60 الف جنيه بالبنك - فوايدهم قد ايه

**dongol123** · 25-12-2014 09:06 AM

المشاركة الأصلية كتبت بواسطة هيثم مجدي

ربنا يكرمك و اكيد محدش يقصد يتهم نيتك ان شاء الله ربما بس حراراة النقاش.

الجزء اللي تحته خط دا رأي حضرتك ؟ انت بتفترض ان دا علّة التحريم. ودا مقصد الرسول صلى الله عليه وسلم لمّا حرم الربا. أن الذهب بيحتفظ بقيمته

ازاي قدرت تفهم الكلام دا من الحديث ؟

بص حضرتك انا مش شيخ و لكن انا هقول لحضرتك علي اللي فاهمة

العلة في التحريم مش ان الذهب حافظ لقيمته العلة انه اثناء السلف بيحصل زيادة علي اصل المبلغ. يعني ان لو سلفت شخص جرام ذهب و اخذته جرامين بعد سنة فانا هكون اخدت الجرام بتاعي اللي هو في الاساس ما خسرش حاجة بل قيمتة فضلت زي ما هي بالاضافة اني اخدت جرام تاني زياده و هو ده الربا. يعني انا اخدت الدهب بتاعي اللي سلفته للشخص زائد جرام زيادة

الفلوس الورق بتاعتنا بقي عكس كده انا حطيت في البنك عشرة جنية و التضخم مثلا عشرة في المية يعني بعد سنة قيمة العشرة جنية هتبقي زي قيمة تسعة جنية و في الوقت نفسه البنك اداني ربح 7 في المية يعني اداني سبعين قرش يبقي تسعة جنية زائد سبعين قرش هتبقي تسعة جنية و سبعين قرش اللي هي اقل من العشرة جنية بتاعتي اللي انا حطتها في البنك. يبقي انا كده كسبت و لا خسرت

ثانيا انا اول كلمة قلتها انا لا مع البنوك و لا ضدها و لا انصح اي حد ان يحط فلوسه في البنوك من الاساس لانه في كل الاحوال خسران .

انا كل اعتراضي علي الناس اللي دايما تدي وجهة نظرها علي انها هي اللي صح و الناس التانية غلط و اي حد يسألهم النصيحة علطول يدوا لنفسهم حق التحليل و التحريم بدون الاطلاع علي اسباب التحليل و التحريم

**dongol123** · 25-12-2014 09:23 AM

مكرر

**hosar** · 25-12-2014 09:38 AM

بارك الله فيكم جميعا
أثؤيتم المنتدى بالرأى و الرأى الآخر

**sherifahmed** · 25-12-2014 11:16 AM

المشاركة الأصلية كتبت بواسطة هيثم مجدي

هو حضرتك بتختلف مع علماء المسلمين كلهم مش معايا :)
دا مش رأيي, دا رأي العلماء. أن علّة التحريم - غير جنس الذهب و الفضة لذاتهم - هو مطلق الثمنية.ومعناه أن الذهب والفضة أداة تثمين مطلقة مقبولة. زي النقود حاليأ ومفيش أي فارق بينهم عقلا.

باقي المقارنة مش فاهمها اعذرني ممكن توضحها
وياريت برضه حضرتك تتاكد انك متفق معايا في علّة التحريم, ولو مختلف لازم يكون عندك سند للخلاف دا.

يا فندم ايوه اداه تثمين مقبولة و ليست مطلقة
ليه؟ عشان قيمة العملة نفسها متغيرة
بس فى حالة الدهب و الفضة الاداه هنا مقبولة و مطلقة فى مختلف الاوقات و الاماكن
الدهب هو المعيار اللى بتقيس عليه فى النهايه
هو المتر اللى اللى انت بتقيس بيه
هو الميزان اللى انت بتوزن بيه مش العملة لان العملة متغيرة لحظيا و من هنا جاء اسمها بنك نوت
bank note
اى اشعار من البنك و ليست قيمة فى حد ذاتها
مش يقولك مثلا ال100 جنيه متساواش؟ متساوش ايه؟
متساوش قيمة
يقدر حد يقول ال100 جنيه دهب متساواش ؟ لا طبعا لان هيا المطلق
لما نيجى فى علم الرياضيات و نقول
y=2x
دى تفسيرها ان y تساوى 2 مقدار x
هنا y و x متغيرين بس 2 هيا الثابت
2 فى حالتنا هيا الدهب constant ثابت فى اى معادلة
و اى حاجة تانيه متغيرة
و من هنا جيه الربا
مينفعش اديك 100 جنيه دهب و اخدهم منك 120 جنيه دهب
بس ينفع فى الفلوس عشان مقابلها الذهبى تغير بعد العاملة على طول

