للتاكد من عدم وجود اي خدش
ده اللي انا فاكره دلوقتي
بردوه اتاكد ان العربيه مش عامله كيلومترات انا استلمتها و هي عامله 16 كيلو اما لو اكتر من كده يعني مثلا 60 يبقي العربيه ده اتنقلت مش علي كاساحات
لو انت هتستلم من التوكيل ده اضمن اكتر من استلامها من معرض - انا و انا ببص علي العربيه في اباظه لاقيتهم بيلمعوا رفرف عربيه بيجو 5008 صراحه قلقت منهم و ماحولتش اشتري من عندهم و جبتها من غبور اللي في عمارات العبور
و في الاول ولا الاخر هيا نصيب يعني ممكن الواحد يكتشف اي حاجه فيها بعدين بس احنا بنحاول نعمل اللي علينا

**memo_p910** · 24-12-2014 01:50 PM

المشاركة الأصلية كتبت بواسطة beyanky

ربنا يبارك فيك و يباركلك في عربيتك و يعطيك خيرها و يكفيك شرها
بص يا سيدي - لو تقصد طفايه حريق لا مابيجيش معاها طفايا ولا مثلث و لا شنطه اسعافات و ده حاجات كده كده ما بتجيش مع العربيات
اما لو قصدك طفايه سجاير اه بتيجي معاها و الولاعه و الاريال و راجعهم لانهم بيتسلموا مع العربيه
انا اخت معاها دواسات هيونداي سابوهالي في العربيه مع انهم كانوا ناوين ياخدوها في الاول و طلبت كمان منهم شماسه هديه بس نسيت اخدها بصراحه
لو عايز تراجع العربيه هقولك انا عملت ايه :
من جوه بصيت علي الزراير كلها و راجعتها و راجعت الكاسيت و الفلاشه و البلوتوث علي الموبايل و المساحات ادام و ورا ( انت معندكش مساحات ورا لانك سيدان ) - حركه الدريكسيون و دراع تحرك الدريكسيون فوق و تحت
راجع علي التكيف سخن و ساقع وعلي بكر التكيف ( انا و انا براجع علي بكر التكيف لقيت خدشتين صغيرين في النيكل بتاع واحده منهم و لما قولتهم عليها خيروني اني اطنشها او استني الدفعه الجديده علي شهر مارس انا بصراحه طنشتهم )
راجع علي الابواب من حيث ان فيهم تزيقه مع الفتح ولا لا
راجع حركه الازاز الكهربا لو الزراير بتاعتهم بتعلق او ساقطين ولا حاجه
راجع اي زرار جوه العربيه لاحسن يكون ساقط ولا حاجه ( ده حصل معايا في السيراتو لما اكتشفت بعدين ان زرار نور الصالون و زرار السنتر لوك سايب بس هيا كانت خليجي فلبست الزرار ده)
افتح الشنطه وراجع العجله الاستبن و العده اللي هتلاقي معاهم الاريال
الطفايا المتحركه و الولاعه بتسلمهم
من بره مرر ايدك و عينك علي العربيه علشان تتاكد ان مافيش اي نقره في اي حته من الصاج و راجع الكاشافات للتاكد من عدم وجود اي خدش
ده اللي انا فاكره دلوقتي
بردوه اتاكد ان العربيه مش عامله كيلومترات انا استلمتها و هي عامله 16 كيلو اما لو اكتر من كده يعني مثلا 60 يبقي العربيه ده اتنقلت مش علي كاساحات
لو انت هتستلم من التوكيل ده اضمن اكتر من استلامها من معرض - انا و انا ببص علي العربيه في اباظه لاقيتهم بيلمعوا رفرف عربيه بيجو 5008 صراحه قلقت منهم و ماحولتش اشتري من عندهم و جبتها من غبور اللي في عمارات العبور
و في الاول ولا الاخر هيا نصيب يعني ممكن الواحد يكتشف اي حاجه فيها بعدين بس احنا بنحاول نعمل اللي علينا

شكرا ياباشا تعبتك في الرد على سؤالي

انا حجزت من غبور فرع المعادي ويمكن ان شاء الله هاستلم على يناير
أحب أسالك كمان على انطباعك العام عن العربيه تستاهل فعلا ثمنها ولا أزود وأجيب أكسنت ايه رأيك بعد ما استعملتها الكام يوم اللي فاتوا
وشكرا على تقريرك المفيد

**MohssenRashed** · 24-12-2014 01:53 PM

الكلام ده اعتقد مش مظبوط صح؟؟ انا بعت ليهم على الصفحة كان دة ردهم:

''هلا بك Mohsen Rashed
شكرا لتواصلك مع هيونداي مصر

من فضلك قم بالاتصال أو زيارة أقرب فرع من حضرتك.

و لمعرفه الفروع الخاصة بنا برجاء زياره موقعنا هيونداى مصر

ولمزيد من المعلومات فضلا اتصل بـ16661 و سوف يقوم أحد مندوبينا بمساعدتك

يسعدنا خدمتك ''

**Beyanky** · 24-12-2014 03:29 PM

اولا يا باشا من حيث انها تستاهل تمنها فبالنسبه لاسعار السوق المصري فهي تستاهل تمنها -
اما من حيث انك تزود و تجيب حاجه اعلي فده نقطه مهمه لازم تحسبها كويس لانك لو فكرت بالمنطق ده هتلاقي انك كل ما تستقر علي عربيه دماغك هتلعب فانك تزود شويه و تجيب حاجه اعلي و خصوصا ان انواع و فئات العربيات كتير جداا - هيونداي لوحدها عندها اكتر من عشرين فئه في الانواع المختلفه - فافضل طريقه للتفكير انك تبقي محدد احتياجك و استعمالك للعربيه هيكون فين و ازاي -- مينفعش تقارن عربيه 1250ccب 87 حصان بعربيه تانيه 1600cc ب 125 حصان - لو معاك الفرق و هتحتاج العربيه في السفر كتير او مشاوير كتير يوميا و مش ناوي تغير كمان 5 او 6 سنين علي الاقل يبقي هات 1600 cc - الاكسنت كعربيه مقدرش افيدك فيها من حيث مميزاتها و عيوبها لاني ماجربتهاش - بس حط في اعتبارك ان فيه 5000 جنيه زياده علي اي عربيه هتشتريها هتدفعهم للتامين اللي بعتبر حاجه اساسيه جدا للسواقه في البلد ده

**Eng.M_Mousa** · 24-12-2014 07:24 PM

ربنا يبارك لصاحب الموضوع في السيارة
عربية أعتقد إنها ممتازة أنا معايا آي تن القديمة وممتازة ووسع الصالون جميل وثباتها جميل لحد 120 والتسارع حلو أوي بس مش عارف لو قارناها بالسوزوكي سويفت ايهما افضل