طلب نصيحة و معلومات عن بيجو 2008
ارجو من السادة الأفاضل ابداء النصيحة لأنى عاوز اشترى سيارة جديدة و حصرت الاختيار بين بيجو 2008 و لانسر شارك هاى لاين
انا عجبانى البيجو أكتر بحكم انى راكب بيجو بقالى 6 سنوات بس عاوز تأكيد على بعض الأسئلة
هل التقفيل فرنساوى أكيد؟
الفتيس بتاعها ... بتاع 301 و لا زى 508 ؟ لأن ده فرق السما من الارض
بالنسبة للكماليات ... هل فيها دى في دى او سي دي بلاير لأنى لما شوفتها عند سمير ريان كنت بالليل و راجع مرهق جدا من الشغل لفترة طويلة و البياعين هناك بيقراوا من الورقة و بس ... و لما روحت المعرض بتاع التوكيل في المعادى ... ما كانتش موجودة
هل الشاشة فيها جي بي اس؟
هل ممكن تركيب كاميرا خلفية عليها بعد كدة؟
ايه اخبار العفشة؟ ناعمة زى البيجو القديم و لا زى الكورى بحكم الارتفاع عن الارض؟
اسف للاطالة ... و شكرا مقدما