ايهم افضل(كيا سول_بيجو2008_نيسان جوك)؟

**Marwa01000** · 18-12-2014 11:03 PM

من فضلكم اللى يقدر يفيدنى فى الاختيار ميبخلش عليا

**Bassem Youssef** · 19-12-2014 12:56 AM

بيجو ايه بالظبط ؟

الكيا سول بتتفوق علي الجوك في اعاده البيع

**Marwa01000** · 19-12-2014 02:18 AM

المشاركة الأصلية كتبت بواسطة باسم يوسف

بيجو ايه بالظبط ؟

الكيا سول بتتفوق علي الجوك في اعاده البيع

بيجو 2008
بس انا بقصد افضل واحده فيهم من حيث القوه والمتانه والامان وليس من حيث اعادة البيع فقط

**ENG.MaRk** · 19-12-2014 06:43 AM

لو هتقدر تجيب سول توب لاين (206000) يبقي تمام و هتلاقي فيها كل الكماليات اللي انت عايزها ... بصراحة عربية كويسة جدا لمصر ... أعلي هورس باور في التلاتة و أعلي عزم كمان بس بفروقات بسيطة جدا ... تقريبا أكثرهم كماليات و البيجو 2008 عربية روعة و جميلة جدا فكّر فيها برضه أما بالنسبة للجوك ف أنا شخصيا مش باحب شكلها خالص

**Marwa01000** · 19-12-2014 03:14 PM

[QUOTE=ENG.MaRk;3875848329]لو هتقدر تجيب سول توب لاين (206000) يبقي تمام و هتلاقي فيها كل الكماليات اللي انت عايزها ... بصراحة عربية كويسة جدا لمصر ... أعلي هورس باور في التلاتة و أعلي عزم كمان بس بفروقات بسيطة جدا ... تقريبا أكثرهم كماليات و البيجو 2008 عربية روعة و جميلة جدا فكّر فيها برضه أما بالنسبة للجوك ف أنا شخصيا مش باحب شكلها خالانا كنت فاكره ان الكيا محدش هنا هيرشحها خالص
لانى بسمع ان الكورى عمره قصير ومش بيستحمل مقارنة باليابانى والفرنسى

**S O P H O S** · 19-12-2014 12:52 PM

خرج الجوك ويبقي السول او البيجو

**Marwa01000** · 19-12-2014 03:16 PM

المشاركة الأصلية كتبت بواسطة s o p h o s

خرج الجوك ويبقي السول او البيجو

طيب فى المتانه والعمر والماتور والخامات انا سامعه ان البيجو افضل من الكيا ولا ده مش صح

**meka1990** · 20-12-2014 06:16 PM

جوك لو شكلها من بره عاجبك وتقدر تتغاضي عن الانتريور الاحمر و ان مفهاش فتحت سقف و طبعا ابعد عن الكوري و البيجو 2008 لسه منتشرتش

**Marwa01000** · 21-12-2014 12:24 AM

المشاركة الأصلية كتبت بواسطة meka1990

جوك لو شكلها من بره عاجبك وتقدر تتغاضي عن الانتريور الاحمر و ان مفهاش فتحت سقف و طبعا ابعد عن الكوري و البيجو 2008 لسه منتشرتش

انا كده مفهمتش حاجه
معنى كلامك ان 3 مش ولابد

**meka1990** · 22-12-2014 03:25 AM

انا مش قصدي ان ال3 مش ولا بد انا اقصد ان الكوري مليان عيوب في الكواليتي نفسها بتاعت العربيه مش في الشكل و الكماليات و بالنسبه للجوك و ال 2008 كل واحده فيهم فيها مشكله من وجهة نظري و انا كنت بحاول اعرض لحضرتك وجهات نظر مختلفه ممكن ماكانتش ظاهره بالنسبه ليك, و الاختيار في الاخر للي هايركب . انا بالنسبالي معايا اكسنت rb عربيه زباله كخامات, ابشنز , متانه و عوامل امان والعربيه بتتبهدل و تبوظ بسرعه و المشاكل دي في الكوري كلوا بشكل عام فبالتالي منصحش حد بيه . بالنسبه للجوك عربيه كويسهو فيها سمارت كي بس مافهاش فتحة سقف و انا شايف اني لو هدفع 180 الف في عربيه يبقي علي الاقل عايز شوية ابشنز بس بردوا العربيه كويسه . ال 2008 من ناحيه تانيه عربيه مش منتشره و صعب تنتشر في رايي و هتدخلك في مشاكل قطع غيار و سعر اعادة بيع سيء جدا . فالاختيار الافضل في الثلاث سيارات دول هيكون جوك وده رايي بس نرجع لنقطط الهيركب هوا اللي يختار الانسب بالنسبه ليه