الموضوع: مشكلة ترشيح زيت من تحت المحرك بعد مشكلة رائحة الشياط

ياناااااااااااااس
حد يفيدنى أرجوكم

إمبارح حطيت كرتونة تحت العربية علشان أتأكد فيه ترشيح وألا إيه
لقيت الصبح بقعتين زيت كدة على الكرتونة دى

بجد أنا هتشل - عايز أعرف ايه الحل ؟؟؟

أروح للتوكيل وأستحمل الإشتغالات وألا أشوف مركز صيانة أحسن برة وأتوكل على الله ؟؟؟؟؟

رحت النهاردة لمركز الزرانى فى سيدى بشر والفنى قاللى
جوان وش السلندر عايز يتغير ... هاتلى العربية من أول النهار
لمدة يوم ....
المهم رحت لورشة تانية قاللى لأ احنا هنربط بس على الجوان
علشان مايسربش لأنه لو الجوان لو فيه مشكلة كان غرق الدنيا زيت
.... والطبة عايزة تتربط شوية .....
بصراحة مابقتش عارف فين الصح من الغلط

بص يا باشا العربية دى عايزة تروح لواحد يكون فاضى كده و يفك كل حاجه حوالين الموتور و يغسله بجاز بالراحة كده ويشوف الزيت ده جاى منين بالظبط ونصيحة بلاش التوكيل علشان دول عالم مش فاضية للكلام ده

صعب جدا تلاقى واحد فاضى ... وبصراحة المشكلة انى مابقدرش استغنى عن العربية لمدة طويلة
وأنا فعلا رحت للزرانى وقاللى جوان وش السلندر عايز يتغير لكن رحت لواحد تانى
وقاللى لأ ده يتربط عليه بس

[QUOTE] هتسمع كلامى المرة دى ولا زى المرة اللى فاتت قولتلك جوان التاكيهات قولتلى مبيرشحش :)))/QUOTE]

هههههههههههه ليه كدة بس يا عزيزى ... أنا تحت أمرك ههههه

انت هتغير جوان التاكيهات عادى بلأصلى من عند اطلس فى صلاح الدين ب 80 جنيه بس بعد ما تتاكد ب عينيك من الداير بتاع الجوان انه هو فعلا اللى بينزل الزيت

الحقيقة أنا خلليت واحد شغال معايا من قسم صيانة المعدات الأرضية
وقاللى حاجة ... انه لو جوان وش السلندر هو اللى بايظ أو بيرشح
هيبقى العربية هتسخن والمياه هتقل ....
وربطلى على الطبة بتاعة الزيت وربط المسامير اللى ورى الصاجة بتاعة الفرن
بعد مافكها وربط على المسامير اللى حوالين المكنة .. ومسح اثار الزيت
وللأمانة الدنيا اتظبطت شوية ... لكن لقيت النهاردة آثار زيت على العامود اللى شايل
المحرك من تحت ... ومش عارف ده تعريق والا ايه ؟؟
وخايف جدا أعمل زى ماالزرانى قاللى وأغير جوان وش السلندر وأفك الدنيا على الفاضى

لو الزيت من تحت المكنه بس و مش ماشى على المكنه من فوق ل تحت يبقى ده الأويل سيل اللى بين الموتور و الجيربوكس

طيب لاقدر الله لو ال oil seal هيبقى وقت تغييره أد ايه ؟؟؟
وايه اللى لازم أعمله ؟؟؟