الموضوع: استفسار عن مشروع معرض للريس

السلام عليكم
انا اخويا عايش فى ايطاليا و فكرت انا و هو اننا نعمل المشروع ده بس ف الحقيقة احنا مش عارفين هيبقى كويس ولا لا انه يجيبلى كام ريس من هناك و ابيعهم انا هنا بس انا مش عارف اى حاجه ولا هو كمان .. الموضوع هيبقى سهل ولا صعب من حيث الجمارك و الشحن و انا بلاحظ ان فى ناس بتجيب الريس مفكك و بتركبه هنا او معرفش ديه بتبقى قطع غيار بس ولا ايه انا عارف ان ليهم طرق كتير بيعرفوا يظبطوا بيها شغلهم و سئلت كذا محل كان ردهم عليها بما معنى " متخشش ف كار مش كارك " و يقولولى اكيد مش بنقولك كده علشان انك هتبقى منافس لينا ابداً بس ده احسنلك .... من الاخر انا لو مشيت ب الطريقة ديه عمرى ما هفلح ف حاجه ف حياتى .. ياريت حد يفيدنى

انتا عايز تتاجر وبتدور على مصدر رزق ودى حاجة كويسة جدا لكن انتا بتقول انك مش فاهم حاجة فى الموضوع !!!!!!!
طيب المجال دة بلذات النصب فية على عينك يا تاجر ووسائل النصب فية كتير جدا وفية تجار خبرة بيتنصب عليهم وركيبة كتير بيضحك عليهم برضو نصيحة لوجة الله علشان المكن اليابانى الخسارة فية بتبقا جامدة اوى اوى شوف حاجة تفهم فيها او حاجة يكون الرنج الى هتشتغل بية فيها يكون معقول علشان تشتغل فى حاجة زى كدة لزم تكون على الاءقل بقاللق 10 سنين فى المجال دة