الموضوع: امي وزوجتي -مشكلة ليس لها حل

المشاركة الأصلية كتبت بواسطة teka_100

السادة المحترمين
صراحة انا مش عارف اشكر حضراتكم ازاي علي ردودكم المهمه والمحترمة يمكن اقرب الناس ملقتش عنده اجابات كده ونفسي اشكر كل مشاركة علي حده بس يمكن انا معنديش خبرة اوي في المنتديات ويمكن دي اول مشاركة ليا عموما ربنا يجازيكم خيرا ويعز قدركم
طبعا في تباين شوية في الآراء بس احب أوضح شوية حاجات فكرة ان امي تروح شقة تانية هيا رافضاها أصلا ومبدا الكلام فيها بيدخلنا في مواويل وتعقيدات اكتر وتحدي اكبر (جربنا قبل كده) بالنسبة لموضوع الطبيب النفسي جربنا كتير وبتروح لناس مشهورة وكشف غالي وساعات تاخد الدوا لكن بتخاف من ادوية النفسي وتحس انها بتنام كتير وغالبا بعد ماتخرج من عند الدكتور بتقول مش هاجيب الدوا والدكتور ده مبيفهمش . وعاوز أقول لحضراتكم ان أطباء النفسي حاليا مجرد تجارة العيادات ملئي ومفيش وقت يفضل يتكلم مع المريض هو عاوز يكتب روشته وفي اقل من خمس دقايق يستقبل مريض اخر .موضوع النادي وكده هيا طبعا علشان سنها بيكون صعب شوية تتحرك لوحدها وانا طبعا طول النهار في الشغل وحتي هيا يمكن مش اجتماعية خالص .ولوحد كلمها بهدوء ممكن تهدي ساعتين علي الأكثر لكن مبتبطلش تفكير وتجيب حاجات من أيام الخطوبة وتصرفات حصلت من سنين وتغلط في اهل مراتي واشياء من هذا القبيل ، عاوز اقول ان انا ومراتي بنحاول نرضيها علي قد مانقدر مش بنعمل حاجات كتير عادية علشان منزعلهاش بنخرج من وراها ده لو خرجنا علشان لو عرفت ان خرجت مع مراتي لوحدنا تعمل قصة بنفكر في كلامنا قبل ما نقوله وحاجات تانية وهيا كل تفسيرتها اننا مش عاوزينها عموما انا عارف ان كل واحد عنده مشاكلة وان الابتلاءات تكون علي اشكال مختلفة واحمد الله علي كل حال لكن انا متوقع ان الأمور تزداد سوء وان ممكن ده يوصلنا لتفكك الاسرة

ربنا ييسرلك امورك ...انا حاطط نفسي مكانك صراحة وموقفك صعب جدا ...ربنا يهدي الجميع ويصلح حالكم ....وزوجتك من كلامك انها بنت ناس ومحترمة وانتا حاول تبينلها انك مقدر دا وان دي والدتك ...وحاول برضو تكلم ولدتك بالراحلة وقلها انك بتكون مدايق وكدا

ربنا يعينك بجد فى مشكلتك وباذن ربنا اهدى انت بس الاول وفكر بهدوء وهتلاقى حل يرضى الطرفين
وماتمشيش ورا كلام الى بيقولك ارمى مراتك تتعوض لكن الام لا
الزوجة مش سلعة دى شريكة حياتك
مش وقت ما تبقى عايز ترميها يبقى ترميها
وخصوصا ان واضح ان الزوجة مش سبب المشاكل او بتعامل والدتك وحش

المشاركة الأصلية كتبت بواسطة teka_100

مشكلتي بدات بعد الزواج انا الابن الوحيد والأب متوفي وامي دائمة الشجار مع زوجتي بتتلكك علي أي حاجه تافهه وتتدخل في كل تفاصيل حياتنا وطريقة تصرفات زوجتي وكل شيء تتمني ان تسير كما تحب هي (علي أساس انها اكبر وعندها خبره وتفهم اكتر ومراتي عيله ومبتفهمش) زوجتي كانت بتستحمل دلوقتي بعد طفلين وثلاث سنوات زواج لم تعد تستحمل الاستفزازات والتحكم من امي بدات ترد عليها وساعات لما الموضوع يكبر تاخد العيال وتروح عن والدها وامي عاوزه الولد (بس مش عاوزه تشوف امه) محدش يقولي افصل بينهم هو امي عندها شقتها بس ست كبيرة ومش عاوزه تسيبنها مع بعض أصلا علشان لو سابتنا مراتي هتستريح وهيا متعتها انها تضايقها وتزلها .دي نبذه مختصرة لان الموضوع اكبر مما تتخيلو والعيشه مرار ارجو اللي عنده حل يطرحه والل معندوش اسأله الدعاء وجزاكم الله خيرا

طبعا مافيش تعقيب بعد الاخوه الاعضاء قالوه بس عجبتنى الجملة دى قوى