ألف مبروك العربيه وربنا يديك خيرها ويكفيك شرها
رقم العضوية : 59596
تاريخ التسجيل : 21Jan2010
المشاركات : 71
النوع : ذكر
الاقامة : cairo
السيارة: elantra
السيارة[2]: yaris
دراجة بخارية: no
الحالة :
مبدأيا ده اول تقرير ليا فى المنتدى وعلى اد ما اقدر هحاول اغطى معظم تفاصيل العربيه
انا مش مهندس سيارات فاعذرونى لو التفاصيل مش مكتوبه بشكل احترافى او علمى.
اهتمامى ان اكتب تقرير عن العربيه ده لان انا واحد من الناس كنت بدخل كل يوم على المنتدى عشان اشوف اى معلومه عنها قبل ما اجيبها...فحسيت ان التقرير ده ممكن يفرق مع ناس كتير فى قرار الشراء
ركبت عربيات كتيره مرسيدس باسات وفنتازيا والانترا (سيارتى الشخصيه)وبيكانتو وسانديرو القديمه وجيتز واكس باندينو وفيرنا و ماتريكس
لكن فى المقارنات هحاول هقارنها بالبيكانتو والسانديرو(القديمه) والجيتز
اول حاجه هنكلم عليها الشكل
وده من وجهه نظرى موضوع نسبى
شكل العربيه فى السيدان يعتبر معقول ..لكن الهاتشباك اعتقد ان شكلها اكتر من رائع
السيدان كانت نازله قبل الهاتشباك بحوالى شهر ونص
وواضح من التوكيل ان الحجز على الهاتشباك اكتر من السيدان
تانى حاجه حجم ووسع العربيه
العربيه حجمها من بره هو تقريبا نفس حجم الجيتز
يعنى اكبر من البيكانتو ب 20 سم فى الطول وحاجه بسيطه جدا فى العرض لكن اصغر من السانديرو (القديمه)
العربيه واسعه من جوه بالمقارنه بنفس الفئه دى من العربيات يعنى اوسع من جوه من البكانتو بشكل ملحوظ وتقريبا زى السانديرو من جوه ....العربيه وسعها من جوه يعتبر ممتاز بالنسبه لحجمها
بالنسبه للشنطه فحجمها معقول يعنى اكبر من شنطه البيكانتو لكن اصغر من شنطه السانديرو (القديمه)
تقفيل العربيه
من وجهه نظرى ان تقفيل العربيه هو زى تقفيل اى عربيه هيونداى (باستثناء الفيرنا) يعنى معقول بنسبه كبيره جدا لكن اقل فى المستوى من تقفيل البيكانتو لكن بنسبه مش ملحوظه....يعنى تقفيل العربيه من جوه زى البيكانتو اللى انا شايف ان تقفيلها محترم جدا او اقل بنسب بسيطه..تقفيل العربيتين من الداخل افضل من وجهه نظرى من تقفيل السانديرو(القديمه) من الداخل
الموتور واستهلاك البنزين
موتور العربيه ناعم جدا...انعم من السانديرو والبيكانتو ودى بصراحه من اهم مميزات هيونداى عموما
سحب العربيه حلو جدا .....العربيه موتورها 1248 سى سى بقوه 87 حصان وده بالنسبه لعربيه بالحجم ده ممتاز
استهلاك البنزين خراااافى....تقريبا استهلكت 7 ليتر فى 140 كم يعنى فى ال20 ليتر تعمل تقريبا 400 كم وده يعتبر استهلاك (من وجهه نظرى) تحفه مع الاخذ فى الاعتبار ان كنت ماشى على سرعه 100 يعنى السرعه المثاليه لاستهلاك البنزين
العفشه
محترمه جدا فى نعومتها وبرده زى معظم الهيونداى يعنى من الحاجات اللى بتعحبنى فى هيونداى هو نعومه العفشه لكن مش عارف ده على حساب الثبات ولا ايه.....ارتفاع العربيه فى المطبات كويس جدا.. العربيه لغايه دلوقتى ماحكتش معايا فى اى مطب بما فيها المطبات السخيفه ب 3 افراد فى العربيه
الثبات
لغايه سرعه ال120 كم معقوله.. لكن بعد كده العربيه بتبقى خفيفه يعنى اقل من السانديرو فى الثبات وبصراحه ماجربتش البيكانتو بعد سرعه 100 كم
الكماليات
مفيش لا abs ولا airbag
فرامل العربيه معقوله اللى حد ما لكن مش ممتازه
الباور بتاع العربيه ناعم وخفيف جدا
الكاسيت بتاع العربيه شكله حلو ومتناسق مع التابلوه بتاع العربيه (cd+usb+aux+bluetooth)
لكن منظر بس...يعنى صوته سىء وواطى جدا ممكن يكون ده عشان العربيه مفيها ش غير سماعتين بس فى الابواب الاماميه فقط......دى بصراحه من الحاجات اللى تضايق.....