**M.Radwan** · 25-12-2014 11:21 AM

المشاركة الأصلية كتبت بواسطة sherifahmed

يا فندم ايوه اداه تثمين مقبولة و ليست مطلقة
ليه؟ عشان قيمة العملة نفسها متغيرة
بس فى حالة الدهب و الفضة الاداه هنا مقبولة و مطلقة فى مختلف الاوقات و الاماكن
الدهب هو المعيار اللى بتقيس عليه فى النهايه
هو المتر اللى اللى انت بتقيس بيه
هو الميزان اللى انت بتوزن بيه مش العملة لان العملة متغيرة لحظيا و من هنا جاء اسمها بنك نوت
bank note
اى اشعار من البنك و ليست قيمة فى حد ذاتها
مش يقولك مثلا ال100 جنيه متساواش؟ متساوش ايه؟
متساوش قيمة
يقدر حد يقول ال100 جنيه دهب متساواش ؟ لا طبعا لان هيا المطلق
لما نيجى فى علم الرياضيات و نقول
y=2x
دى تفسيرها ان y تساوى 2 مقدار x
هنا y و x متغيرين بس 2 هيا الثابت
2 فى حالتنا هيا الدهب constant ثابت فى اى معادلة
و اى حاجة تانيه متغيرة
و من هنا جيه الربا
مينفعش اديك 100 جنيه دهب و اخدهم منك 120 جنيه دهب
بس ينفع فى الفلوس عشان مقابلها الذهبى تغير بعد العاملة على طول

تمام يعني كده مبقاش في ربا تاني خلاص..الحكم ده اتلغى لأننا بقينا نتعامل بنك نوت؟ صح كده؟
يعني كده نقرض بعض بالفائدة عادي؟ أيدك 100 جنيه وأخدهم منك بعد شهر 120؟

**sherifahmed** · 25-12-2014 11:40 AM

المشاركة الأصلية كتبت بواسطة M.Radwan

تمام يعني كده مبقاش في ربا تاني خلاص..الحكم ده اتلغى لأننا بقينا نتعامل بنك نوت؟ صح كده؟
يعني كده نقرض بعض بالفائدة عادي؟ أيدك 100 جنيه وأخدهم منك بعد شهر 120؟

الله اعلم اذا كنت بتتقريق و لا بس ربنا يهدى الجميع
المهم ايوه يا فندم الاقراض بالفائدة و مش معنا كلمة فائدة انها زيادة
لا دا معامل ضرب بالموجب او بالسالب
فلان راح حط 10 جنيه مصرى فى البنك على فائدة 6 %
بعد سنه مفروض يبقوا 10 * 0.6 +10 يعنى 16
انت كدا كسبت و فرحان
لا طبعا معدل التضخم (اللى هو زيادة الاسعار مقابل سلة طعام) فى مصر حوالى 9 %
Egypt Inflation Rate | 1958-2014 | Data | Chart | Calendar | Forecast

يعنى 10 * 0.9 +10 تساوى 19
16 اللى انت كسبتهم - 19 اللى انت صرفتهم تساوى سالب 3
-3
سالب سيادتك و قيس كدا على المليارات المتبادلة فى النظام البنكى العالمى عقبال ما قريت البوست دا
نيجى بأه للدهب
انت معاك 10 جنيه دهب دلوقتى و جينا فتحنا الموضوع دا بعد سنه ال10 جنيه دهب دول زاده؟ نقصه؟ كدهب مش قيمة ؟ لا طبعا
سيادتك و واحد صاحبك فى معاملة ماليه مينطبقش الكلام دا عليكو لان غالبا التعامل فى قيم متدنيه و لمدة صغيرة فمقدار فقد او اكتساب قيمة المبلغ لا يذكر اصلا

**M.Radwan** · 25-12-2014 12:27 PM

المشاركة الأصلية كتبت بواسطة sherifahmed

الله اعلم اذا كنت بتتقريق و لا بس ربنا يهدى الجميع
المهم ايوه يا فندم الاقراض بالفائدة و مش معنا كلمة فائدة انها زيادة
لا دا معامل ضرب بالموجب او بالسالب
فلان راح حط 10 جنيه مصرى فى البنك على فائدة 6 %
بعد سنه مفروض يبقوا 10 * 0.6 +10 يعنى 16
انت كدا كسبت و فرحان
لا طبعا معدل التضخم (اللى هو زيادة الاسعار مقابل سلة طعام) فى مصر حوالى 9 %
egypt inflation rate | 1958-2014 | data | chart | calendar | forecast

