تحذير من ميكانيكي حرامي بكرموز بالاسكندرية
اول امبارح سمعت صوت غريب في العربية رحت للميكانيكي اللي بتعامل معاه قاللي ان العربية فيها اسطوانة و كمان هنحل الجيربوكس نوديه لواحد يصلحه و ان الموضوع كله هيتكلف حوالي 800 جنيه و لما لقاني عايز امشي حاول بكل الطرق يبدأ شغل في العربية بس انا مرضيتش
واحد صاحبي صايع في العربيات اديته العربية يجربها حلفلي 30 يمين ان ده رومبيل فرط مش اكتر من كده و روحنا فعلا لميكانيكي تاني غير الرومبيل و ظبط المكنة و ربط مسامير الفرن و اخد 120 جنيه شامل تمن الرومبيل كمان
و طبعا انا قبل كده كنت بتقلب من الميكانيكي الحرامي علشان انا لسه جديد في العربيات و معنديش خبرة
الميكانيكي الحرامي ده اسمه رجب عند كوبري كرموز في اسكندرية
يكفي انه معندهوش ضمير و بيسرق شقا الناس لمجرد انهم وثقوا فيه لقلة خبرتهم
و انا كتبت البوست ده للتحذير علشان محدش يقع تحت ايده و ينصب عليه خصوصا لو كان لسه مبتدئ زي حالاتي