مشكلة في ثبات كارينز 2014

**hi_nmr** · 19-12-2014 01:01 AM

باشا عربيتك فيها مشكله بس متقلقش بسيطه
ازاي 100 تعوم استحاله وكل اللي بيقول ان ده طبيعي معلش كلامكم غير صحيح اكيد الطريق او العربيه فيها مشكله , انتم متخيلين شركات العربيات بتصرف مليارات عشان تصميم العربيه وخلافه عشان السرعات العاليه والثبات والامان ولو مفيش المواصفات دي في اوروبا وامريكا مش هيركبوا عربيات بقي بس المشكله نيجي في مصر نقول العربيه عادي تعوم علي 100 مش منطقي ابدا ابدا باماره ايه والله حرام اللي بنعمله في نفسنا ده
ربط عافشه يا باشا وادعيلي حصلت معايا وبعد دوخه وبالصدفه اتحلت لما ربطت العافشه
تاني مره بقولك متصدقش موضوع 100 كيلو وتعوم دي ربط عافشه مشكلتك هتتحل ان شاء الله

**elenawy** · 23-12-2014 05:39 PM

استاذ ashouhdy انت كنت عامل فى المنتدى موضوع تجربة قياده للكارينز و كنت مبهدل فيه العربيه ازاى بتقول انها ثابته جدا

**ashouhdy** · 23-12-2014 05:46 PM

المشاركة الأصلية كتبت بواسطة elenawy

استاذ ashouhdy انت كنت عامل فى المنتدى موضوع تجربة قياده للكارينز و كنت مبهدل فيه العربيه ازاى بتقول انها ثابته جدا

انا كاتب فين انها ثابتة جدا ؟@@

**ashouhdy** · 23-12-2014 08:09 PM

ايوا دة اسلوب تعجب حضرتك :))

**ashouhdy** · 23-12-2014 08:56 PM

الكارينز ثابتة لو خط مستقيم لكن للاسف عند المناورات جسم العربية بيميل جامد وفي لحظة ممكن تلاقي العربية لا قدر الله لفت او اتقلبت منك

الكارينز عايزة سواقة عاقلة جدا وراسخة جدا وهى اصلا معمولة لكدة

سبب صدمتى من الجديدة انى كنت فاكر انهم غيروها تماما عن اللى كانت معايا لكن للاسف لقيت نفس العيوب بل واكثر ومازلت اقول ان القديمة كسيارة عائلة افضل

ولا مجال للمقارنة بين الكارينز و عربية سيدان عادية في الثبات .. دى حاجة ودى حاجة تانية خالص

**MMMERO** · 24-12-2014 12:37 PM

العربية معايا من اخر 2009 وسقتها فى طرق كتير عندك ثبات زى الفل حتى 160 اكتر من كدة منصحش اساسا لام الطرق بتاعتنا مش بتاعة سرعة اكثر من 120 لا للكارينز ولا لاي عربية تانية وربنا سترها مع الجميع و160 دى كانت لتجربة العربية فقط