فلتر الفتيس لللانوس الأوتوماتيك

**ekotta** · 18-12-2014 09:45 AM

صباح الخير شباب

يا رب تكونوا بخير جميعا ..

وسنه سعيده مباركه عليكم جميعا ..

سؤالي يا شباب بخصوص فلتر الفتيس بتاع اللانوس الاوتوماتيك ..

ربنا كرمني وعملت عمره محترمه للعربيه .. ومن ضمن التغييرات
جبت فتيس استيراد من الحرفيين من المتوكل ..

وركبناه علي حالته دي وللاسف عشان الفلوس قصرت شويه معايا ..

ما غيرتش زيت الفتيس ( زودت الزيت بس ) .. وما غيرتش الفلتر بتاعو ( الصفايه )

دلوقتي العربيه ما بتجمعشي بسرعه
والآر بي إم لما بدوس بنزين بيعلي اوي وانا حتي لسه علي السلانسيه
وعشان العربيه تنقل من الاول للتاني بتاخد وقت
والفتيس اللقط بتاعو مش قوي
وفي المطالع بقي ولا مطلع كوبري اتفرجوا علي الفضايح .. كأني راكب سلحفاه ..
السحب في الضيااااااع ..

ولاد الحلال نصحوني بتغيير زيت الفتيس وتغيير الصفايه .. وطبعا جوان الكرتيره من ضمن ..

سؤالي لحضراتكم بقي :

1 - هل الاعراض دي فعلا بسبب الفلتر وتغييره مع تغيير الزيت هيحل المشكله ؟
2 - سعر الفلتر ده كام دلوقتي ؟

شكرا لإهتمامكم .. وجزاكم الله كل خير علي ردودكم ومشاركتكم .