اولا يا سيدي لو هتأمن علي العربية وهي فيها خبطات اللي بيحصل كالاتي : ان مندوب شركة التأمين لازم بيصور العربية من جميع الجوانب واي حادث بعد كدة ( لا قدر الله ) هيقرفوك وهيقولوا انها حادث سابق علي التعاقد فالافضل انك تصلح الخبطات القديمة وتبدأ علي نضيف
ثانيا انت عربيتك هيونداي 2014 فافضل مكان عن تجربة هو التأمين لدي التوكيل لان اي اصلاح في السيارة خلال اول 5 سنين بيكون في مركز خدمة الهياكل ده بالاضافة الي الخصم اللي بتاخده علي الصيانات الدورية وبالاضافة انه في حالة وجود حادث كل اللي انت بتعمله انك بتسلمهم العربية وهما بيقوموا بكل الاجراءات من معاينة وصرف التعويضات وخلافه وبعد الاصلاح تروح تستلم عربيتك زي الباشا بدون لف وبهدلة علي مكاتب شركة التامين
المفضلات