الموضوع: معانا هنا مهندس بترول يفهمنا يعنى اية بترول صخرى اللى طالع دة

المشاركة الأصلية كتبت بواسطة الفجر

مش ممكن فى ناس هنا بتفهم فى البترول كنت يأس الاقى حد

الف الف شكر على كل معلومة اضبفت منكم جميعا

أنت تأمر يا غالى. . . انا شخصيا مش متخصص لكن اذا عرفت ان ال nickname بتاعى بين اصحابى هو wikipedia يبقى القصة هتوضح اكتر
انا كمان عشان عارف انت بتسأل ليه اساسا قلت اوضحلك الابعاد سياسيا و اقتصاديا
بس برضه ما جاوبتنيش عن اخر توقعاتك المستقبلية :-)

المشاركة الأصلية كتبت بواسطة mohamed hussei

طب ومصر مفهاش بترول خالص :] ازاي علي شمالنا بترول كتير ليبيا وغاز الجزائر وعلي اليمين الخليج ويجي عندنا قليل

سبحان الله ... يرزق من يشاء ..

فيه ظاهرة غريبة جدا .. و دى ملناش دخل فيها ... حاجة اسمها هجرة الخام فى باطن الارض ...

وجدوا ان البترول و هو فى باطن الارض يتحرك من مكان الى مكان فى طبقات معينة ... بمعنى اخر على سبيل المثال ... ممكن يكون البترول بيتحرك من السعودية مثلا مرورا بمصر و صولا الى الجزائر ... و يتم استخراجه من الجزائر ... و من الممكن ان يحدث العكس .. نتيجة اختلاف طبقات الارض
طب ليه لا يتم استخراجه فى مصر ؟؟؟؟

لازم من توافر شروط علشان يمكن استخراج البترول .. و يكون استخراجه بصورة اقتصادية كمان

لازم البترول يكون ما يعرف ... بالخزان ... لو حفرت فى الخزان .. اطلع بترول كتير و لمدة طويلة كمان

من المعروف ان فيه دول ( سبحان الله ) خزانات البترول فيها على اعماق مش كبيرة .... زى الكويت .. تكلفة الحفر منخفضة ... خزانات كبيرة .. جودةبترول عالية
العراق اعمق شوية .... السعودية اعمق كمان

فيه دول تانية ... البترول بينشع على السطح .. زى امريكا و الصين زمان و يقال كان فى مصر ايام الفراعنة .. و فنزويلا فى الايام الحديثة