-
عايز اغير العربية
بعد اذنكم يا جماعه انا معايا رينو فلوانس 2011(base line) وهي عربية ما شاء الله كويسه جدا وعالية وواسعه جدا مقارنة بالعربيات اللي في نفس فئتها وعايز اغيرها واشوف عربية بنفس مواصفاتها ومحتار جدا...عمي اشتري هيونداي ix35 الفئة التانية وركبتها وهي عربية ناعمة وكويسة بس عيبها ان الكرسي اللي ورا ديق مش واسع زي الفلوانس والناس قالولي انها احسن من الاسبورتاج بس انا شايف سعر ix35 والاسبورتاج كتير اوي اني ادفع 230،000 جنيه فيهم وقلت الاسكودا ال A7 احسن منهم مع الفرق انهم كروس اوفر والاسكودا سيدان وكنت هجيب الاسكودا خلاص بس عرفت انها بقت 1600 مش 1400 تربو والموتور 1600 صغير عليها!! مش عارف اعمل ايه ولا اجيب ايه وواضح ان الرنج هيبقي من 200,000 لحد 250,000
معلش طولت عليكم وياريت تفيدوني او تنصحوني اجيب ايه واعمل ايه
شكرا ليكم
-
انت بتقارن بين فئات مختلفة , عايز كروس اوفر ولا سيدان ؟
-
كروس اوفر هتبقى اوسع اكييييد
-
-
سبب التغير
السلام عليكم أيه سبب تغير الفلوانس 2011 يعنى لسه جديدة هل التغير علشان موديل احدث و من باب التغير ام هناك اسباب اخرى لأن ده ممكن يحدد اختيارك الجديد مع خالص تحياتى
-
ازاي بتقارن الفلوانس (سيدان) مع العربيات الباقيه (suv) ؟
-
لو عربيتك سليمه ومش مضايق منها في حاجه
وفر الفلوس
-
ايه رأيك فى انسيجنيا اليجانس لو سيدان ..
كروس اوفر سبورتاج او ix35
-
السلام عليكم
شكرا ليكم جميعا اولا علي الرد والاهتمام
ثانيا انا عارف كويس الفرق بين السيدان والكروس اوفر بس انا بسافركتير ومش محتاج اتكلم علي المطبات اكيد ودي الحاجه الوحيدة اللي خلتني افكر في الكروس اوفر
الفلوانس اوسع زواعلي عربية في الفئة بتاعتها وال ix35 زي ما قلت انا ركبتها ومش واسعة زي الفلوانس
وفي نفس الوقت انا عايز عربية stable ولقيت العربيات الكويسة فوق ال 200 الف وناس كتير نصحوني اجيب فلوانس الجديدة ومجبش كورولا وقالولي الفلوانس انعم واوسع واعلي وده ميمنعش طبعا اني بعشق حاجه اسمها تويوتا
بالنسبة للاستاذ اللي سالني علي سبب تغيير العربية فالفلوانس بسم الله ما شاء الله من احسن العربيات اللي ممكن حضرتك تركبها كشكل ونعومة وعفشة و stability والتغيير عشان زي الناس كلها ما عارفة الرينو سعره بينزل جدا جدا وانا مش كده كده هخسر فيها بس مش عايز اخسر 40و 50 الف
الانسيجنيا حلوة جدا بس الاوبل عموما قطع غيارة غالية جدا ومش موجودة كمان
شكرا ليكم مره تانيه ولو فيه اراء تانية برده اتشرف اني اسمعها
-
-
صعب تنزل من فرنساوي لكوري
بلاش السبورتاج و ال ix35
لان اكيد ال materials من جوه هتبقي اقل في المستوي من الفلوانس
Content Relevant URLs by
vBSEO 3.6.0 PL2