كنت عايز اعرف ايه كمية الكورولا اللي كثرت ف البلد ببشاعه دي ع الرغم من أن ناس كتيير بتشكك ف العربيه
ولكن حقا أنها الكورولا
كنت عايز اعرف ايه كمية الكورولا اللي كثرت ف البلد ببشاعه دي ع الرغم من أن ناس كتيير بتشكك ف العربيه
ولكن حقا أنها الكورولا
كترت في البلد بس؟؟ ,دي مغرقه العالم
اي حد عاوز عربية راحة دماغ في الفئه بتاعتها لازم يجيبها
لا ميكانيكي ولا كهربائي يلمسها الا بعد زمن الزمن
زمردة الياباني
للاسف اغلبية اللي بيتكلموا او بيشككوا مش ملاك للعربية و لاجربوها و بيبقا كلامهم ملئ بالمغالطات عشان مجربش و الكلام بيبقي مش دقيق و فيه مبالغات كتير سلبية مش عارف ليه !
طبعا بدون شك اكتسسسساح للفئة دي في مصر و خارج مصر يعني الموضوع ليس له علاقة بمصر و سوقها اللي ليه اوضاع خاصة.
ياراجل يا طيب ده كان في زميل عزيز في المنتدي كان عامل موضوع "بعد مرور عام على امتلاك الوحش اليابانى 2014 Corolla هل انت راضي عنها ؟ " زي مواضح من العنوان "امتلاك" ليس تجربة و لا شفتها و لا كارها !!! و عامل استطلاع المفروض الملاك اللي معاهم العربية يردوا يقولوا راضيين عنها و لا لأ , قوم ايه بقا ناس معهاش العربية اصلا يدخلوا في الاستطلاع و يجاوبوا لأ مش راضيين عليها !!!
طب مش لما تمتلكها الاول تبقا تقول وحشة هههه و لا هو وحشة وخلاص بس طبعا نتائج الاستطلاع بتبقا باينة مين صوت بأيه و بصراحة المنظر مش ظريف لأنه فيه تعصب شديد بدون اي داعي دي شوية حديد في حديد .
يعني مثلا مثلا عشان انا مش عجباني الفلوانس او السكودا او الاوبل اقوم ادخل علي استطلاع لرضائي عن العربية بعد امتلاكها وانا مش من ملاكها و اقول انا مش راضي , دي عينة بسيطة مصغرة :)
موش لازم تكون ملكت العربيه عشان تقيمها ,لو بتصينها او بتاجر فيها بتكون رؤيه وتقييم ليها
لكن مش واحد مالهش تعامل خالص معاها يقييمها
الفئة الوحيدة اللي شفتها بتقول عليها وحشة التجار , عشان يغلوا مستعمل الموديل الاقدم على حس ان الموديل الجديد وحش
و للأسف المشتري المصري بيحب اوي يسمع للتاجر
بص شوف المستعمل 2012 و 2013 بيتعرض بأسعار عاملة ازاي .... اغلى من الزيرو الشكل الجديد ... حاجة جنان
اكتساح ايه يا جدعان الى بتتكلموا عنه , انا نادرا لما اشوف واحدة فى الشارع
الرينو فلوانس ضيعتها
الفلوانس ضيعتها !!!
مش معني ان حضرتك مش بتشوفها في الشارع يبقي مش موجودة ده كلام مرسل غير حقيقي انا لا اعترف غير بالارقام و ده ابلغ رد علي المشككين او المقللين :
http://nileup.com/up/uploads/nilemotors_14191663261.jpg
دي يا سيدي الفاضل مبيعات السيارات ال 1600 و ال 1500 السنة دي في السوق المصري شوف الفلوانس واخدة كام من مبيعات السوق 1.7% و قارنها بالكورولا الجديدة 9.9% برغم انها لسة جديدة في السوق و انا الفلوانس سبقاها بسنتين !!
طب اقولك حاجة تانية اجمع كدة كل مبيعات رينو مش هقولك الفلوانس بس , اجمع كده معايا :
فلوانس 1.7% + سانديرو 2.3% + لوجان 3.1% = يساواي 7.1 % (ده كل موديلات رينو)
يعني مبيعات الكورولا الجديدة (9.9%) بس اللي هي نادرا لما بتشوفها اكتر ب 2.8% من كل مبيعات رينو مش فلوانس بس !!!
الارقام هي الواقع وليس الكلام المرسل .
المصدر جريدة البورصة المصرية للسيارات :
انفوجراف : ترتيب السيارات الاعلى مبيعا سعة 1600 سى سى..وفيرنا تتصدر - جريدة البورصة
اقتباس:
يا رااااااااااااااااجل :)
اقتباس:
مش معاك فى دى بصراحه و لا اى ماركه تانيه كمان فى الفئه دى :))))
والله كنت لسة هرد بس لما لقيت حضراتكم رديتوا وانتم من ملاك الفلوانيس ..
والله ما لاقى كلام اقوله
ربنا يباركلك لكل واحد ف عربيته