استفسار مهم بخصوص فورد فوكس 2014

**Mahmoud Fawzy** · 19-12-2014 04:26 PM

السلام عليكم ورحمه الله وبركاته

انا متابع للمنتدي بشكل يومي تقريبا ونويت اني اشتري سياره فى الثلاثه شهور الاخير
وكان اختياري هو اوبل استرا او تيوتا كرولا الجديده او فورد فوكس

وتشاء الظروف اني اشوف عرض على الفورد فوكس من الوكيل عبد اللطيف جميل على السياره بمقدم 25 % وتقسيط على 60 شهر بفائده سنويه 2% فقط بالاضافه الى تخفيض على اسعار قطع الغيار والمصنعيه

طبعا العرض كان بالنسيه لي شيئ جيد جدا وخصوصا انى عارف ان العربيه ممتازه وتستحق االاقتناء وعلشان دي او سياره لي فمش فراقه معايا اعاده البيع من عدمه لاني مش هسيبها الا بعد 6 او 7 سنين على الاقل

بس شوفت ليها تقرير اجنبي حول عيوب فى الفتيس وانه بيسقط نقلات وحاجات كتيره انا مش فاهمها

فقولت اسئل ملاك العربيه حول المشاكل اللى ممكن تقابلني وخصوصا موضوع الفتيس

انا عايز عربيه تريحني فى الطريق وخصوصا انها اول عربيه ليا فمش عايز اى مشاكل او مفاجات فيها خاااالص

ياريت يا شباب حد يساعدني فى الموضوع ده ويكون فعلا شاري العربيه ومجربها وعارف عيوبها كويس ويقولي الموضوع يستاهل ولا بلاش منها دلوقتي !!

طبعا مش عارف قوانين المنتدي تسمح برابط خارجي حول المشاكل اللي شوفتها على المواقع الاجنبيه ولا لاء عموما انا هرفق الرابط وممكن حد من القائمين على الاشراف يقولي اذا فيه مشكله يحذفه

2014 Ford Focus Problems, Defects & Complaints

شكرا لكل من هيساعدني او يشارك بمعلومه اقدر من خلالها اخد اهم قرار في حياتي الان

**eng wael** · 19-12-2014 05:09 PM

العربيه اكيد ممتازة والمانى بس مع الاسف انا سمعت عن ناس جابتها وعندهم مشاكل فى الفتيس ممكن تكون حالات فرديه بس برضه الموضوع مقلق
موضوع الخصومات والعروض انا شاكك انهم عايزين يخلصو من الشكل القديم علشان ينزلو الشكل الجديد والله واعلم
الموضوع محير لما تلاقى العربيات المحترمه فيها مشاكل
يبقى مش عارف تجيب كورى ولا تعمل ايه
موفق ولكن لاتتسرع فى الشراء الا لما تكون مقتنع 100 فى ال100
تحياتى

**Mahmoud Fawzy** · 19-12-2014 05:25 PM

شكرا لمرورك استاذ وائل

فعلا العربيه ممتازه ومعنديش مشكله انها تكون الشكل القديم او انها هتبقي استوك

انما تكون فيها مشاكل بعد الشراء اكيد الموضوع هيفرق معايا فى القرار

اتمني من الملاك للعربيه يقولوا رائيهم

شكرا مره اخري استاذ وائل

**ENG.MaRk** · 19-12-2014 06:34 PM

فيها مشاكل في الفتيس ال power shift بس مش major و أعتقد بتتصلح بسهولة و أنا بصراحة في اتنين أصحابي معاهم الفوكس 2012 و 2013 و حتي الآن محدش منهم واجهته مشاكل ... توكل علي الله و الحق العرض و ماتقلقش و الله الموفق و المستعان

**Mahmoud Fawzy** · 20-12-2014 01:47 PM

شكرا لمرورك يا استاذ مارك
انا عارف انها مش مشكله اساسيه يعني الفتيس مش هيبوظ
ولكن لقيت مشكله ان العربيه وانت سايق ممكن تفصل منك باور !!

علشان كده حبيت اعرف من الملاك هل ده حادث فردي ممكن يكون في عربيه او اتنين
ولا دي مشكله في كل العربيات وعيب تصنيع !

مره تانيه شاكر لمرورك يا مارك

**ENG.MaRk** · 20-12-2014 06:28 PM

المشاركة الأصلية كتبت بواسطة Mahmoud Fawzy

شكرا لمرورك يا استاذ مارك
انا عارف انها مش مشكله اساسيه يعني الفتيس مش هيبوظ
ولكن لقيت مشكله ان العربيه وانت سايق ممكن تفصل منك باور !!

علشان كده حبيت اعرف من الملاك هل ده حادث فردي ممكن يكون في عربيه او اتنين
ولا دي مشكله في كل العربيات وعيب تصنيع !

