الموضوع: أسباب إرتفاع حرارة المحرك وسخونة السيارة

تتعدد اسباب ارتفاع حرارة المحرك وسخونة السيارة ومن اهم تلك الاسباب اصابة احد او بعض القطع الاتية :





1 - وش السلندر :



لما وش السلندر بيتكسر او بيحصل فيه شرخ بيدخل زيت العربيه علي البنزين و بيعملوا لون طحيني في مقياس الزيت ( الحل : تخرط وش السليندر او تجيب وش سليندر جديد )







2 - جوان وش السلندر :



غالبا لما وش السلندر بيحصل فيه مشكله الجوان بيسيح او بيحصل فيه شروخ و برضه بيبقي مقياس الزيت لونه طحيني للاسباب السابق ذكرها ( الحل : تخرط الجوان او تجيب جوان جديد )







3 - الريدياتير :



الريدياتير هو اساس عمليه تبريد المحرك و طبعا مع الحوادث الريدياتير بيتخرم فميه التبريد بتتسرب و بتسبب سخونه في المحرك نتيجه التسريب ( الحل : تغير الردياتير بأكمله او تلحمه لكنه حل مؤقت )







4 - غطاء الريدياتير :



الغطا ده لما بيتكسر بيسبب خلل في عمليه التبريد فتزداد حراره المحرك نتيجه كسر الغطا ( الحل : تجيب واحد جديد و غالي و يفضل يكون اصلي )







5 - طلمبه الميه :



لما بيحصل خشونه في طلمبه الميه بيحصل خلل في عمليه التبريد نتيجه الخشونه اللي حصلت ( الحل : تغير طلمبه الميه )







6 - المروحه :



لما رفرف من المروحه يتكسر او المروحه تتعطل بأكملها بتزداد درجه حراره ميه التبريد فيزيد درجه حراره المحرك نتيجه لذلك ( الحل : تغيير المروحه )







7 - قربة المياه :



عند حدوث الحوادث القربه بتتخرم و بتسرب ميه التبريد فبيحصل سخونه في درجه حراره المحرك نتيجه للتسريب ( الحل : تغيير القربه او لحامها و لكنه حل مؤقت )







8 -انابيب مياه التبريد :



في بعض الاحيان الانابيب دي بتتسد فبيحصل خلل في عمليه التبريد فبتزيد حراره المحرك نتيجه لانسداد تلك الانابيب ( الحل : تنظيف الانابيب )







طبعا نصيحتي استخدام ميه خضرا

والله يافندم الموضوع منقول للإفادة مش أكتر

أما بخصوص حكاية دخول الزيت على البنزين فدى حصلت لواحد صاحبى وكانت هتعمل له كارثة وعربيته وقفت منه
وجبنا الميكانيكى وقال كدة - ماكانتش مياه على الزيت لأ قال زيت على بنزين

والله أعلم
أنا ماأعرفش