السلام عليكم
اخوكم محتار جداا انا هاقسط ومش عايز القسط يعلى اوى فهو ده سقف امكانياتى
انا عايز عربيه شكلها حلو وموتورها قوى وثابته عشان هسافر بيها وفى نفس الوقت اعتماديه وتستحمل الطرق المكسره مش فارق معايا أعادة البيع بس مش عايز قطع غيار غاليه
اخيرا انا خارج من عربيه 128 وماليش اى خبره ف الحديث وماسوقتش اى حاجه حديثه نفسى حد يكون جرب ويقولى نصيحه عن تجربه لأى من العربيات دى
هو كله مشاهدات ومافيش ردود عايزين حد يسمى الله ويفك النحس ويقول رأيه
بسم الله الرحمن الرحيم
اﻷستاذ treeka84
لم تذكر فى سؤالك سقف إمكانياتك الماديه فلذلك اﻹختيارات مفتوحه. أما عن السيارات المذكوره فى عنوان مشاركتك فأنا أختار منها البروتون و إن كنت فى شك أنها قد تناسبك ماديآ ﻷن أسعار صيانتها عند الوكيل باهظة الثمن نسبيآ وقطع غيارها غير منتشره و إن كانت موجوده.
أنا عن نفسى أرشح لك الرينو لوجان الجديده لفرق كبير بينها و بين البروتون فى الصيانه وهى أن أسعار صيانات اللوجان فى الوكيل معقوله و ليست رخيصه (إستنادآ على أنك معتاد على نفقات ال128 )
من فضلك إعقد مقارنه ماديه (طبقآ لظروفك) بين الرينو لوجان و البروتون ثم إحسم اﻷمر لواحدة من اﻹثنين. و ﻻ تتحامل على نفسك من الناحيه الماديه ﻷن السيارات دائمآ تكبد صاحبها النفقات كما أنها عرضه للصدمات و الخدوش من البلطجيه و الهمج الذين يملؤن شوارعنا
هداك الله ﻷرشد أمرك و أقومه
السلام عليكم و رحمة الله و بركاته
gen 2
بروتون جين او برسونا علي حسب محتاج شنطة كبيرة او لأ عربية ثبات زي الالماني ومحترمة اوي
بيرسونا .. والله أعلم.
الصني لا تقارن ب301 او بروتون
البروتون بيرسونا كوسع داخلي و شنطة اوسع من البيجو و ده شفته بعيني
كثبات و تسارع بروتون (بيرسونا و جين 2 نفس العفشة و الموتور و الفتيس الفرق إن دي سيدان و دي ليفت باك)
فرامل بيجو
خامات و تقفيل بيجو