السلام عليكم
السعة الليترية تكتب فى الرخصة كما هو مذكور فى شهادة بيانات السيارة و الذى يُرفق عند الترخيص بخطاب المرور وصورة الإفراج الجمركى ، فإذا كانت هناك صورة من تلك المستندات أرجو إخبارنا بما هو مكتوب كسعة ليترية للموتور ، و شكراً .
السلام عليكم
السعة الليترية تكتب فى الرخصة كما هو مذكور فى شهادة بيانات السيارة و الذى يُرفق عند الترخيص بخطاب المرور وصورة الإفراج الجمركى ، فإذا كانت هناك صورة من تلك المستندات أرجو إخبارنا بما هو مكتوب كسعة ليترية للموتور ، و شكراً .
السلام عليكم ورحمة الله و بركاته:
أستاذ شادى مبروك العربية و ربنا بحفظهالك و يكفيك شرها.
بس كنت عايز أسأل على حاجة سمعت إن الموتور 1200cc مش بيتوافق مع بنزين 92 الكلام ده صح ولا إيه عشان أنا عندي نية أشترى العربية.
اه في حاجة كمان كان في حد بيسأل على الكراسى الخلفية واسعة ولا إيه, عايز أقول إنى روحت معرض إمبارح و ركبت العربية ماشا الله فخمة من جوة و أوسع عشان انا كان عندى تعليق على الشيب إلى قبل ده بالنسبة للكراسى الخلفية إنها ضيقة و قاعدتها مش مريحة لكن الشيب الجديد ده مشاءالله أوسع و في مساحة بين الكراسى الخلفية و الكراسي الأمامية.
شكراً
الف مبروووووك وربنا يباركلك فيها
الف مبروك و ربنا يديك خيرها و يكفيك شرها ..... و ياريت بلاش زيت موبيل بعد كده الافضل فى مصر حاليا ريت شل و زيت امارات مصر ال 10000 دول احسن اتنين و على ضمانتى .... و اهم حاجه فى الزيت ان ال api بتاعه يكون sn و 5w40 او 30 حيكون افضل لعربيتك عن كده لان موتورك لسه جديد
يا جماعة اخبار القاشكاي 2015 ايه ؟
1200 تيربو شغال ازاي .. سحبته عاملة ايه بالتكيف و من غيره ؟ و البنزين 92 شغال معاه ولا ... ؟
عفشتها ناشفة ولا مرنة ؟
الثبات اخباره ايه ؟
صوت الموتور و الهدوء و الراحة من جوه ؟
ارجو الرد للمساعدة في قرار الشرا ، لأن كل شوية بيعملوا عليها اوفر ف السعر زيادة ليه مش عارف ؟؟
منتظر الرد و شكراً جزيلاً .
كنت عايز اعرف اخبار القشقاى الجديده كان لى صديق هيشتريها فكان عايز يطمن عن التسارع والسحب والعفشه واداء الموتور على بنزين 92 وقطع الغيار
يا ريت السرعه لانه قدامه اقل من اسبوع على شرائها
يا ريت الرد يكون عن تجربه
ع فكرة ..
أنا زي ما انتو عارفين قاعد احاول اشوف حد جربها أو اشتراها لدرجة اني كنت بحاول اثبت أي واحد ماشي بيها ف الشارع .. تخيلوا :)
و كنت بكتب ورقة عليها اسمي و تليفوني ع أي واحدة مركونة ف الشارع ... :D
لغاية لما روحت اوتوماك و طلبت منهم تجربة العربية .. قالوا مينفعش و مفيش عربية مخصصة لكده و العربية غالية و البوقين دول .. و كان اخر يوم و بيلموا العربيات و طلبت اركب مع اللي بيطلعها برة و طلع شاب محترم و هو فاهم طلبي .. و سحب بيها شدتين حلوين برة الصالة .. و لقيتها حلوة مش زي الواحد ماكان خايف و شاكك ،
و كمان الفرامل مؤثرة و ادائها واضح ..
و لكن ..
يلاحظ ان الاستبن مقاسه غير اللي راكب ع الأرض .. لأنه اصغر ..
و محدش يقولي انه عادي .. و الحديث كله كده .. غلط
لأن فيه فرق بين عرض الكوتش اللي بينزل ارفع من اللي راكب .. زي الـ كيا سول
لكن مقاس الجنط ( المعدن ) واحد ( 16 بوصة مثلاً ) .
و اللي هنا ده مقاس الجنط 16 ، لكن اللي راكب 17 أو 19 ،
و ع الرغم ان الكاوتش ارتفاعه 215/65 اكبر من اللي راكب 2015/60
إلا انه لا يعوض فرق المحيط النهائي ... ؟!
و ده شيء خطر خصوصاً ع الطرق السريعة ،
و الله أعلم كمان ايه تأثير الكلام ده ع اجهزة الإتزان الإلكترونية ف العربية .
مع ملاحظة ان الفراغ المخصص للاستبن كبير و يتسع لكاوتش بجنط 19 !!!
و غير كده تبطين الشنطة مفهوش أي خامات صلبة و لو زي خامة التابلوه مثلاً ..
كله تقفيل زي الموكيت !!! مش عارف تأثير الكلام ح يبقى ازاي عزل الضوضاء و الحرارة عن كابينة الركاب !!!
و الكاسيت مش موجود فيه امكانية كارت الميموري ...
بجد لو أي حد اشرى العربية دي أول حاجة يعملها يسجل الشكاوي دي في جمعية حماية المستهلك و يعمل محضر ف الشرطة لو أمكن كمان ، و يرسل شكوى للشركة الأم .
واااااضح شغل التوفير اللي شغال عليه المستورد .. و انه موصيهم
بصوا شوفوا هي برة عاملة ازاي :
2014 Nissan Qashqai | Caricos.com
تصحيح لأخطاء كتابية :
الكاوتش اللي راكب إما
215/60r16 ف الفئتين الأولى و التانية
أو 225/45r19 ف الفئة العليا الثالثة
لكن الاستبن ف الإتنين كان 215/65r16
اشي خيال يا ناس ... !!!