انا اشتريت عربية شيفورلية لانوس
دلوقتى وانا برفعها لقيت فيها شرخ فى فارغة الماتور
بعدين قالى ان العربية دى مغيرة سدر وانا الصراحة لسا جديد
فى العربيات ومش دايس اوى فاياريت تفيدونى لان مش فاهم
يعنى اية مغيرة سدر
تم تعديل العنوان
م ب 3
عرض للطباعة
انا اشتريت عربية شيفورلية لانوس
دلوقتى وانا برفعها لقيت فيها شرخ فى فارغة الماتور
بعدين قالى ان العربية دى مغيرة سدر وانا الصراحة لسا جديد
فى العربيات ومش دايس اوى فاياريت تفيدونى لان مش فاهم
يعنى اية مغيرة سدر
تم تعديل العنوان
م ب 3
منه لله اللى بيبيع حاجه من غير ما يقول على اللى فيها
ده غش
واى حد شارك فى البيعه او السمسره من البيعه برضه غشاش
ربنا يكون فى عونك
وان شاء الله يكون حاجة خفيفه وغير مؤثرة
بص على حد علمى ان العربيه دى شكلها كانت عامله حادثه من قدام وغير الجزء اللى ورا التابلو من جوه الكبوت
انا مش فاهم بردة يعنى دا ينزل فى سعرها اوى؟؟؟؟
هيا 2011 عاملة 61 الف كيلو
بردة يعنى اروح لمين علشان اعرف الاضرار كويس وسعرها
ولو حبيت ابيع تنباع بكام وهل هتباع ولا لا
ساعدونى يجماعة ربنا يكرمكم
انت تعمل محضر غش وترجعها ليه
مغيره صدر يعني عامله حادثه
بلاش من العربيه افضل
انا شاريها بقالى 5 شهور ولسا رافعها ولقيت فيها الكلام دا مع انى كان معايا ميكانيى
يعنى تغير الصدر دا ينزلها كام لو حبيت ابيع
ياريت حد يقولى الاضرار تنزل من سعر العربية كام ويشرح ليا اكثر
مغيرة صدر يعنى المتور متغير ؟؟ ولا اية والعربية بايظة من قدام
وهل مغيرة سدر يعنى مغيرة نص او ربع اصل فى ناس بتقولى كدة ؟
افيدونى افادكم الله
شوف الغربية مغيرة صدر يعني الجزء الأمامي اللي قدام الموتور اللي فيه الراداتير والفوانيس الجزء ده اسمه السدر
والعربية ما يعبهاش تغيير السدر علشان ممكن تكون خبطة بسيطة وصاحبها اللي باعها قال بدل ما اسمكر أغير الصدر أحسن ده غير انه لما يجيب صدر استيراد كامل يبكون رخيص جداً وكمان كلها حاجات أصلية بتسجيل معاه زي الراداتير بالمروحة والسربنتينه الخاصة بالتكثف والفوانيس والاكسدام والفلين الخاص بالاكسيدام وحاجات تانية كتير
لكن المشكلة عندك احتمال تكون كانت حادثة جامدة وأثرت علي الحوض وعمل سمكرة واستعدال في حو العربية وسمكرة في الكارتيرة هي الحاجات دي اللي تعيب العربية لكن السدر لوحده ما يعيش العربية خالص وحاليا كل العربيات الحديثة ألماني وياباني يبكون السدر بلاستيك وده دليل علي عدم أهمية تغييره وانه من الحاجات الاستهلاكية في العربية والله اعلم
يعنى قصدك شال الصدر القديم بلصاج ولحم صدر جديد ولا اية
لانى مش فاهمك اوى الى فهمتة ان المتور اتغير وكل حاجة معاة
يا استاذ captinahmad مين اللي فهمك ان المتور اتغير وكل حاجة معاة معني كدة انه مش مغير الصدر معني كدة انه مغير النص الأمامي بالكامل مش صدر يا ريت توضح اكتر ايه اللي قالوه لك بالظبط
وريتها لواحد تانى وقالى العربية راشة حوض وكرتيرة ومغيرة السدر
وش العربيه كان رايح
يا باشا معني كدة ان العربية عملت حادثة جامدة وعمل شغل في الحوض وبعد كدة رض الحوض وركب سدر استيراد نفس لون العربية كدة انت اتغشيت جامد والمفروض ترجع للبايع او تروح ترفع قضايا عليه تطالبة اما برجوع البيع او التعويض عن العيوب الخفية وربنا.
وهي كدة العربية سعرها ينزل علشان الشغل اللي اتعمل
انت حاليا لو العربية مظبوطة معاك خليك ماشي بيها ونصيحتي ما تحاولش تبيعها لو هي كويسة معاك
زي ما الاعضاء قالو
العربيه كده معيوبه لانها عامله حادثه جامده من الامام لو مريحاك انسي العيبه ده واستعملها لانك لو بعتها هتخسر فيها
جبتها بكام واكيد الي كشف عليها باعك لصاحبها او ميفهمش فيها
فعلا زى ما الأخوة قالوا لك لو مريحاك حافظ عليها و متبعهاش الأستاذ/ الأسد المهاجر كاتب " اللى كشف عليها باعك" أنا حصل معى العكس كنت مسافر و لازم ابيع عربية تيوتا كورولا و عرضت على الشارى البيع بمبلغ 60 الف جنية و ذهبت معه الى صاحب ورشة سيارات صديقه علشان يكشف عليها و الحقيقة العربية كانت ممتازة و لولا السفر مكنتش بعتها و حالتها على الزيرو تقريبا , المهم , صاحب الورشة اللى هو المفروض صاحب الشارى , كلمنى على جنب و قالى هدفع 62 الف و فركش معاه..... عملت حجتين أظهرت للشارى نية "الصديق" لرفع السعر عليه و بيعتها بنفس المبلغ 60 الف اللى اتفقنا عليه.اقتباس:
المشاركة الأصلية كتبت بواسطة الاسد المهاجر
الفلوس مش كل حاجة ....معرفش الناس بتعمل كده ليه ؟ وتنسى أخرتها, شئ يحزن
انا بقي كنت كاتب ورقه علي عربيتي اتصل بيا واحد قالي طالب كام قالي هبعهالك اغلي اربع الاف هاخد منهم الف ولو عربيتك فيها ايه هبعهالك بس اهم حاجه العيب يكون مداري وانا جايب الزبون والسمكري الي معاه انا متفق معاه وكاننا كلنا منعرفش بعض المهم رفضت البيعه وبعت العربيه لواحد تاني ب٤٦ الف بدل٤٨ مع ان عربيتي مفيهاش الهوا بس محبش اسلوب النصب مع ان زمانه جابله عربيه معيوبه يعني لو كنت بعتله العربيه كان هيكسب وانا هكسب بس شغل نصب محبوشاقتباس:
المشاركة الأصلية كتبت بواسطة ali ashraf