معلش ياجماعة اخوكم قديم شوية عايز اعرف هى العربيات اللى بتفتح وتدور بالبصمة هى بيبقى ليها مفتاح ولا بصمة بس طيب لو حد غير صاحبها حب يروح بيها مشوار ولا كانت فى الصيانة او كده هيعمله بصمة بقى ولا ايه معلش انا بس عايز افهم وشكرا جزيلا
عرض للطباعة
معلش ياجماعة اخوكم قديم شوية عايز اعرف هى العربيات اللى بتفتح وتدور بالبصمة هى بيبقى ليها مفتاح ولا بصمة بس طيب لو حد غير صاحبها حب يروح بيها مشوار ولا كانت فى الصيانة او كده هيعمله بصمة بقى ولا ايه معلش انا بس عايز افهم وشكرا جزيلا
متابع
البصمة مش مقصود بيها بصمة الصوابع الفعلية...ده مسمى إخترعه المصريين
النظام ده بيبقى عبارة عن مفتاح بيفضل في جيبك أو شنطتك و بمجرد ما بتقرب من العربية و تمسك الباب أو تدوس على الزرار اللي موجود في الباب (حسب نوع العربية) اللوك بيفتح و تقدر تخش العربية
لو عاوز تدور العربية مش محتاج بردو تطلع المفتاح...كل اللي المطلوب هو الضغط على زرار Start/ Stop لتدوير السيارة و طبعاً المفتاح لازم يكون داخل السيارة و ليس خارجها علشان تدور
البصمة فى العربيات الجديدة عبارة عن مفتاح موجود فى العربية بتدوس عليه للتشغيل او العكس وعلشان المفتاح ده يستجيب لازم يكون فى جيبك او فى ايدك حاجة اشبه بالريموت وزى ما تقول كدا فى استشعار بينهم يعنى ولا تقدر تفتح الباب او تشغل العربية من خلال البصمة الا لو كان الريموت ده قريب ( فى جيبك او يدك) غير كده مش بتشتغل
شكرا ياجماعة العلم نور انا كنت فاكرها بصمة صباع حقيقيه