مره تانيه شاكر لمرورك يا مارك

أحب أقولك بس إن الفوكس اللي هنا هي هي اللي بتنزل في أوروبا (بغض النظر عن الrs و الst) ... بتنزل برضه ب 1.6 125 hp و أحب أقولك كمان إن ديه أكتر عربية (فورد) مبيعا في أوروبا ف أعتقد إن فورد مش هتنزل عربية للشعب دون معايير الكفاءة الأوروبية و اللي سافر أوروبا بس هو اللي هيقدر يفهم كلامي ... عموما عشان مش عايز أبعد عن محور الموضوع الفوكس حلوة جدا و تستاهل كل قرش يتدفع فيها ... عمري ماسمعت عن حوار الباور اللي بيفصل ده خالص و صاحبي اللي معاه موديل 2012 عامل بيها 54000 كم و ماظهرش فيها مشاكل خالص :) ... لو عايز بديل ليها أرشحلك الأسترا

**Mahmoud Fawzy** · 20-12-2014 08:29 PM

مهو انا كنت بفكر في الاسترا فعليا بس فرق السعر مش قليل في صالح الفورد
علشان كده نفسي حد يطمني من ملاك العربيه اللي موجودين معانا في القسم هنا

استاذ مارك لو فيها تعب ليك ممكن تكلم ليا صديقك وتساله عن التفاصيل اللي موجوده فل اللينك اللي ارفقته فوق للمنتدي الاجنبي وتطمني ولو فيها اشكال او تعب ليك بلاش.

شكرا ليك مره تانيه

**ENG.MaRk** · 20-12-2014 10:35 PM

أقولك حاجة أحسن ... ريح دماغك و هات كورولا ... عربية متجربة و من غير مشاكل و توكيلها كويس جدا و محدش اشتكي منها خالص غير في الارتفاع و ده اتعدل و بقي تمام لا و كمان سعر إعادة البيع تمام ... عربية في نفس الفئة السعرية بتاعتك و أضمنلك مادام انت مقلق أوي من المشاكل :) أو ممكن كروز و أهي نفس موتور و فتيس الأسترا أو فلوانس و ديه بقي أنا شايفها أنسب عربية لمصر تحت سعر 200000 و كمالياتها كويسة ... عموما ماتخليش قدامك اختيار واحد و انزل و دوّر و اركب و عاين كل واحدة بنفسك

**anadrol** · 21-12-2014 07:03 AM

المشاركة الأصلية كتبت بواسطة mahmoud fawzy

السلام عليكم ورحمه الله وبركاته

انا متابع للمنتدي بشكل يومي تقريبا ونويت اني اشتري سياره فى الثلاثه شهور الاخير
وكان اختياري هو اوبل استرا او تيوتا كرولا الجديده او فورد فوكس

وتشاء الظروف اني اشوف عرض على الفورد فوكس من الوكيل عبد اللطيف جميل على السياره بمقدم 25 % وتقسيط على 60 شهر بفائده سنويه 2% فقط بالاضافه الى تخفيض على اسعار قطع الغيار والمصنعيه

طبعا العرض كان بالنسيه لي شيئ جيد جدا وخصوصا انى عارف ان العربيه ممتازه وتستحق االاقتناء وعلشان دي او سياره لي فمش فراقه معايا اعاده البيع من عدمه لاني مش هسيبها الا بعد 6 او 7 سنين على الاقل

بس شوفت ليها تقرير اجنبي حول عيوب فى الفتيس وانه بيسقط نقلات وحاجات كتيره انا مش فاهمها

فقولت اسئل ملاك العربيه حول المشاكل اللى ممكن تقابلني وخصوصا موضوع الفتيس

انا عايز عربيه تريحني فى الطريق وخصوصا انها اول عربيه ليا فمش عايز اى مشاكل او مفاجات فيها خاااالص

ياريت يا شباب حد يساعدني فى الموضوع ده ويكون فعلا شاري العربيه ومجربها وعارف عيوبها كويس ويقولي الموضوع يستاهل ولا بلاش منها دلوقتي !!

طبعا مش عارف قوانين المنتدي تسمح برابط خارجي حول المشاكل اللي شوفتها على المواقع الاجنبيه ولا لاء عموما انا هرفق الرابط وممكن حد من القائمين على الاشراف يقولي اذا فيه مشكله يحذفه

2014 ford focus problems, defects & complaints

شكرا لكل من هيساعدني او يشارك بمعلومه اقدر من خلالها اخد اهم قرار في حياتي الان

يا جماعه حد معاه الفوكس 2014 يقولنا المشاكل اللى موجوده فى التقرير ده ايه نظامها