الموضوع: مشكلة في الـ abs

السلام عليكم و رحمة الله و بركاته

عندي مشكلة في الـ إيه بي إس .. عربية ماتريكس 2001

المشكلة بدأت بعد ما اشتريت العربية بشهرين .. روحت غيرتلها كبالن .. لقيت العربية من بعدها بتشغل الإيه بي إس مع دوسة الفرامل الخفيفة

الموضوع ده مضايقني جداً خاصة إن لما تيل الفرامل بيخلص الموضوع ده بيزيد بشكل هستيري لدرجة إنه بيشتغل من غير حتي ما أدوس فرامل

أنا روحت لواحد بتاع كبالن .. و غيرنا التروس بتاعة الإيه بي إس بترسين استيرد .. و برضو ولا حاجه

و روحت لورشة رفعولي العربية علي كمبيوتر و قاللي إن الإيه بي إس مسجل 4 أخطاء .. و هانعيد برمجة الإيه بي إس و هايشتغل كويس .. و برضو ولا حاجه

و راجعت علي الحساسات .. كلها سليمة

لسه إمبارح كنت عند الميكانيكي و خليته يبص علي دورة الفرامل .. قاللي كل شيئ طبيعي

ياريت حد يفيدني الموضوع ده ممكن يكون إيه !!