عايز اقسط كارينز

**elenawy** · 20-12-2014 12:18 PM

يا جماعه عايز اقسط كارينز اوتوماتيك اول فئه سعرها كاش 180,000
هل حد قسط اى عربيه
و كمان ناس قالت على بنك ناصر انى باستلم العربيه و بدفع مقدم و تشوف مرتبك كام و يسحب من مرتبك اوتوماتيك كل شهر يعنى انا ممكن ادفع مقدم 100,000 و انا زوجتى مدرسه ممكن يتسحب من مرتبها
ياريت حد يفيدنى

**Khaled_Nowaihy** · 20-12-2014 12:53 PM

لو حضرتك معاك 100000 يبقى فاضل عليك 80 الف بس
يستحسن تاخدهم قرض من أى بنك أفضل
ممكن تفكر فى البنك لو معاك نصف أو ثلث سعر العربية
وتستريح من مشكلة حظر التصرف

**elenawy** · 22-12-2014 06:46 PM

بس كونتاكت الفايده ١٠٪
انا سمعت ان بنك ناصر الفايده ٥.٥٪

**prooo** · 23-12-2014 03:45 AM

نصيحه...... ابعد عن البنوك تماما عشان الربا حرام عليك ...... قدامك حلين ملهمش تالت للبعد عن الحرمانيه تماما .....كونتاكت كارز ودي تقسيطها حلال 100% عشان هما بيشتروا العربيه وبعدين يرجعوا يبيعوهالك .... الحل التاني ان حضرتك تروح لاي فرع من فروع كيا موتورز وتقسط معاهم تقسيط مباشر وده برده مش حرام لانك شاري من صاحب السلعه نفسه ...... وابعد عن التامين.... عشان ربنا يباركلك وده عن تجربه...... يا اما انا رائي الشخصي وانت حر طبعا انك تشتري حاجه بالفلوس معاك كاش كسر زيرو ...... ارجو تقبل مروري

**m_mostafa4** · 23-12-2014 04:05 PM

السلام عليكم , ممكن حضرتك تجرب شركة المباشر اللى هى تابعة لمجموعة عبد اللطيف جميل .. دول عندهم تقسيط و تأمين اسلامى .. روحلهم و استفسر عن اللى انت عايزه و شوف انظمتهم و هما ناس محترمين عن تجربة و لو محتاج اى تفاصيل راسلنى على الخاص و بالتوفيق ان شاء الله