الموضوع: مـخصـص لشكــاوى مالـكين بـروتــون / م. أمــر (مديــر صيانــه بروتـون مصـر)

مشكورين كل من ساهموا في ظهور هذه الصحفة وتحية حارة
لدي سيارة Gen 2
موديل 2008 أوتوماتيك
عدد الكليومترات 2200 تقريبا
شاسيه رقم 158285
موتور 3165
السيارة جميلة وعاجباني والحمد لله
لكن المشكلة اللي مضايقاني جدا هي استهلاك البنزين عالي جدا
في البداية حسب عداد السيارة 13.2 لتر لكل 100 كيلومتر
ثم وصلت الي 3.6 لتر لكل 100 كيلومتر
ثم قمت بالذهاب من القاهرة الي الاسكندرية ذهابا وعودة فوصل الاستهلاك الي 10.8 لتر لكل 100 كيلومتر
ثم وصل الاستهلاك الي 12 لتر / 100 ك
وفي صيانة الألف كيلو قولتلهم في التوكيل ان استهلاك البنزين عالي وقالوا انهم عملوا
الا ان الاستهلاك الأن 11.2 لتر لكل 100 كيلو حسب العداد ومع السفر مسافات طويلة بيوصل 11 لتر/100 ك
وبالحساب اليدوي 40 لتر عملوا حوالي 350 كيلومتر
فأرجو الافادة نحو هذه المشكلة وشكرا

اسامة
سيارتى جين 2 موديل 2008 عاملة 13000 كيلو و كان عندى مشكلة فى التكييف تقريبا انا اول واحد اكلم المهندس عمر و المهندس امر مع بداية تفعيل هذا الموضوع المثبت .
انا ذهبت للتوكيل و قبلت الممهندس امر و سلمت العربية وحكيتله ان العربية بتعمل تلج جوا الكبوت و بيسد الهوا الى داخل للعربية و فعلا تم تغيير عندى حساس الضغط بالتكييف و جربت العربية بعدها الحمدلله بقت كويسة و ان شاء الله هحاول اطلع بيها مشوار طويل شوية عشان اجرب اكتر . و ظبطولى استهلاك البنزين كمان انا بوجه الشكر للمنتدى و المهندس امر و المهندس عمر على الاهتمام .
و انا كنت هناك شوفت التندة الجديدة و استراحة خدمه العملاء الجديدة و كله شغال و المهندس امر بيقول ان فيه ورشة كاملة هتفتح فى ابوراش جوا لسه ما شتغلتش.ووعد ان حجز الصيانة خلاص هيبتدى من اول ديسمبر
الحمدلله ونتمنى ان قطع الغيار كمان تتوافر و ترخص يبقى كده برتون فعلا فى الطريق الصحيح للانتشار .
وجزاكم الله خيرا مره ثانية

يا جماعه انا مستلم العربيه عامله 40كم و فيها فرده كاوتش السلك فيها مقطوع و قالولى فى التوكيل هنغيرهالك ببلاش عشان ده عيب صناعه, دلوقتى انا بعمل صيانه ال5000كم و برضوا ما جالهومش الكاوتش و العربيه بتحدف و قالوا عملناها و لسه بتحدف و اللى زاد بقى انى بعد ماطلعت من التوكيل لاقيت هوايه التكيف مكسوره و عشان كده انا عايز ابقى جنب العربيه و هى بتتصلح, ياريد حد يفيدنى فى شكويتى مع التوكيل و شكرا

انا لسه مستلم برسونا 2009 .. المانيوال .. و هى مفيهاش سنتر ولا انذار
انا لسه حتى ما استلمتش جواب المرور .. عشان كده مش عارف اكتب البيانات المطلوبة
انا بس عاوز اعرف .. ممكن اركب انذار و سنتر فى التوكيل ؟
و هل ممكن يشغلو الريموت على الزراير الى فى المفتاح ؟؟؟
و لا يغيرولى المفتاح نفسه و لا ايه ؟؟

مهندس آمر ... صباح الفل
يا رب انت بقى ترد عليا و تفهمنى المشكلة ايه بالظبط
اولا .. بيانات السيارة كما فى الرخصة
برسونا 2009 لون بتنجانى ميتاليك
شاسيه : 182932
موتور : 4330
1597 سى سى
يا ريت بقى تقرا الموضوع ده و تقولى ايه المشكلة بالظبط
http://www.nilemotors.net/Nile/showthread.php?t=50016

الحقوني يا جماعه انا ضعت
انا عربيتي جين 2 سودا اتوماتك 2008
عامله 13000 كيلو
كنت ماشي بيها انهارده وانا ببص في المرايه ورايا لقيت العربيه مطلعه دخان كتير رحت واقف على طول وبطلت الكاسيت لقيت العربيه فيها صوت تكتكه غريب رحت بيها لبنزينه في ها واد ميكانيكي قالي ان العربيه شكلها فوتت او الزيت محروق مع العلم اني مغير الزيت على 10000 وقايلهم في التوكيلانا عاوز احط زيت 10000 الاف المهم المهم المهندس اللي هناك قاليي هنحطلك توتال 9000
انا لما عرفت كده ركنت العربيه لحد لما الاقي ونش يشيل العربيه يوديها التوكيل
اصل انا في طابا يعني ادعولي بالله عليكوا وربنا يسهل وتكون المشكله بسيطه

بجد يا استاذ توت انا شاكر جدا لتعبك معانا و إن شاء الله انا هاروح انهرده عشان اشوف هانعمل ايه و سواء اتغيرت اة لا, اكيد مش ناسى ذوقك و اهتمامك بمواضيع المنتدى و برضوا انا مش بسييىء لحد فى التوكيل, المهندس امر محترم جدا و المهندس مصطفى تعب معايا جدا و كان متضايق من اللى حصل بس الراجل مش بايده حاجه, علعموم عشان ما اطولش عليكم هاشوف انهرده الموضوع هيمشى ازاى و ربنا يسهل