افيدونى يااهل الخبرة عربيتى جيب kk الموتور بياكل زيت وصوته اصبح اعلى اعمل عمره ولا اشترى موتور استيراد
عرض للطباعة
افيدونى يااهل الخبرة عربيتى جيب kk الموتور بياكل زيت وصوته اصبح اعلى اعمل عمره ولا اشترى موتور استيراد
مين إللى قالك إن الموتور محتاج عمره؟ وهو عامل كام كيلومتر ؟
فيه بلف لتهوية الكارتير إسمه Positive Crank -case Ventilation
(PCV)
روح التوكيل وقلهم يكشفوا عليه بالإسم ومتخليهومش يعملوا حاجه تانية ولو كان بايظ يغيروه وشوف إيه الأخبار
وقبل الكلام ده فك بوجيه وشوف عليه زيت ولا لأ
البلف ده مكانه عالموتور من ناحية السواق وعليه كوعة خرطوم إسود وهو لونه بيبان من تحت الكوعه بنى محمر
وأنا إن شاء الله حاشوفلك صورة للمكان بتاعه أو حتى أصورهولك من عربيتى
وبإذن الله يطلع العيب فى البلف ده لأنه بيخلى الزيت ينقص وبيسبب صوت فايبريشن غليظ فى الموتور
وربنا يوفقك وإبقى طمنا
وكمان متنساش تخليهم ينضفوا الخراطيم بتاعته بالهواء ويسلكوها
بلف الpcv ده فعلآ والغريب انو بيديك نفس اعراض تفويت المتور ومستخجم فى كل عربيات فورد برضو وله عمر افتراضى تقريبآ من 60 ل100 الف كيلو والصنايعيه العباقره كانو بيلغو فى الفور الاسكورت منغير ما يفهمو والناس تعد تعمل عمرات وتغير مواتير ومش عارفين العيب فين ..
مشكلة الالماني والامريكى ان في قطع كتير لها عمر افتراضى لازم تتغير فى حتى لو سليمه وده اللى ابناس والتوكيلات متعرفوش