تقرير زيارة عن التوكيل عن صيانة 60 ألف و حكاية عمود الميزان
أولا أنا أسف على التأخير و لكن لظروف خارجة عن إرادتى
بأعتذر للمرة الثانية
نبدأ
تمت الزيارة يوم الأحد 14/12/2014
العربية عاملة 12500 كيلو فقط لا غير
المكان فرع العبور
الوصول الساعة 8 و 45 دقيقة
المغادرة الساعة 3و 40 دقيقة كتير قوى الوقت ده
ما تم تغييره
سير الكاتينة بالبلية 720 جنيه
زيت فرامل دوت 4 16 جنيه
سير alternator جنيه 220
مية ريدياتير 84 جنيه
زيت موتور 273 جنيه
فلتر هواء 101 جنيه
بوجيها 42 جنيه * 4 168 جنيه
علبة أسبراى تنظيف 15 جنيه لتنظيف البواية
المضحك أن مهندس الأستقبال طلع يقوللى العربية محتاجة طقم كاوتش أربع فرد قلت له أنا لسه مغيرهم عند على صبرة يوكوهاما مش باروم قاللى المهندس جوه بيقول غير كده المهم العربية طلعت قلت له ورينى تاريخ تصنيع الكاوتش لقاه الأسبوع ال 16 2014 لف حوالين الأربع فرد لقاهم كلهم كده قالى يبقى هو ما خدش باله قلت له ما خدش باله و ألا ما شافش أصلا الكاوتش قاللى أدامك 4000 كيلو وتغير تيل الفرامل قلت ماشى
بصراحة أنا كنت تعبت جدا من القعدة 7 ساعات قلت أنا عايز أخرج من هنا بأى طريقة
على فكرة هما بيفحصوا العربية كويس جدا بغض النظر عن موضوع الكاوتش علشان هما بيتلككوا أنهم يطلعوا العربية بره الضمان
و على فكرة انا الت على موضوع الضمان الممتد ما حدش جاوبنى بصراحة حسيت أنه موجود فعلا بس هما عايزين الناس تبعد عنهم فى موضوع الضمان الممتد
(الضمان الممتد لو العربية تمام و ماعديتش ال 100 ألف كيلو و صيانتها بتتعمل فى التوكيل بيبقى فى سنتين زيادة على الضمان من 3 سنوات ألى 5 سنوات بشرط أن الصيانة القادمة تتعمل فى التوكيل برضه )
المهم
سألت على عمود الميزان و دخلت المخزن ولد ممتاز قاعد فى المخزن فى فرع العبور الشخص المناسب فى المكان المنسب و لقيت الأتى
عامود الميزان 1123
كاوتشة 100* 2
مسمار ميزان 124*2
أفيز 92*2
بخلاف 10% صريبة مبيعات و لسه مصنعية تركيبه بخلاف 10% على المصنعية
و هو موجود فى أبو رواش فقط لا غير ولو عايز تركبه عندهم فى العبور بتتطلبه و بتدفع عربون و لما تيجى تركب بتدفع باقى الفلوس المشكلة ان أنا و أنا باسأل على تركيبه لقيت واحد من مهدنسى الأستقبال بيقوللى أنت عايز تركبه ليه طيب ماهو راكب عندك قلت له راكب عندى ازاى أنا مو 2012 فول أوبش مانيوال لقيته بيقوللى العربيات اللى فيها أير باج من أول 2010 و هى راكب فيها عمود الميزان ده المهم مار ضيتش أطول معاه قوى فى الكلام و خرجت و أنا بأسأل السؤال المعتاد البلد دى عمرها ما حتتقدم طول ما أحنا بنحط الأشخاص غير المناسبة فى الأما كن غير المناسبة بمناسبة و بدون مناسبة
