عوز اعرف رأى الأعضاء فى الكروز 2015محتار بصراحة هل مشاكل الفتيس اتحلت تماماً ولا لسه؟ وهل المحرك والفتيس هما اللى فى اوبل استرا؟ تستحمل السفر الكتير منتظر آراء الأعضاء من مالكى العربيه
عرض للطباعة
عوز اعرف رأى الأعضاء فى الكروز 2015محتار بصراحة هل مشاكل الفتيس اتحلت تماماً ولا لسه؟ وهل المحرك والفتيس هما اللى فى اوبل استرا؟ تستحمل السفر الكتير منتظر آراء الأعضاء من مالكى العربيه
اتعدلت اكتر وافضل من موديل 2014 فتيس وموتور الاسترا طبق الاصل
هيا اصلا حتريحك فى السفر كموتور وفتيس لان الزحمه هيا العدو الاول لاى عربيه الزحمه بتهلك العربيه بدرى بدرى
عربية رائعة وتم حل اغلب المشاكل بها والسعر مناسب جدااااا يعيبها توكيلها المتخلف وربنا يوفقك.في الاختيار
تقريبا كل مشاكلها اتحلت و فعلا العربية بالظبط موتور و فتيس الأسترا ... العربية مريحة في السفر و جميلة جدا ... لو تقدر تزود و تجيب فلوانس تاني فئة بما إنك عايز تسافر كتير هيبقي أنسبلك
عربيه جميله . كأنك راكب الاوبل استرا مع اختلاف الشكل . موتور و فتيس استراو العفشه كمان . ثبات جيد . يعيبها ضيق المساحه الداخليه و الخامات
نصيحه الحق الشكل ده . الشكل الجديد هاينزل و صينى و هايكون زى الاوبترا الجديده و هاتلاقى الناس بتدور على القديمه دى و سعرها هايغلى .
لو بتفكر فيها فعلا خلص . العربيه كويسه و بريستيجها كويس . اللى هاتنزل جديده تجميع صينى . مصنع الاوبترا و الكروز بقا فى الصين و نزلت فعلا فى معرض الصين الدولى للسيارات بس واضح انه الموديل الجديد مش ناجح لسه .
افضل من السيراتو و الالنترا طبعا . لو هتدخلها فى منافسه يبقا مع الفلوينس الفئه التانيه او الشارك الفئه التالته دول نفس السعر و الفئه تقريبا . بس خد قرارك و خلص احسن هاتدور عليها بعد كده زى الاوبترا القديمه .
في فرق بين تصميم و تنفيذ صيني و عربيه بتنزل في الصين
الكروز الجيل الجديد للأوبترا زي ما السونيك هي الجيل الجديد للأفيو
مش معني انهم نزلوا في الصين الأول فيبقوا صيني لأن شيفروليه بتنزل عربياتها في كل حته و العربيات الحديثه و القديمه بتتصنع في الصين للسوق الصيني و بتتصنع في امريكا للأمريكان و في كوريا لخليج و جنوب شرق اسيا و شمال افريقيا
الأوبترا الجديده اساسا معموله للصين و الدول العالم الثالث علي عكس الكروز و السونيك و باقي الموديلات اللي بتنزل في كل مكان
2016 Chevrolet Cruze Sedan Spy Photos – News – Car and Driver
اقرا الموضوع ده و هاتعرف انه اللى هاتنزل لنا هيه اللى نازله فى الصين و تصنيع صينى .
الاوبترا مش معموله للعالم التالت و ﻻ حاجه و موجوده فى امريكا الموديل السابق تحت سوزوكى فورينزا و فى اوروبا تحت اسم شيفورليه لاسيتى
انت فهمتني غلط
الجيل اللي فات من الاوبترا وقف انتاجه من شيفروليه و الجيل الجديد استغلال للأسم بس لأن الكروز هي بديل الاوبترا
زي ما وقفوا الافيو و بدلوها بسونيك
شيفروليه كروز زي ما هو مكتوب نازله بشكلين للمقدمه و تقريبا هينزلوا الشكل التاني في العالم و ممكن ينزل الشكل الاولاني للصين
كون العربيه ظهرت الأول في الصين مش معناه انها هتبقي صيني لأن الشكل التاني بيتجرب في امريكا و هو الشكل اللي هينزل في العالم موديل 2016 و مكتوب ان الموديل دا من الموديلات المهمه لشيفروليه