اركز علي ايه في المعاينه؟
اسعار قطع الغيار ؟
افضل واحد ممكن اكشف علي العربيه عنده؟
متوسط سعر الاوتوماتيك منها ؟؟
اسف جدا للاطاله و شكرا جدا لحضراتكم
اركز علي ايه في المعاينه؟
اسعار قطع الغيار ؟
افضل واحد ممكن اكشف علي العربيه عنده؟
متوسط سعر الاوتوماتيك منها ؟؟
اسف جدا للاطاله و شكرا جدا لحضراتكم
تركز على كل حاجه، اولاً، الشاسيه .. عربيات كتير جولف بتبقى جايه من بورسعيد انصاص وبتتلحم وربنا مايوقعك فى حاجه منهم.
طبعاً حاله الموتور والفتيس وقواعدهم والعفشه والحساسات بالذات حساس الايرماس والبوابه والحراره لان لو حاجه فيهم بتهيس هتظهر فى الاربى ام و هيبهدلك ..
التكييف برضه لازم تشغله وتشوفه فى كل الاوضاع، والطابلوه يكون نضيف، والفرش
قطع الغيار متوسطه بس معمره
انا بتعامل مع سيد جولف فى الحرفيين، واسمع عن هاتى صفوت بس ماتعملتش معاه، اظن اى حد فيهم هيكشف على العربيه ميكانيكا وعفشه كويس .. وهيدلوك على سمكرى تبص عليها عنده برضه
الاتوماتيك ال 1600 من 70000 لغايه 90000 حسب الحاله
طيب عشان انا مش خبره في المجال ده انا ممكن اوديها لاي حد منهم يشوفها من اولها لاخرها ؟؟
و سعر الكوبيه كام لو تعرف بعد اذنك؟؟
بص، سيد جولف هيكشف عليها موتور وعفشه وفتيس ولو فى اعطال ظهرت فى الكمبيوتر هيقولك عليها .. بس سمكره لأ .. سيد جولف عندة 2 مهندسين خريجيين زى العسل شافو جولفات كتير قبل كده فا ممكن يقولولك حالة العربيه عاماً كسمكره ودوكو بس برضه انت حتحتاج توديها لواحد سمكرى وممكن تسألهم هناك وهو هيدلوك
انا معرفش الكوبيه عامله كام للاسف
و هما طبعا هيعرفوا اذا كانت كامله و لا نوصين ؟
و اسف جدا لو طولت عليك و الله
محتاج نمره سيد جولف
في البداية لازم تعرف ان السيارة اللي نزلت مصر في التوكيل كانت 1400 سي سي
وكان فيه 1600 سي سي لكن استيراد خليجي
وممكن تلاقي عدد قليل جدا من العربيات 1800 سي سي او 2000 سي سي لكن استيراد شخصي من اي دولة اخرى
لكن معظم السيارات 1400 سي سي تم تسقيط موتور اعلى لها نظرا لان الموتور يعتبر ضعيف مع الجولف
أهم شئ تكون عارفه ان احتمالية تسقيط المواتير في سيارات الجولف 4 كثيرة جدا ومنتشرة
ومن الصعوبة أن تجد سيارة 1600 سي سي مش متسقطة لكنها موجودة إن شاء الله
السيارات الاوتوماتيك لن تزيد أسعارها بحال من الأحوال عن 80 ألف جنيه
مهما كانت مراصفاتها لكن الحالات الشاذة لها حسابات أخرى
وأنصحك كما ينصح الأخرون أن تشتري سيارة 1400 سي سي
وتقووم بتجربتها بنفسك فإذا كان مستواها مقبول لك فهذا جيد
أما إذا كانت ضعيفة فقم بتسقيط موتور 1600 ليس أكثر نظرا لإستهلاك البنزين
بفكر برضه فى موضوع الجولف 4 بس شايف ان سعرها مبالغ فيه شوية خصوصا ان فى منها موديلات 97
بس عربية ممتازة وياريت حد يذكر لنا ايه عيوبها
قليل من يتحدث عن عيوب هذه السيارة إذ لا يختلف اثنين على جودتهااقتباس:
المشاركة الأصلية كتبت بواسطة ahmed abdkarim
لكن العيب في السيارات اللي متسقطلها مواتير بشكل غير جيد