تحذير .. فخ السرقة بالاكراه على الطرق السريعة
السلام عليكم و رحمة الله و بركاته
كلنا بنسمع من فترة للتانية عن حد اتثبت بسلاح و عربيته اتاخدت و اللي اتقتل و اللي اتصاب و اللي اضطر يدفع عشان يرجع العربية و حكاوي تانية كتير
في فخ بيبقوا الحرامية عاملينه على الطرق عشان يسهل عليهم موضوع السرقة بالاكراه دا
يحط لك رقم موبايل و يكتب لك جنبه ( ميكانيكي ) او ( ونش )
تقوم حضرتك لما عربيتك تعطل تتصل بكل تلقائية برقم من الارقام الموجودة على رصيف الطرق السريعة و الدائري على اساس ان في حد جاي ينقذك
و تقول للي بيرد عليك انك عطلان في المكان الفلاني عن الكيلو كذا او عند نزلة كذا
يقوم الباشا بعد ربع او نص ساعة يكون عندك هو و مجموعة من زمايله جايين في عربية دبابة او جامبو و تتفاجئ انهم جايين عشان يسرقوا منك العربية
حتى لو العربية مش بتمشي هتلاقيهم قطروها و انت لا حول لك ولا قوة
و الموضوع دا حصل بالفعل .. و اكيد حد من حضراتكم سمع عن حاجة زي كدا
التحذير هنا .. ياريت محدش يتعامل مع اي ارقام موبايل مكتوبة على الجدران الاسمنتية للطرق السريعة و الصحراوية لأن دي بنسبة 70 او 80 % بتكون فخ لسرقة العربية
الا هل بلغت .. اللهم فاشهد