مشكلة فى تويوتا كورولا مسطرة موديل 93

يا جماعة ارجو الافادة انا اشتريت السيارة تويوتا مسطرة موديل 93 بجنوط 13 و مقاس الكاوتش 175 / 70 / 13 و غيرتهم واشتريت 4 جنط سبور مقاس 14 و مقاس الكاوتش 185 / 60/ 14
العربية كانت كويسة فى الاول مفيش اسبوع بعد كدة و ابتديت احس بالم فى ظهرى كل ما اركب العربية لدرجة انى بقيت اكرة اركبها وديتها لبتاع العفشة غيرلى 2 مساعد امامى استيراد و لكن لم يحدث جديد و اشعر ايضا بالم فى ظهرى و اشعر كان اى مطب صغير او نقرة كانها بتضرب فى ظهرى فكرت اغير الكرسى و لكن بعد الفحص و جدت الكرسى عادى جدا مثل اى كرسى فى هذة الفئة ارجو الافادة من اهل الخبرة جزاكم الله خيرا لانى اركن العربية ولا امشى بيها خوفا من ان تحدث مشكلة فى ظهرى افيدونى افادكم الله و شكرا لكم جميعا

حط مخدة ع الكرسي

الكاوتش اللى انت حطيته البروفايل بتاعه 60 وده واطى شويتين
انا مركب عندى فى الكورولا عيون 65/185 14 والدنيا كويسة الحمد لله
اتاكد ان المساعدين والسست كويسين الاول ولو مش كده يبقى الكاوتش
بس هو الكرسى اصلا مش مريح اوى هو محتاج قعدة معينة علشان يبقى مريح

شكرا لكل من شارك بالراى هوة فعلا الكرسى مش مريح بس انا بحاول اعرف من اهل الخبرة و من ملاك التويوتا المسطرة بيقدروا يتعاملوا ازاى مع قعدة الكرسى و هل فية حل ان العربية تبقى ناعمة و مريحة زى باقى الموديلات ولا لا

اقتباس:

---

المشاركة الأصلية كتبت بواسطة ahmed12123

شكرا لكل من شارك بالراى هوة فعلا الكرسى مش مريح بس انا بحاول اعرف من اهل الخبرة و من ملاك التويوتا المسطرة بيقدروا يتعاملوا ازاى مع قعدة الكرسى و هل فية حل ان العربية تبقى ناعمة و مريحة زى باقى الموديلات ولا لا

---

هل الكرسي عليه فرش؟؟

الكرسى بالفرش الاصلى بتاع شركتة و مفيش علية فرش جلد ولا اى فرش تانى

اقتباس:

---

المشاركة الأصلية كتبت بواسطة ahmed12123

الكرسى بالفرش الاصلى بتاع شركتة و مفيش علية فرش جلد ولا اى فرش تانى

---

غريبه الصراحه..
بص هو اكيد في مشكله في عربية حضرتك لان كرسي العربيه دي بالنسبالي مريح جدا.ومعتقدش ان هو السبب في الآم ضهرك اكشف عل العفشه كويس وشوف وابقه بص برضه عل المساعدين اللي ورا...
ويارب تتحل مشكلتك...

شكرا لكم جميعا جارى الكشف على العفشة و محاولة حل المشكلة

تم تغيير المساعدين والحمد لله 50 % من المشكلة تم حلها ولكن ما زلت اشعر ان السيارة ناشفة و قاسية بالمطبات خصوصا المطبات الصغيرة و النقر التى بالشوارع هل ممكن ان يكون هذا من جلب المقصات مع العلم ان الاربع مساعدين يعملون بكفأة هل جلب القصات تحتاج تغيير لتجعل السيارة مرنة و مريحة فى المطبات الصغيرة وهل اشتريها جديدة ام استيررد انا جلب المقصات الجديدة امامى صناعة تايلاندى فلا يوجد يابانى منها فهل الصناعة التايلاندى جيدة فى جلب المقصات ارجو من حضراتكم الافادة و شكرا لكم جميعا

الحمد لله تم حل المشكلة بعد معاناة ارجو التركيز معى لان المشكلة كانت من اكتر من زاوية اول شئ هو اننى غيرت الجنط الحديد الى جنط اسبور و دى كانت اول غلطة علشان بوظت المساعدين و بم ان الرجوع الى الحق فضيلة فقمت بوضع الجنط الحديد الاصلى مرة اخرى و الرجوع الى نفس مقاس الشركة و هو 13 تانى شئ ان الكرسى اليمين بتاع السواق به مشكلة غريبة اول مرة اسمع بها هذا الكرسى اذا اكلت بالسيارة مطب او نقرة او اى شئ فى الطق الجميلة بتاعتنا كان الكرسى طرى جدا و ياخذنى الى الاسفل مسافة كبيرة و بسرعة مما يؤدى الى احتكاك سريع بين ظهرى و المسند الخلفى مما يؤدى الى الام مبرحة بالظهر وقال لى السروجى حلا لهذة المشكلة انة سوف يقوم بوضع قطعة كرتون مع دواسة جلد محملة بين السوست التحتية للكرسى وبين الاسفنج وهذا يؤدى الى وضع الحمل كامل على الثلاث سوست السفلية مما يؤدى الى عدم الهبوط المفاجى لوزنى من اعلى الى اسفل و الله لولا توفيق الله ما كنت انتبهت الى هذة المشكلة وكان عندى استعداد ابيع السيارة و خسر فيها اى تمن بس الحمد لله الذى استجاب لدعوتى عندما دعوتة ان يحل لى هذة المشكلة و شكرا لكل من اهتم و حاول ان يفيدنى بمعلومة