اضاءه العربيه من الداخل واضاءه التابلوه شيك جدا
اضاءه الكشافات الاماميه للعربيه كويسه جدا
جنوط العربيه 14 وجنوطها عاديه (مش سبور)فى جميع الفئات
سعر العربيه فى الوكيل 99400 ودى الفئه الاوتوماتيك الاولى وفيها اتنين زجاج كهربا وسنترو طاره ملتى فانكشن وطبعا اوتوماتيك
فى فئه واحده بعدها تقريبا ب103500 ودى فيها زياده عن الفئه الاولى اربع زجاج كهرباء وفوج لايت و ريموت سنترو مرايات كهربا واشارات بالمرايات
الاسعار اللى انا كاتبها دى اسعار وكيل وفى المعارض ممكن تلاقى بنفس السعر او اعلى
الفئه الاولى اوتوماتيك دى متاحه فى الوقت الحالى اما الفئه التانيه غير متاحه لغايه مانا اشتريت وبالحجز
كل كلامى بالنسبه للاسعار يخص الهاتشباك ومعرفش هيفرق كتير عن السيدان ولا لأ
الفئه التانيه فى الاوتوماتيك اعتقد انها متاحه فى السيدان
انا استلمت من توكيل ابو رواش ومندوب البيع اللى كان متابع معايا اسمه اسلام اشرف وبصرحه راجل محترم وذوق جدا
التقرير اللى انا كاتبه ده بناء على تقييمى الشخصى بعد ما ركبت العربيه ومشيت بيها حوالى 750 كم يعنى العربيه المفروض انها لسه فى التليين
اسف على الاطاله .......ولو فى اى حاجه انا نسيتها هارد عليها فى الكومنتات
رقم العضوية : 92982
تاريخ التسجيل : 31Mar2011
المشاركات : 3,749
النوع : ذكر
الاقامة : Cairo
السيارة: Fiat
السيارة[2]: Fiat
دراجة بخارية: لا
الحالة :
ألف مبروك العربيه وربنا يديك خيرها ويكفيك شرها
لا اله إلا الله محمدُ رسول الله
رقم العضوية : 162614
تاريخ التسجيل : 13Jul2014
المشاركات : 1,144
النوع : ذكر
الاقامة : القاهرة
السيارة: نيسان صنى
السيارة[2]: بيجو 508
الحالة :
ربنا يبارك لك فيها ....لكن حضرتك ذكرت شيئين مهمين بالنسبة للامن و السلامة
1- لايوجد بها نظام فرامل abs ولا هير باج
2- خفيفة بعد سرعة 120 كم
و الحقيقة السببين دول يخلينى اغض النظر عن شرائها
طبعا الاختلاف فى الراى لا يفسد للود قضية ....دى وجهة نظرى و ممكن ان اكون مخطئ.....تحياتى
رقم العضوية : 99173
تاريخ التسجيل : 16May2011
المشاركات : 1,034
النوع : ذكر
الاقامة : Cairo egypt
السيارة: Swift Dzire 2015
السيارة[2]: Lanos Juliet 2001
دراجة بخارية: no
الحالة :
شكرا للتقرير ونقل التجربة
Mahmoud Fathy
منسق قسم كأس العالم 2014
رقم العضوية : 157318
تاريخ التسجيل : 13Mar2014
المشاركات : 2,257
النوع : ذكر
الاقامة : Stuttgart-Hamburg
السيارة: E63 AMG / Audi R8 / Audi A6
السيارة[2]: peugeot 508 2015 Highline
دراجة بخارية: Honda NC700X
الحالة :
البيكانتو أحسن في كل حاجة إلا الوسع مع احترامي لحضرتك ... البيكانتو فيها abs و 90 حصان و مرايات كهرباء من تاني فئة أوتو !!!
الهاي لاين بيكانتو فيها فتحة سقف و شوية حركات كويسة مش موجودة في الi10 و فرق السعر كلام فاضي !!!
رقم العضوية : 19481
تاريخ التسجيل : 19Sep2008
المشاركات : 14
النوع : ذكر
الاقامة : cairo
السيارة: no
السيارة[2]: logan
الحالة :
الف مبروووووووك
بالتوفيق يااارب
رقم العضوية : 19481
تاريخ التسجيل : 19Sep2008
المشاركات : 14
النوع : ذكر
الاقامة : cairo
السيارة: no
السيارة[2]: logan
الحالة :
ولا فئة من البيكانتو 2015 فيها ABS و هي Max. Power 87 ps @ 6,000 rpm
Kia Picanto | Kia Motors Egypt Official Website
رقم العضوية : 17584
تاريخ التسجيل : 31Aug2008
المشاركات : 1,485
النوع : ذكر
الاقامة : cairo
السيارة: FIAT PUNTO DUAL LOGIC
السيارة[2]: Persona 2009
دراجة بخارية: no
الحالة :
نشكرك على التقرير المحترم العربيه ما ينفعش تتقارن بالبيكانتو العربيه فعلا أوسع واكبر خاصة السيدان منها
ممكن حضرتك تدينا فكره عن ثبات العربيه على السرعات 140 او 150 عامله ايه ومستوى العزل داخل العربيه
(( ومن يتق الله يجعل له مخرجا ويرزقه من حيث لا يحتسب ))
رقم العضوية : 71424
تاريخ التسجيل : 24May2010
المشاركات : 703
النوع : ذكر
الاقامة : مدينة المنيا
السيارة: لاتوجد
السيارة[2]: لانوس1997
الحالة :
مبروك العربية
وطنى لو شغلت بالخلد عنة
نازعتنى الية فى الخلد نفسى
الأربعاء 27 جمادى الثانية 1431
رقم العضوية : 149487
تاريخ التسجيل : 02Oct2013
المشاركات : 10,977
النوع : ذكر
الاقامة : DAMANHOUR , ALEX
السيارة: ♥-♥-♥-♥-♥-♥-♥-♥
السيارة[2]: O---P---T---R---A
دراجة بخارية: ♥♥♥-._.-♥♥♥
الحالة :
جراند i 10 هاتشباك انا شوفتها النهارده اللون النبيتى الصراحه شكلها جميل و اول ما شوفتها افتكرتها ياريس هاتشباك
والف مبرووك
المفضلات