اجراءات نزول العربية تريبتك من السعودية

**محمد بازيد** · 29-12-2014 10:14 AM

معلش مش فاهم السؤال بخصوص الرخصة لو تقصد انك مش معاك رخصة مصرية
يبقى لازم تسال هناك لان مش متاكد بس بتهيالى والعلم لله انك ممكن تدخل البلد بالسعودى وبعدين تتطلع المصرى

**mido3_gho** · 30-12-2014 07:20 AM

المشاركة الأصلية كتبت بواسطة محمد بازيد

معلش مش فاهم السؤال بخصوص الرخصة لو تقصد انك مش معاك رخصة مصرية
يبقى لازم تسال هناك لان مش متاكد بس بتهيالى والعلم لله انك ممكن تدخل البلد بالسعودى وبعدين تتطلع المصرى

انا مش معايا رخصة مصرية ومعايا سعودية

هوا وانا خارج لازم يكون معايا المصرية ؟؟؟؟

الاهم من كده فى مشكلة لما ادخل وانا مش معايا رخصة مصرية .. هتعملي ازمة؟؟؟

وحاجة تانية ياستاذ محمد

لو إجمالا كده .. تكلفة الذهاب والعودة بالسيارة انا والزوجة وولدين اطفال .. فى حدود كام ؟؟؟

**محمد بازيد** · 01-01-2015 11:15 AM

بص يا سيدى انا موضوع الرخصة مقدرش افيدك لانى لما بروح هناك اللى بيخلص الورق مش بيطلب رخصتى المصرية
بالنسبة للتكلفة
600 دفتر تريبتك ذهاب وعودة
450 حجز عربية ذهاب
1200 تذاكر لك ولزوجتك والطفلين
650 تريبتك ورسوم طبعا المبالغ كلها بالريال
--------
2900 تقريبا للذهاب
العودة
800 حجز للعربية
2000 تذاكر سفر ليك والعيلة الاسعار بالجنية
احسبها انت بقى وشوف ايجار العربية فى مصر كام والخطورة فى الايجار وصولات الامانة

**mido3_gho** · 02-01-2015 11:53 PM

جزاك الله الف خير ياستاذ محمد

بجد انا مش عارف اشكر حضرتك ازاي

فعلا افادة من حضرتك محترمة جدا .. بس النقطة اللى يالايت تقدر تفيدنى بيها وانا بردوا هسأل عليها

بتاعت الرخصة المصرية

بجد الف الف شكر ياستاذ محمد

**محمد بازيد** · 04-01-2015 02:45 PM

حبيبى لا شكر على واجب ودة اللى اتعودنا علية فى نايل موتورز
بالنسبة لموضوع الرخصة سالت واحد حبيبى قالى انك لما توصل بالسلامة تشوف واد من المخلصين يظبطلك الاداء

**mido3_gho** · 07-01-2015 07:17 AM

المشاركة الأصلية كتبت بواسطة محمد بازيد

لما توصل بالسلامة تشوف واد من المخلصين يظبطلك الاداء

الواد المخلصين دول اشوفه فى المينا ولا لما اوصل بلدي ؟؟؟

واخبطه ( اكرمشله ) كام

ولو يقدر ينجزني فى الرخصة يبقي فل اوي

**محمد بازيد** · 07-01-2015 08:00 AM

ان شاء الله اول لما توصل الميناء هتلاقى المخلصين زى الرز هيتفاوض معاك من 500 يخلصلك الورق غير الرسوم انت خليك صايع مش أكثر من 300 من 250 المهم انك متروحش اى مكان هو هياخد منك الورق وانت تقعد على القهوة وهو يجيبلك كل حاجة

**mido3_gho** · 08-01-2015 07:31 AM

والله ياستاذ محمد إنت شرحك زى الفل بجد وريحيتنى جدا جدا جدا

وبجد بجد شبه نويت اشد بالعربية واروقها فى مصر بدل شغل الميكانيكية بتوع هنا

بالمرة لو تعرف حد يخلصلي موضوع الرخصة فى مصر ويباخدله سبوبة واخلص منها يبقى تمام اوي ياباشا

بدل ما ادخل فى حوار مدرسة والوش دا .. لإنك طبعا مدة الاجازة بتبقي عاملة ازاي والوقت ضيق جدا

**محمد بازيد** · 08-01-2015 10:44 AM

حبيبى الله يخليك
بسا انت حدد انت منين فى مصر
والموضوع مش محتاج مدرسة فى مصر اسهل مليون مرة من هنا
فى مصر هتروح المرور اللى انت معاه ويكون معاك شهادة باطنة ونظر ومعاك اربع صور وتشترى ملف رخصة خاصة جديدة وبعدين انت تروح تدفع وتدخل تمتحن ممكن يومين تكون مظبط

**mido3_gho** · 08-01-2015 03:57 PM

المشاركة الأصلية كتبت بواسطة محمد بازيد

حبيبى الله يخليك
بسا انت حدد انت منين فى مصر
والموضوع مش محتاج مدرسة فى مصر اسهل مليون مرة من هنا
فى مصر هتروح المرور اللى انت معاه ويكون معاك شهادة باطنة ونظر ومعاك اربع صور وتشترى ملف رخصة خاصة جديدة وبعدين انت تروح تدفع وتدخل تمتحن ممكن يومين تكون مظبط

ياباشا لو كانت بالسهولة دى كنت طلعتها من سنة ونص

عندنا فى المنوفية المدرسة بقت فرض عليك تقعد اسبوعين على ما تطلعها وبعدها تدخل اختبار غير كده مبقاش بقي

المشكلة النزول بتاعنا شهر فى السنة .. والشهر دا ماينفعش تضيع منهم اسبوعين عشان رخصة والحوارات دى

عشان كده بسأل إيه النظام إنها تسلك على طلوع

الموضوع: اجراءات نزول العربية تريبتك من السعودية

LinkBack

أدوات الموضوع

عرض

-

-

-

-

-

-

-

-

-

-

المواضيع المتشابهه

مساعدة في اجراءات السفر من مصر الي السعودية برا

استفسار بخصوص نزول سيارة من السعودية لطالب مزدوج الجنسية و بيدرس فى مصر

اجراءات تغيير لون العربية قبل نقل الملكية ؟

عايز اعرف اجراءات نقل ملكية العربية ؟؟

سؤال مهم ما هى اجراءات استلام العربية من التوكيل ؟

الكلمات الدلالية لهذا الموضوع

المفضلات

المفضلات

ضوابط المشاركة