مشكله كبيره مع نيو اكسنت 2007

**ramyayash** · 02-11-2008 02:00 PM

ازيكم يا رجاله النايل موتورز
اخوكم في مشكله بايخه جدا جدا
امبارح كنت نازل مطار القاهره
قلت اعدي اجيب الشبوره واضبط شويه حاجات في العربيه
المهم قلت اغير تيل فرامل خلفي لانه اتاكل وشبع لجلشه من شهرين
والعربيه عملت 50 الف كيلو
المهم رحت شارع دمشق علي نصيحه اسامه صديقنا من النايل موتورز
شارع فيه كل حاجه وارتحت فيه اكتر من الحرفيين
وكانت الصدمه
رحت لسمير عبد الرحيم اشتريت الفوانيس والسيور بتاعت صيانه ال50 الف
بقوله عايز تيل خلفي قالي في نوعين
تصميمين قلتله وريني قالي مش موجود اي نوع حاليا
بس في نوع بقطمه ونوع بدون قطمه
رحت لمحلات تانيه
قالولي روح لنافع
رحت لنافع
قالي خد
ركب
من غير ما يسال
جبت واد فك التيل القديم
جاي يركب الجديد
رغم انه نفس الشكل قالي لا
ده فيه قطمه
ومش ينفع يركب
نافع قالي اول مره اعرف ان 2007 مختلفه عن 2008
روح التوكيل اهو
رحت التوكيل
قالي ب475 جنيه
خرجت مش شايف قدامي
مش لاقي تيل فرامل
اعمل ايه
بفكر املئ التيل
ومش عارف هل هناك عيوب لاعاده ملئ التيل؟
ولا اعمله وخلاص
ساعدوني يا رجاله النايل

**AHMEDCAR** · 02-11-2008 02:42 PM

ممكن تملاه و تمشى حالك لمده 5000 كيلو على اقصى تقدير لحد مايجى التيل فى شارع دمشق

الملو عيبه انه بعد فتره من الاستخدام المسامير اللى ماسكه التيل ممكن تخربش الطنبوره علشان كده تمشى بيه حبه صغيريين لحد ماتلاقى الجديد انا بعمل كده

**ramyayash** · 02-11-2008 02:47 PM

يعني املي احسن من انني اسيبه عالحديده كده
صح؟

**AHMEDCAR** · 02-11-2008 02:48 PM

اه املاه بس ماتمشيش بيه كتير

**ramyayash** · 02-11-2008 02:51 PM

والحل اجيب التيل ده منين
اغلب تجار دمشق ما يعرفوش الفرق اللي بينهم
ما عدا سمير عبد الرحيم هو اللي عارفهم بالضبط

**AHMEDCAR** · 02-11-2008 02:57 PM

حاول تسأل فى الحرفيين و بعد كده اديك عرفت الفرق بينهم و انت بتشترى شوف اللى انت بتشتريه و ساعتها هاتعرف هو لا لآ

**ramyayash** · 02-11-2008 03:24 PM

دمشق في قطع الغيار الجديد افضل من الحرفيين في رايي الشخصي
لو حد عنده رايه مخالف يا ريت يقول

**thegreatnileman** · 03-11-2008 12:49 PM

عاوز اسالك سؤال

ماهى نسبة 475 الى 78000؟؟؟؟؟؟؟

وتحافظ على عربيتك

انت بتتكلم فى ايه

اشترى الاصلى وركبه حيقعد فى عربيتك اد الاولان ما قعد وتريح دماغك

وصدقنى كده ارخص بدل العك وبعدين تلاقى نفسك بتجيب طنابير

**Nader** · 03-11-2008 12:59 PM

ممكن تغير الطنابير وتركب النوع التاني .... اوفر لك على المدى البعيد.

الموضوع: مشكله كبيره مع نيو اكسنت 2007

LinkBack

أدوات الموضوع

عرض

مشكله كبيره مع نيو اكسنت 2007 - انشر الموضوع فى :

-

-

-

-

-

-

-

المواضيع المتشابهه

مشكله كبيره جدا في ال abs

انا في مشكله كبيره و محتار جدا

مشكله كبيره في الزوايا

مشكله كبيره حد يلحقني

مشكله في الام بي ثرس كبيره

الكلمات الدلالية لهذا الموضوع

المفضلات

المفضلات

ضوابط المشاركة