من كلامكم حبيت اللوجان بس عندي استفسارات
السلام عليكم ورحمةالله وبركاته
فعلا المنتدى ده افادني كتير وحببني في اللوجان بعد ما كنت محتار بين اللوجان والڤيرنا واللانوس واستقريت ان شاء الله على اللوجان
بس عندي بعض الاستفسارات
١- هل الشكل الجديد ظهرتبه اي عيوب اومشاكل ولا ممتاز زي الشكل القديم ... يعني لو لقيت عند معرض الشكل الجديد والقديم اشتري مين فيهم
٢- هلفرامل ال abs مهمة قوي وتستاهل فرق الثمن ده بين الفئة الثانية و الثالثة حوالي ٦ الاف جنيه ولا مش فارقة قوي واجيب الفئة الثانية ... للعلم انا هضغط على نفسي لو جيبت الفئةالثالثة
وهل عند اعادة البيع - لا قدر الله - هيفرقabs ولا هخسر جامد
٣- سمعت عن عمود التزان واهمية تركيبه فهل هو موجود في كل الفئات
٤- ما الفارق بين اني اجيبها من التوكيل او من المعارض وايه الاحسن
ولو من المعارض ترشحولي ايه افضل المعارض ذاتالسمعة الجيدة وخدمة ما بعد البيع
٥- هل قطع غيار الشكل الجديد مختلفة عن الشكل القديم من الاجزاء الداخلية مثلاالمساعدين - تيل الفرامل الخ - بصراحة ما بفهمش فيهم قوي- ولا في اختلاف
ولو في اختلاف هل قطع غيار الشكل الجديد متوفرةفي التوكيل وخارجة وبسعر مناسب ولا ايه
٦- بالنسبة للسرقات والحوادث اخبار التأمين ضدهم ايه ومين افضل شركات التأمين وميكونوش نصابين وبكام
وشكرا لكم واسف جدا على الاطالة بس ان في رجالة جدعان في النتدىده والله حببوني في اللوجان والنتدى نفسه