الموضوع: اجراءات نزول العربية تريبتك من السعودية

بسم الله الرحمن الرحيم

أولا اجازة سعيدة
ثانيا انت لازم تحدد انت عايز خطوات التريبتك هتسافر سايق العربية ولا هتشحنها خلينى أشرحلك الاثنين وانت أختار
1- لو انت من سكان جدة او مكة يبقى زى الفل هتطلع على شارع الميناء ومعاك استمارة العربية باسم حضرتك ميكونش عليها حظر بيع ولا اى متعلقات مالية للبنك أو مخالفات الخطوة دى بتدفع 600 ريال صالح الدفتر لمدة 6 شهور وممكن تطلع على ضبا تطلعه من هناك بس هيكون أغلى
2- لو حضرتك هتشحن العربية من جدة وتستلمها من السويس هتدفع حدود 1200 ريال وتستلمها بعد4 أيام من تحرك المركب بس خلى بالك ساعات بيرخموا لازم العربية يكون نص التانك بس فى الحالة دى لازم يكون معاك الخروج والعودة مطبوع ليك والعائلة مش بيعترفوا ببالسيستم
3- لو انت هتسافر بالعربية سايق يبقى هتتكل على الله وتطلع على ضبا ومن هناك تحجز تذاكر للعربية وليك والعائلة العربية فى حدود 650 والفرد فى حدود 250 تقريبا والمشوار ممكن توصل بعد 8 ساعات تقريبا
4- لما توصل مصر بالسلامة لو سايق هتنزل تشوف الجمارك لو معاك حاجة تتجمرك لو فتحت مخك يبقى هتعدى وبعدين تروح بالدفتر بتاع التريبتك والاستمارة والجواز وتروح تدفع رسوم الوارد فى حدود 1500 جنية + 350 أوراق و120 لوحات والشاى والقهوة ربنا معاك فيهم
وحمد الله على السلامة لو ياباشا لو انت رايح تستلم عربيتك اللى انت شاحناه نصيحتى ليك توصل السويس الساعه 7 الصبح علشان تخلص الساعه 10 -11
اى حاجة مش واضحة تحت أمرك

الاستاذ محمد بازيد

بصراحة جزاك الله الف خير

بداية الكلام انا من حائل - بينى وبين ضبا حوالي 700 كيلوا ودى الحمدلله حاجة بسيطة مش زى الرياض او جدة

الاهم بقي .. بخصوص الشاى والقهوة اللى فى مصر ... دى المهم عندى .. يعنى إيه ؟؟؟؟؟؟؟؟؟؟

يعنى الحوار على ما اطلع من المينا لإنى هنزل عن طريق ضبا - الغردقة هدفع كام

لإنك زى ما تفضلت وشرحت النقط دى انا يعنى ملم بيها شويتين - لكن الشاى والقهوة دى اللى معرفش إيه نظامها

وعشان اخلص نفسي بدري بدري - ارش كام ؟؟؟؟

بعد كده

انا مش معايا رخصة فى مصر - الرخصة الدولية اللى بطلعها من هنا فى المملكة .. معترف بيها فى مصر ولا ولا الهوا لازم اترزع مخالفة ؟؟؟

ياريت الافادة وشكرا ليك كمان مرة

وحضرتك آخر مرة سافرت بسيارتك ... كان إمتى ؟؟؟؟؟

أخى الكريم
بالنسبة للشاى والقهوة فى حدود 350 -400 جنية وممكن هتلاقى ناس هناك زى اللى عند المرور فى مصر وهياخدو فى حدود 250-300 ويعملك كل حاجة وانا عن نفسى بعمل كدة بقعدد على القهوة افطر واظبط وهو بيخلص أخر مرة كنت فى مصر فى الصيف
الرخصة الدولية مش معترف بيها فى مصر انت ممكن تطلع السعودية وانت فى الطريق وانت هناك تطلع المصرية

المشاركة الأصلية كتبت بواسطة محمد بازيد

الرخصة الدولية مش معترف بيها فى مصر انت ممكن تطلع السعودية وانت فى الطريق وانت هناك تطلع المصرية

استاذ محمد جزاك الله الف خير

بخصوص السطر الاخير دا انا مش فهمه خالص يعنى إيه اطلع الرخصة المصرية دى

انا معايا السعودية .. لكن اطلع المصرية ازاي دى بقي دا اولا

بخصوص بقي حضرتك آخر مرة كنت فى الصيف ... اخبار الطريق إيه ؟؟؟؟ في مشاكل لا سمح الله ؟؟


وافضل طريق امشي عليه لإنى عاوز اروح القاهرة واطلع بعدها على المنوفية

شكرا جدا لحضرتك وجزاك الله الف خير بس رجاءاً الافادة بالنسبة للرخصة دى للضرورة

المشاركة الأصلية كتبت بواسطة abohashem1

باشا معلش انت نازل امتا ان شاء الله بالعربية عشان احتمال انزل بالعربية بس بعد شهر باذن الله

ياباشا كان نفسي والله نتقابل بس انا نزولي لسه شوية على شهر 4 او 5 إن شاء الله

مانا بسأل عالنزول سهل ولا صعب عشان ارتب اموري إن شاء الله

على العموم ربنا معاك والاستاذ محمد جزاه الله خير بيفيدنا بكل حاجة اهه

بمناسبة نزولكم والله السنة اللى فاتت واحد حبيبى نزل من جدة الى المنوفية بعربية ايكو تخيلوا والله كان نازل اجازة 70 يوم جواز أخد العربية معاه مكانش فى مكان فى العربية غير للسواق بس والله الحمد لله كان ماشى 100-110 واول مرة يطلع برة جدة اللى ناوى على النزول يعتمد على الله ويتوكل ويجهز عربيتة ويشد بس نصيحة اللى معاه اطفال يحاول يكون تحركه فى الطراوة علشان الحر

طب بخصوص موضوع الرخصة ياستاذ محمد

وآسف على الاسئلة الكتير