الموضوع: نصائح هامة عند شراء سيارة ......خد بالك

نصائح هامة عند اختيار- شراء سيارة جديدة :::

1- ماتتخدعش بالخصومات والعروض ودور على العربية اللى تعرف حد بثق فيه جربها ولفترة كويسة ((سنة على الاقل))
2- بلاش تسمع كلام الناس اللى فى المعرض لانه غالبا بيبقى عايز يلبسك ويطلع بالمصلحة .........خلى قرارك من دماغك واوعى تتسرع فى قرار فى الشرا لانك ممكن تندم بعد كدا
3- العربية مش سعر كويس و شكل حلو وخلاص..........العربية امان ثبات –قطع غيار-عفشة- resell- توكيل.............وابوس ايدك حط تحت كلمة توكيل 500 خط...........
4- مهما حاول اللى بيبعلك يقنعك بعربية معينة .............بلون معين .........شركة تامين حلوة.........ماتسمعلوش لانه عايز يلبسك العمة .........ولو لقيت انه مصر على نوع او لون بلاش تشترى منه اصلا لانه ممكن يديك عربية فيها عيب صناعة ويلبسك(ليهم عليها عمولة عالية من التوكيل)
5- لازم تراجع على عربيتك كويس قبل ماتشترى.........العجل-البطارية-الاستبن-الكوريك-الكراسى-الكاسييت-التكييف-الزيت –المية-الاشارات...........وشوف العربية عاملة كام كيلو قبل ماتشترى لو فوق 30 كم ماتشتريش.......
6- فى معارض كتير بتغير عجل-تحط بطارية مستعملة- تشيل الكوريك وتحط واحد رخيص خلى بالك
7- ماتمضييش على اقرار الشراء الا لما تطلع وتجرب العربية ...........لان دا اقرار منك ان العربية خالية من العيوب وقانونيا لو مضيت علية ملكش حاجة عند المعرض حتى لو لقيت عيوب فى العربية
8- لو حصل انك مضيت ودفعت ولاقيت حاجة مش طبيعية فى العربية (اى حاجةحتى ولو بسيطة لانها ممكن تكبر مع الاستخدام زى رعشة فرامل-رجرجة-هزة-عفشة مش متظبطة-تكييف مش شغال- اشارات مش مظبوطة-فرامل يد تعبانة-العربية مش بتدور من اول مرة-العربية بتحدف- او حاجة.مش طبيعية).............ارجع المعرض وقولة يغيرهالك بالذوق..........مرضاش اطلع على النيابة على طول......المفروض معاك 13 يوم العربية لو فيها عيوب صناعة تتبدل....لا تروح التوكيل ولا حماية المستهلك لانهم هيلفيفوك حولين نفسك ويضيعوا الوقت لغاية مايخلص ال13 يوم وبعدا كدا يقولولك مالكش حاجة عندنا.............
9- لو فاكر انك لو روحت النيابة يبقى بتكبر الموضوع .............هو الموضوع كبر اساسا لما معرض يديك عربية فيها عيب وينصب عليك................ولازم تلحق نفسك بسرعة والا العربية هتقعد فى حجرك وهتفضل رايح جى على التوكيل وحماية المستهلك 5 او 6 سنين كدا على الاقل وياريت هتطلع بحاجة فى الاخر........................
10- اخر نصيحة............حاول تشترى من التوكيل افضل او اى معرض انت تكون تعرفة شخصيا لان سوق العربيات 99.9% من اللى شغالين فيه نصابين........................
11- اهم نصيحة.................ابعد عن توكيل المنصور الله بيباركلك ولو حصل ولبست فى عربية........على النيابة على طول

ما راى حضراتكم فى توكيل فورد ؟