يعنى 10 * 0.9 +10 تساوى 19
16 اللى انت كسبتهم - 19 اللى انت صرفتهم تساوى سالب 3
-3
سالب سيادتك و قيس كدا على المليارات المتبادلة فى النظام البنكى العالمى عقبال ما قريت البوست دا
نيجى بأه للدهب
انت معاك 10 جنيه دهب دلوقتى و جينا فتحنا الموضوع دا بعد سنه ال10 جنيه دهب دول زاده؟ نقصه؟ كدهب مش قيمة ؟ لا طبعا
سيادتك و واحد صاحبك فى معاملة ماليه مينطبقش الكلام دا عليكم لان غالبا التعامل فى قيم متدنيه و لمدة صغيرة فمقدار فقد او اكتساب قيمة المبلغ لا يذكر اصلا

يا فندم أنا مش بتريق على أي حد، أنا بسألك عشان أتأكد من اللى أنا فهمته.
السؤال بقى، ايه علاقة الكلام اللى انت قولته ده بالربا؟ ولا حاجة
احنا ايه اللى دخلنا في حوار التضخم؟ هل الربا كان حرام عشان مكنش في تضخم؟
طبعا لأ..التضخم حاجة والربا حاجة تانية..التضخم بيكون في البيع والشراء وتفاوت السعر نتيجة العرض والطلب..والربا أخذ فائدة على الأموال نفسها دون مقابل..التضخم مباح في الإسلام والربا حرام..مفهوم التضخم كان موجود أيام الرسول صلى الله عليه وسلم عشان بس متفكرش انه حاجة جديدة..بل بالعكس الإسلام أصلا وضع التشريعات الاقتصادية زي الزكاة وتحريم الربا والاحتكار إلخ للسيطرة على ظاهرة التضخم (زيادة السعر نتيجة تفاوت الطلب على السلع).

**هيثم مجدي** · 25-12-2014 12:52 PM

المشاركة الأصلية كتبت بواسطة dongol123

بص حضرتك انا مش شيخ و لكن انا هقول لحضرتك علي اللي فاهمة

العلة في التحريم مش ان الذهب حافظ لقيمته العلة انه اثناء السلف بيحصل زيادة علي اصل المبلغ. يعني ان لو سلفت شخص جرام ذهب و اخذته جرامين بعد سنة فانا هكون اخدت الجرام بتاعي اللي هو في الاساس ما خسرش حاجة بل قيمتة فضلت زي ما هي بالاضافة اني اخدت جرام تاني زياده و هو ده الربا. يعني انا اخدت الدهب بتاعي اللي سلفته للشخص زائد جرام زيادة

الفلوس الورق بتاعتنا بقي عكس كده انا حطيت في البنك عشرة جنية و التضخم مثلا عشرة في المية يعني بعد سنة قيمة العشرة جنية هتبقي زي قيمة تسعة جنية و في الوقت نفسه البنك اداني ربح 7 في المية يعني اداني سبعين قرش يبقي تسعة جنية زائد سبعين قرش هتبقي تسعة جنية و سبعين قرش اللي هي اقل من العشرة جنية بتاعتي اللي انا حطتها في البنك. يبقي انا كده كسبت و لا خسرت

ثانيا انا اول كلمة قلتها انا لا مع البنوك و لا ضدها و لا انصح اي حد ان يحط فلوسه في البنوك من الاساس لانه في كل الاحوال خسران .

انا كل اعتراضي علي الناس اللي دايما تدي وجهة نظرها علي انها هي اللي صح و الناس التانية غلط و اي حد يسألهم النصيحة علطول يدوا لنفسهم حق التحليل و التحريم بدون الاطلاع علي اسباب التحليل و التحريم

دي العلّة "الظاهرة", ان المشكلة في جنس الذهب والفضة. و دا تفسير ظاهر للحديث. لكن العلّة مش فقط في جنس الذهب والفضة.

معلش استحملني هسألك سؤال آخر ربما يوضح شئ , الملح بالملح. ايه المشكلة في التفاضل في الملح مثلا ؟ هل الملح برضه قيمته مش متغيره ؟ طيب القمح و البلح ؟ هل القيمة بتاعتهم ثابته مش متغيرة ؟ ليه الرسول صلى الله عليه وسلم ضرب الأمثلة الإضافية دي ؟

دا الحديث من صحيح مسلم : قال رسول الله صلى الله عليه وسلم الذهب بالذهب والفضة بالفضة والبر بالبر والشعير بالشعير والتمر بالتمر والملح بالملح مثلا بمثل يدا بيد فمن زاد أو استزاد فقد أربى الآخذ والمعطي فيه سواء.

