عندي مشكلة ف الهوندا بريليود ف البنزين والحرارة
شباب .. ازيكوا ..
طبعا قلتلكوا اني لسة جايب هوندا بريليود وبصلح فيها شوية حاجات لانها لسة جايبها ومشاكل المستعمل بقى ف الاول..
أولا: تانك البنزين عندي لقيتوا بينشع لانوا تانكها الاصلي من سنة 88 !! اتاكل وخفيف اوي .. المهم رحت لواحد قلتلوا حل التانك وخدتوا لحمت 5 اخرام فيه بقصدير واديتوا وش معجون..
بس ناوي اغير التانك لان ده بنزين برده..
السؤال: هل أقدر أوفق عليها تانك ولا ﻷ؟ وتانك ايه اللي ينفع ليها؟
وثانيا: عوامة البنزين مش مزبوطة .. فأجيب عوامة؟ ولا التانك الجديد هيكون بعوامته؟ وأعمل ايه بشكل عام؟
ثالثا وأخيرا: الحرارة عندي مؤشرها كان بيفصل كل شوية وعداد السرعة كمان فصل!!
غيرت صباع الحرارة واشتغل عداد الحرارة وبعدين كل شوية يفصل ويشتغل!!
عداد السرعة بقى حليت سلكوا خالص واتأكدت ان السلك شغال مية مية بس لمة بركبوا مش بيشتغل !!
ايه المشكلة وأعمل ايه؟
خبراء الهوندا البريلويد بقى ..
وشكرا ليكوا على سرعة الرد ف موضوعي الأول .. ربنا يكرمكوا
