أريد نصيحتكم بخصوص شراء سيارة ؟ متردد بين عدة خيارات

**مُصْطٓفٓى** · 20-12-2014 06:36 AM

السلام عليكم ورحمة الله وبركاته
عضو جديد في المنتدى وأتمنى أن يكون وجودي بينكم ذو قيمة لكم

حاليا أبحث عن سيارة إن شاء الله ولكنني متردد بين عدة خيارات
حيث لا أحتاج أكثر من مجرد وسيلة مواصلات
نظرا لقرب مقر العمل من المنزل وسهولة المواصلات في الوقت الذي لا أحب فيه قيادة السيارة مهما كانت
لكنني أحتاجها في بعض المشاوير غير المنتظمة مثل زيارة الأهل والذهاب للتسوق وبعض المشاوير القصيرة التي لا تتعدى 30 كيلو ذهابا فقط وأحيانا السفر بها مسافة 120 كيلو

متردد بين شراء سيارة زيرو تؤدي الغرض مثل الماروتي أو الألتو
وميزة هذا الخيار هو في استهلاك البنزين والصيانة المنتظمة للسيارة بإذن الله والميزة الأهم أن السيارة زيرو

أو شراء سيارة مستعملة بسعر يقترب من سعر سيارة ألتو زيرو مثل جولف 4
ولن أخفيكم صعوبة البحث عن سيارة جولف 4 مستعملة بحالة جيدة وموتور 1600
بالإضافة لكون المستعمل سوف يحتاج لمصاريف بعد الشراء وصيانتها غير المنتظمة
والتي من الطبيعي أن تظهر بها مشاكل بين الحين والآخر واحتياجها لتغيير قطع غيار بشكل غير منتظم لمدة عام على الأقل

بالتأكيد الفرق بين الألتو والماروتي وبين الفولكس جولف 4 كبير للغاية لكنني لا أعيب في سيارات سوزوكي
نسيت أضيف أنني أريد سيارة هاتشباك وليس سيدان
على فكرة أنا ركبت لادا واوبل وسكودا قبل كده
وعارف ان الانتقال للعربيات الصغرية وخاصة عربية زي الالتو او الماروتي شئ صعب جدا

شكرا لكم

**أبو آسر** · 20-12-2014 06:51 AM

وعليكم السلام ورحمة الله وبركاته
أولا أهلا وسهلا ومرحبا بك عضو جديد معنا :)
ثانيا ومن الآخر اوعى تشتري مستعمل ، خليك في الزيرو مهما كان نوعها أو بالكتير كسر زيرو يعني ممشيتش 10 - 15 ألف كيلو وبرده تكشف عليها في مكان محترم وموثوق
ميزانيتك هي اللي هتحدد النوع بالضبط لكن لو تقدر تزود شوية وتشوف حاجة عالية شوية عن الماروتي أو الألتو هيبقى أفضل علشان تقدر تسعفك في المشاوير البعيدة شوية وتقدر تستحمل الشيل والشنط والأفراد لو حبيت تسافر لقضاء أجازة وما شابه
وبالتوفيق

**أبو آسر** · 20-12-2014 01:23 PM

المشاركة الأصلية كتبت بواسطة مُصْطٓفٓى

أهلا وسهلا بأكثر شخصية اجتماعية في القسم

شكرا لرد حضرتك السريع على موضوعي
المشكلة ان الخيارات الاعلى من الالتو ستكون معظمها سيارات صيني او رينو اللي قطع غيارها في التوكيل اسعارها غالية جدا

العفو أستاذ مصطفى :)
أنا معايا رينو لوجان على فكرة وفطع غيارها رخيصة مش غالية سواء جوة التوكيل (مقارنة بأسعار قطع غيار باقي العربيات جوة التوكيل) أو برة التوكيل متوفرة ورخيصة
الإشاعات بتاعة قطع غيارها غالية دي انقرضت خلاص :)
لو هتقدر تجيب لوجان توكل على الله أنصحك بيها فعلا عربية محترمة أثبتت وجودها

**windofchange** · 20-12-2014 04:43 PM

جولف 4 نزل فيها موتور 1400 علي فكرة في مصر..ده لو بتبحث عن استهلاك البنزين الممتاز انا شايفها حلوة وركوبة الصراحة

**أبو آسر** · 20-12-2014 05:41 PM

المشاركة الأصلية كتبت بواسطة مُصْطٓفٓى

شكرا لرد حضرتك
لكن بصراحة لو فكرت في الرينو مش حفكر غير في السانديرو فقط بإذن الله لأني مبحبش غير الهاتش باك
ايه رأي حضرتك فيها ؟ وهل هي أفضل لو موديل بعد 2010 ولا الجولف 4 حالة نظيفة بإذن الله

السانديرو جميلة طبعا وهي أخت اللوجان الهاتشباك بس أغلى من السيدان فلو إمكانيات حضرتك تسمح بيها هاتها طبعا بدون تردد
الجولف لا غبار عليها طبعا لكن نصيحة شخصية متشتريش مستعمل حتى لو كانت مرسيدس أو بي إم دبليو لأنك متعرفش اللي ركبوها قبلك عملوا فيها ايه واللعب في المستعمل دلوقتي بقى بيعدي على أجدع سمكري وميكانيكي

**مُصْطٓفٓى** · 21-12-2014 04:48 AM

المشاركة الأصلية كتبت بواسطة أبو آسر

السانديرو جميلة طبعا وهي أخت اللوجان الهاتشباك بس أغلى من السيدان فلو إمكانيات حضرتك تسمح بيها هاتها طبعا بدون تردد
الجولف لا غبار عليها طبعا لكن نصيحة شخصية متشتريش مستعمل حتى لو كانت مرسيدس أو بي إم دبليو لأنك متعرفش اللي ركبوها قبلك عملوا فيها ايه واللعب في المستعمل دلوقتي بقى بيعدي على أجدع سمكري وميكانيكي

شكرا لرد حضرتك
كلام حضرتك مظبوط جدا بخصوص السيارات المستعملة
لكني لو فكرت في السانديرو فخيار الزيرو غير وارد ؟ وقد ذكرت ذلك في ردي السابق
طبعا موديلات 1999 - 2004 مقلقة أكثر من موديلات ما فوق 2010 في السانديرو

**Mohamed_Hamid** · 21-12-2014 08:39 AM

اسمع كلام أخونا أبو آسر واسألنى انا مجرب قصة المستعمل دى فى اول عربية اجيبها والحمد لله. متشتريش مستعمل ولو حكمت الظروف يبقى من مصدر ثقة لا غبار عليه زى صديق لك او قريب او زميل بحيث انه مش هيغشك. غير كدة مستعمل لأ.

الله يوفقك وربنا يرزقنا خير السيارات ويكفينا شرها.

الموضوع: أريد نصيحتكم بخصوص شراء سيارة ؟ متردد بين عدة خيارات

LinkBack

أدوات الموضوع

عرض

-

-

-

-

-

المواضيع المتشابهه

محتاج نصيحتكم في شراء سيارة

أريد رأيك فى شراء سيارة

اطلب نصيحتكم فى شراء سيارة

أريد شراء سيارة دوجان

أريد أن أشتري سيارة ماتريكس 2008 أو نصيحتكم

الكلمات الدلالية لهذا الموضوع

المفضلات

المفضلات

ضوابط المشاركة