**أبو آسر** · 25-12-2014 10:42 PM

المشاركة الأصلية كتبت بواسطة dongol123

بص حضرتك انا مش شيخ و لكن انا هقول لحضرتك علي اللي فاهمة

العلة في التحريم مش ان الذهب حافظ لقيمته العلة انه اثناء السلف بيحصل زيادة علي اصل المبلغ. يعني ان لو سلفت شخص جرام ذهب و اخذته جرامين بعد سنة فانا هكون اخدت الجرام بتاعي اللي هو في الاساس ما خسرش حاجة بل قيمتة فضلت زي ما هي بالاضافة اني اخدت جرام تاني زياده و هو ده الربا. يعني انا اخدت الدهب بتاعي اللي سلفته للشخص زائد جرام زيادة

الفلوس الورق بتاعتنا بقي عكس كده انا حطيت في البنك عشرة جنية و التضخم مثلا عشرة في المية يعني بعد سنة قيمة العشرة جنية هتبقي زي قيمة تسعة جنية و في الوقت نفسه البنك اداني ربح 7 في المية يعني اداني سبعين قرش يبقي تسعة جنية زائد سبعين قرش هتبقي تسعة جنية و سبعين قرش اللي هي اقل من العشرة جنية بتاعتي اللي انا حطتها في البنك. يبقي انا كده كسبت و لا خسرت

ثانيا انا اول كلمة قلتها انا لا مع البنوك و لا ضدها و لا انصح اي حد ان يحط فلوسه في البنوك من الاساس لانه في كل الاحوال خسران .

انا كل اعتراضي علي الناس اللي دايما تدي وجهة نظرها علي انها هي اللي صح و الناس التانية غلط و اي حد يسألهم النصيحة علطول يدوا لنفسهم حق التحليل و التحريم بدون الاطلاع علي اسباب التحليل و التحريم

أنا آسف على اللي هقوله بس كلام حضرتك ده كله اسمه "سفسطة" وليس له أي علاقة بالعلم الشرعي لا من قريب ولا من بعيد ولا يوجد أي تفصيل في كتب أهل العلم من زمن الرسول صلى الله عليه وسلم حتى وقت قريب جدا عن اللي حضرتك بتقوله ده بغض النظر عن وجود بنوك من عدمه لأن التضخم وقيمة النقوم الشرائية وكل هذه الأمور كانت موجودة منذ مئات السنين قبل ظهور البنوك بوضعها الحالي
وطالما حضرتك بتحسبها كده يبقى سيرا على خطى حضرتك هسألك شوية أسئلة
1. افترضنا معدل التضخم 10% زي ما حضرتك قلت وحطيت في البنك عشرة جنيه يعني بعد سنة هيبقى قيمة الفلوس الحقيقية 9 جنيه زي ما حضرتك قلت ، طيب ايه الحكم في حالة ان البنك فجأة قال يا جماعة أنا هدي فوايد 30% مش 10% مما يعني أن ال10 جنيه قيمتها أصبحت 11 جنيه مثلا كده يبقى ربا عند حضرتك ؟ لو قلت أيوة ربا يبقى انت كده بتحكم بالربا بناء على معدل التضخم اللي ملوش قواعد دقيقة تحدده بالضبط وبالتالي فالشريعة لا تبني أحكامها الشرعية على الأوهام والافتراضات.
2. مين ضمن لحضرتك انك لو حطيت 10 جنيه النهاردة في البنك وانت موافق على 10% فايدة مقدما ان معدل التضخم هيفضل في ازدياد مش هينزل مثلا وميبقاش في تضخم خلال السنة القادمة ، مش ممكن السنة دي مثلا ميبقاش فيها تضخم وبالتالي ال10 جنيه هتبقى 11 جنيه السنة القادمة وانت وافقت مقدما على الوضع ده يبقى بالتالي وافقت مقدما على التعامل بالربا ؟! ولا لما العام ينقضي وتعرف ان مفيش تضخم والفلوس قيمتها زادت وجيت تسحب فلوسك من البنك فالبنك يقولك خد 11 جنيه أهم بنفس قيمتهم من سنة فاتت تقوم تقولهم لا مقبلش على نفسي الحرام ؟! مين بيعمل كده ومين أصلا بيفهم في التضخم والاقتصاد وقيمة الفلوس الشرائية وكل الكلام ده ؟؟ ولو حضرتك فاهم وهتحسبها كده يبقى ليه نفتي للناس اللي مش فاهمة بحاجة وارد تكون حرام وكبيرة من الكبائر ومبنية أصلا على افتراضات وحسابات اقتصادية أكتر من 99% من الناس متعرفهاش ؟!
3. افترضنا واحد وضع فلوسه في البنك وبعد 3 شهور حب يسحبهم مع الأرباح هل معدل التضخم في ال3 شهور وقيمة النقود الشرائية هتبقى أقل من المبلغ الزيادة اللي أخدها في ال3 شهور دول بس ؟!
4. طالما كده كده في تضخم بيقلل من قيمة الفلوس وبالتالي أرباح البنوك في حقيقة الأمر خسارة مش زيادة فليه الناس بتحط فلوسها في حاجة خسرانة مش كسبانة وموافقة على كده وراضية ومبسوطة كمان ؟!