لو سمحتوا انا هستلم النترا 2015 عايز اعرف اية الحاجات اللى بستلمها مع العربية وتنصحونى باية عند الاستلام
عرض للطباعة
لو سمحتوا انا هستلم النترا 2015 عايز اعرف اية الحاجات اللى بستلمها مع العربية وتنصحونى باية عند الاستلام
الولاعه والكتالوج واتأكد ان الاستبن راكب ومفتاح العجل والكوريك فوقيه
الف مبروك مقدما و ربنا يديلك خيرها و يكفيك شرها
اهم حاجه تتأكد ان العربيه مش مخبوطه و ان مفيش اى اختلاف فالدهان و ان الخلوص سواء فالكابوت او الشنطه ثابت مفيش جنب اكبر من جنب و تتأكد ان كل حاجه شغاله فالعربيه (عدادات - اضاءه - تكييف - مساحات - كاسيت و هكذا)
الف مبروك مقدما .. عايزين نعرف شوية تفاصيل عن العربية وكيل ولا خليجي ؟ سعرها كام ؟ اي فئة ؟ واية الاوبشنز اللي فيها .... علشان كل الناس تستفاد .... اما بالنسبة للاستلام ... اول حاجة لازم تستلمها بالنهار وتبص علي العربية كويس اوي .... تتاكد من الاستبن موجود والعدة والولاعة والاريال لو في .... وربنا يوفقك ان شاء اللة
مبروك ياباشا الف مبروك ظبعا زي ما الزملاء قالوا بس بختصار كدة في مصر وانت بتجيب جديد كأنك بتشتري مستعمل لأن للاسف مفيش ضمير المهم حضرتك اهم حاجة تشوف الدهان في العربية كلها تجرب النور والانوار الداخلية الكاسيت الكلاكس التكييف الاشارات المساحات ومية المساحات وحاول تنزل تحت العربية تشوفها تمام من تحت ولا فيه اي اثر لتخبيط لو لقيت اي حاجة مش عاجباك قولهم عليها ومتستلمش الا لما تتحل رربنا يوفقك ياباشا يارب ومتنساش اول متخرج تظبط الكاوتش علي المقاس الموصي بيه في الكتالوج او في القايم بتاع الباب وتحط بنزين
الحمد الله استلمت العربية وربنا يبارك فيها العربية وكيل غبور الفئة التالتة الهاى لاين الفئة القبل الاخيرة سعرها 163 الف
مواصفات نفس الفئتين اللى قبلها لكن دى زيادة عنها انها abs ومالتى فانكشن وفتحة سقف وجنط 16
مبرووك ياباشا ربنا يباركلك فيها ويحفظهالك يارب
على البركة يا باشا و ربنا يديك خيرها ويكفيك شرها